Efesusinkoolu 4:31 - Mandinka Bible

³¹ Ali niikuyaa bee bula, kamfaa, jusuboo, kawuyeeyaa, tooñeeri kumoolu aniŋ kuruŋyaa kuwolu bee.

Efesusinkoolu 4:31 ပူးပေါင်းရင်းမြစ်များ

Kolosankoolu 3:8

Bari saayiŋ, ali ñiŋ kuwolu bee bula, mennu be ko kamfaa, jusuboo, kuruŋyaa, aniŋ tooñeeroo. Aduŋ kuma nooriŋo kana bo ali daa kono.

Kawandilaa 7:9

I jusoo kana sutiyaa, kamfaa daakaadulaa ka tara toolewolu le jusoo to.

1 Pita 2:1

Wo kamma la, ali kuruŋyaa bee bula, faniyaa foo, bunaafayiyaa, haasidiyaa, aniŋ koomakumaroo.

Yankuba 1:19

M baadiŋ kanuntewolu, ali ñiŋ loŋ ko, ali moo-wo-moo ñanta tariyaa la le ka lamoyiroo ke, bari ali si naafa ka diyaamu. Ali jusoo kana sutiyaa,

Kolosankoolu 3:19

Kewolu, ali ali la musoolu kanu, aduŋ ali kana saŋara ì kaŋ.

Yankuba 3:14

Bari niŋ kiiliyaa jawoo niŋ kuŋ kiliŋ nafaa be ali sondomoo kono, wo to ali kana kibiri, kaatu wo mu tooñaa nakaroo le ti.

Efesusinkoolu 4:26

Ali la kamfaa kono, ali kana junuboo ke. Ali la kamfaa kana tara ali kono fo tiloo ye boyi.

1 Yohana 3:12

M̀ maŋ ñaŋ na ke la ko Kaabiila meŋ bota Seetaanoo* bala, a ye a doomaa faa. Aduŋ muŋ ne ye a tinna a ye a faa? Kaatu a la kebaaroolu le jawuyaata, a doomaa la kebaaroolu tilinta.

Jabuuroolu 101:5

Moo meŋ ka a ñoŋ moo too kullootoo tiñaa, m be wo kasaara la le. N niŋ kufannaa niŋ faŋ waralaa te sii noo la.

Yankuba 4:11

Baadiŋolu*, ali kana kuma jawoo fo ñoo ma. Moo meŋ ka kuma jawoo fo a baadiŋo ma, waraŋ a ka a baadiŋo kiitindi, wo maarii ka kuma jawoo fo Luwaa le ma, aduŋ a ka Luwaa le kiitindi. Bari niŋ meŋ ye Luwaa kiitindi, wo maarii maŋ ke Luwaa mutalaa ti, bari a kiitindilaa.

Kuma Kotoomaalu 26:20

Niŋ loo maŋ soto, dimbaa ka faa le, niŋ koomakumaroo maŋ ke, sonkoo ka baŋ ne.

Titus 1:7

Yeesu la kafoo la kantarilaa mu Alla la dookuulaa kuntiyo le ti. Wo to, a ñanta ke la moo le ti, meŋ maŋ sootaaroo soto. A maŋ ñaŋ na ke la faŋ wara moo ti, moo jusu sutuŋo, dolominnaa, waraŋ fitinamoo. A maŋ ñaŋ na tinewo ñini la tapaleeyaa kono,

1 Timoti 3:11

Wo ñaa kiliŋo la, niŋ musoolu le mu, ì ñanta jari la buuñaa la le, ì maŋ ñaŋ na ke la kajafirilaalu ti, ì ñanta soobeeyaa la le, ì ye foroyaa feŋolu bee to.

2 Korintinkoolu 12:20

Nte be silandiŋ ne ko tumandoo, niŋ n naata, n te ali tara la ko n lafita ali tara la ñaameŋ, aduŋ alitolu te nte tara la ko ali lafita n tara la ñaameŋ. N silata ñiŋ na le ko, m be sonkoo tara la ali kono le, kiiliyaa, kamfaa, hadumoo, ñoo tootiñaa, koomakumaroo, faŋ waroo aniŋ jakasoo.

1 Korintinkoolu 14:20

Baadiŋolu, ali kana ke dindiŋolu ti ali la miiroolu to. Ali ke deenaanoolu ti kuu jawoo la kuwo to, bari ali si ke moo mendiŋolu ti ali la miiroolu to.

Kuma Kotoomaalu 29:22

Moo meŋ ka kamfaa juuna, a ka sonkoo le jambandi, aduŋ moo jusu sutuŋo ka junube kuu jamaa le saabu.

Kuma Kotoomaalu 14:17

Moo meŋ kamfaa tariyaata, a ka kuu fuuriŋolu le ke. Moolu ka feere jawu sitilaa koŋ ne.

Kuma Kotoomaalu 10:18

Moo meŋ lafita ka a la konnanteeyaa maabo, a ka faniyaa le fo, aduŋ meŋ ka koomakumaroo ke, wo mu toolewo le ti.

Kuma Kotoomaalu 10:12

Konnanteeyaa ka sonkoo le kurukuru, bari kanoo ka a ñaa laa kuu kuruŋolu kaŋ ne.

1 Timoti 5:13

Aduŋ fanaa, ì be dali la le ka naafa, niŋ ì be yaayi la taariŋ ka bo buŋ ka taa buŋ. A maŋ ke wo dammaa ti, bari ì be ke la koomakumarilaalu ti le, aniŋ moolu mennu ka ì daa bula wandi kuwolu to, ì ka kuwolu fo le, ì maŋ ñaŋ na mennu fo la.

Kalatiyankoolu 5:20

jalambatoo, batuutaayaa, konnanteeyaa, sonkoo, kiiliyaa, kamfaa, hadumoo, talaaroo,

1 Korintinkoolu 5:8

Wo kamma la, ali ŋà juuraloo ke, bari a kana ke niŋ leweñi kotoo la, kuruŋyaa niŋ jawuyaa leweñoo. Ali ŋà a juura niŋ mbuuru leweñintaŋo la, meŋ mu seneyaa niŋ tooñaa mbuuroo ti.

Roomankoolu 3:14

ì daa kono ka tara faariŋ dankaroo le la, aniŋ kuma jawoo.”

Kuma Kotoomaalu 25:23

Ko foñoo ka samaajiyo naati ñaameŋ samaa kono, koomakumaroo ka kamfaa wulindi wo le ñaama.

Kuma Kotoomaalu 18:8

Koomakumaroo ka munta le ko domori diimaa, a ka diyaa moo daa kono le.

Kuma Kotoomaalu 6:19

moo meŋ ka seedenduriyaa ke, aniŋ moo meŋ ka tu naafikiyaa la baadiŋolu teema.

Jabuuroolu 140:11

Allamaa moo neŋ fatiŋolu kana ñaatotaa soto ñiŋ bankoo kaŋ. Allamaa kuu jawoo ye tu fitina moolu teerindi la, ka ì kasaara.

Jabuuroolu 64:3

Ì ka ì neŋolu diyaa le ko hawusaroo*, ì ka kuma jawoolu fayi ko kalabeñoo.

Jabuuroolu 50:20

Ali ka tara kumoolu fo la ali fansuŋ moolu ma le, ka ali faŋolu baadiŋolu koomakuma.

Jabuuroolu 15:3

A buka moo tiñaa a neŋo la, aduŋ a buka kuu jawu ke a teeri la, waraŋ ka jutunnayaa kuma fo a siiñoo ma.

2 Samuweli 19:27

Aduŋ a ye i la dookuulaa niŋ mansa fayi ñoo kaŋ ne. M maarii mansa niŋ Alla la malaayikoo le ka muluŋ, bituŋ meŋ diyaata i ye, i si wo ke.

1 Musa 37:4

Kabiriŋ a ñiŋ kotoo kewolu ye a je ko, ì faamaa ye Yusufa le kanu ka tambi itolu bee la, ì ye a koŋ. Ì niŋ a buka hadamayaa kuu fo noo kotenke.

1 Musa 27:41

Esawu naata Yaakuba koŋ, daliiloo meŋ ye a tinna, a faamaa ye neemoo daani a ye. Esawu ko a faŋ ye ko, “M faamaa la baluwo maŋ jamfa kotenke. A la saayaa koolaa n si naa n doomaa Yaakuba faa.”

1 Musa 4:8

Kaabiila ko a doomaa Haabiila ye ko, “Ŋà taa kunkoo to.” Kabiriŋ ì futata kunkoo to, Kaabiila wulita a doomaa Haabiila kaŋ, a ye a faa.

Lankenemoo 12:10

Ŋa kumakaŋ baa moyi Arijana kono, meŋ ko, “N na Alla la kiisoo, a la semboo niŋ mansabaayaa, aniŋ a la Alimasiihu* la kantiiyaa naata le, kaatu m̀ baadiŋolu* tuumilaa fayita duuma le. Ate le be ì tuumi kaŋ nuŋ, ǹ na Alla ñaatiliŋo la, suutoo niŋ tiloo la.

1 Yohana 3:15

Moo meŋ ye a baadiŋo koŋ, wo mu moofaalaa le ti. Aduŋ ali ye a loŋ ne ko, moofaalaa-wo-moofaalaa te badaa-badaa baluwo soto la a faŋo kono.

Titus 2:3

Wo ñaa kiliŋo la, musu keebaalu yaamari ka daajika betoo soto ko Alla ñaasilannaalu. Ì maŋ ñaŋ na ke la kajafirilaalu ti, waraŋ ka ke doloo la joŋolu ti, bari ì ñanta ke la kuu betoo le karandirilaa ti.

2 Timoti 2:23

Fata ñoosaba fuuriŋolu ma, mennu mu tooleeyaa ti, kaatu i ye a loŋ ne ko, wolu ka sonkoo le wuluu.

1 Timoti 3:3

A maŋ ñaŋ na ke la dolominnaa waraŋ fitinamoo ti, bari a ñanta sooneeyaa la le. A kana ke sonkamoo ti, sako kodilandiyo.

Kiilaalu 21:30

Bituŋ saatewo bee jakasita, moolu niŋ boroo naata ka bo saatewo karoo bee la. Ì ye Pawulu muta, ì ye a kuruntu Alla Batudulaa banta. Kataba kiliŋ, ì ye bundaalu bee soroŋ.

Yeremiya 6:28

Ì bee mu balannaa jusu jaaroolu le ti, mennu be ko jaawaloo aniŋ newo. Ì ka tara koomakumaroo le la taariŋ, aduŋ ì ka taama kuruŋyaa le la.

Kuma Kotoomaalu 29:9

Niŋ moo ñaamendiŋo niŋ toolewo taata luwaa ñaatiliŋo la, sariŋ-sariŋo niŋ moo ñaawali bambaloo le ka tara keriŋ.

Kuma Kotoomaalu 19:12

Mansa la kamfaa ka munta le ko, niŋ jatoo be bumbuŋ kaŋ, bari a la maakoyiroo ka muluŋ ne ko, niŋ komboo jiita fiifeŋolu kaŋ.

2 Samuweli 19:43

Bituŋ Banisirayila kewolu fanaa ye Yahuuda kewolu jaabi ko, “Ntolu siyaata ali ti mansa yaa le ko siiñaa taŋ. Saayiŋ, muŋ ne ye a tinna, ali jututa ǹ na? Fo ntolu le foloo maŋ a fo ko, m̀ be ǹ na mansa murundi la le?” Bari Yahuuda kewolu le la jaabiroo saŋarata ka tambi Banisirayila kewolu la.

2 Samuweli 13:22

Abusalomu maŋ feŋ-wo-feŋ ne fo Amunoni ye, fo a betemaa to, waraŋ jawumaa to. A ye Amunoni koŋ ne, kaatu a ñapita a baarimmusu Tamara kaŋ ne.

1 Musa 37:21

Kabiriŋ Rubeni ye ñiŋ moyi, a ye a kata ka a kanandi ì ma. Bituŋ a ko ì ye ko, “Ali ǹ kana a faa.”

2 Timoti 3:3

Ì te kanoo soto la, aduŋ ì te paree la ka yamfa, bari ì be ke la kajafirilaalu le ti. Ì be ke la faŋ mutabaloolu le ti, ì be saŋara la le, aduŋ ì be kuu betoo bee koŋ na le.

Yeremiya 9:4

Wo to moo-wo-moo si i kekuu a siiñoo to, moo kana laa hani a baadiŋ kiliŋ na, kaatu baadiŋo bee, baadiŋ neeneerilaa, moo-wo-moo ka tara a siiñoo tiñaa la taariŋ.

Jabuuroolu 37:8

Kamfaa bula, i ye i koo dii saŋaroo la. Kana diminnaa, wo ka kuu jawoo doroŋ ne saabu.

Efesusinkoolu 4:22

Wo to, ali ali daajika kotoo wura ali bala, meŋ mu ali la baluuñaa kotoo ti. Wo baluuñaa nakarita le ka bo niŋ hame kuu jawoolu la, mennu ye ali neenee.

Efesusinkoolu 4:25

Wo kamma la, ali meŋ-wo-meŋ si fata faniyaa foo la: Moo-wo-moo si tooñaa fo a siiñoo ye, kaatu m̀ bee mu bala kiliŋ ne taa ti.