Esekiyeli 1:10 - Mandinka Bible

¹⁰ Ì ñaadaalu be teŋ ne: Ì kiliŋ-wo-kiliŋ, hadamadiŋ ñaadaa muluŋo le be a ñaatiliŋo la, jata ñaadaa muluŋo be a bulubaa karoo la, tuuraa ñaadaa muluŋo be a maraa karoo la, aniŋ wataa ñaadaa muluŋo be a kooma la.

Esekiyeli 1:10 ပူးပေါင်းရင်းမြစ်များ

1 Taarika 12:8

Ñiŋ Kadu lasiloo kelediŋolu le kafuta Dawuda ma, tumoo meŋ na a be tatoo to keñewuloo* kono. Ì fanaa ka tara pareeriŋ keloo la le, aduŋ ì ye sooroo niŋ koteeroolu* kalamuta baake. Ì be saŋarariŋ ne ko jatoolu, ì be tariyaariŋ ne ko konkokono minaŋolu.

Yuuba 39:27

Fo seeliŋo ka tii santo i la yaamaroo le kaŋ baŋ, a ye a la ñaŋo laa santo?

Kuma Kotoomaalu 14:4

Niŋ ninsi senelaa te daameŋ, bomboloo ka tara kenseŋyaariŋ ne, kaatu tuuraa semboo, wo le ka katirifeŋo siyandi moo ye.

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Yesaya 46:8

“Alitolu balannaalu, ali si ali hakilitu ñiŋ to, ali kali a miira, a ye tara ali sondomoo kono.

Esekiyeli 1:6

bari kiliŋ-wo-kiliŋ ñaadaa naani le be a la, aniŋ dampaŋ naani.

Esekiyeli 10:14

Wo malaayika kiliŋ-wo-kiliŋ ye ñaadaa naani le soto. A ñaadaa foloo mu kerubu malaayika ñaadaa le ti, fulanjaŋo mu hadamadiŋo ñaadaa ti, sabanjaŋo mu jata ñaadaa ti, aniŋ naaninjaŋo mu wataa ñaadaa le ti.

Esekiyeli 41:19

Hadamadiŋ ñaadaa le be tilindiŋ tamaree suŋo bulubaa karoo la, jata ñaadaa muluŋo be tilindiŋ tamaree suŋo maraa karoo la. Ì be teŋ ne Batudulaa Buŋo muumewo kono,

Daniyeli 7:4

Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.

4 Musa 2:10

Bulubaa kara maafaŋo la, Rubeni kelediŋ kafoolu la daakaa ñanta tara la wo le to, ì la bandeeroo koto. Rubeni lasiloo moolu la ñaatonkoo mu Elisuri le ti, Sedeyuri dinkewo.

4 Musa 2:18

Tilijii kara maafaŋo la, Efurayimu* kelediŋ kafoolu la daakaa ñanta tara la wo le to, ì la bandeeroo koto. Efurayimu koomalankoolu la ñaatonkoo mu Elisama le ti, Ammihudi dinkewo.

4 Musa 2:25

Maraa kara maafaŋo la, Dani kelediŋ kafoolu la daakaa ñanta tara la wo le to, ì la bandeeroo koto. Dani koomalankoolu la ñaatonkoo mu Ahiyesa le ti, Ammisadayi dinkewo.

4 Musa 2:3

Tilibo kara maafaŋo la, Tiriliisoo ñaatiliŋo la, Yahuuda kelediŋ kafoolu ñanta daakaa loo la wo le to, ì la bandeeroo koto. Yahuuda koomalankoolu la ñaatonkoo mu Naasoni le ti, Amminadabu dinkewo.

Luka 15:10

“Ŋa a fo ali ye, wo ñaa kiliŋo la seewoo be Alla la malaayikoolu fee le junubelaa kiliŋ na tuuboo la.”

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

Lankenemoo 4:7

Daafeŋ baluuriŋ foloo muluŋo be le ko jatoo, fulanjaŋo be ko ninsituuraa, sabanjaŋo ñaadaa be le ko hadamadiŋo ñaadaa, aduŋ daafeŋ naaninjaŋo be le ko seeliŋo tiitoo.

Lankenemoo 5:5

Wo to le alifaa kiliŋo ko n ye ko, “Kana kumboo! A juubee, Yahuuda lasiloo la jatoo meŋ bota Dawuda bala, a ye nooroo ke le. Wo kamma la, ate le si kitaabu moromororiŋo la noto woorowuloo teyi noo ka a yele.”

Kiitindirilaalu 14:18

Tili woorowulanjaŋo, janniŋ tiloo ka boyi, saatewo kewolu naata mansaaloo ñiŋ kotoo firiŋ Samuuda ye. Ì ko a ye ko, “Muŋ ne diyaata liyo ti? Feŋ jumaa le bambanta jatoo ti?” Wo le to a ko ì ye ko, “Niŋ ali maŋ senoo ke niŋ n na ninsi yeerewo la, ali te n na ñiŋ mansaaloo firiŋ noo la.”