Efesusinkoolu 3:14 - Mandinka Bible

¹⁴ Ñiŋ daliiloo le kamma, n ka ñoyi n kumbaliŋolu kaŋ m̀ Faamaa ñaatiliŋo la,

Efesusinkoolu 3:14 ပူးပေါင်းရင်းမြစ်များ

Jabuuroolu 95:6

Ali naa ŋà Yaawe batu, ŋà jimi duuma ka sujudi a ye, ǹ Daamansoo.

Filipinkoolu 2:10

Wo le ye a tinna ka bo niŋ Yeesu too la, niilamaa feŋolu bee be ñoyi la a ñaatiliŋo la le, mennu be Arijana kono, duniyaa kono jaŋ, waraŋ bankoo kono duuma.

Kiilaalu 21:5

Kabiriŋ ǹ na waatoo banta jee, ǹ tententa ǹ na taamoo la. Baadiŋolu bee mennu be jee, ì la musoolu aniŋ ì diŋolu, ì niŋ ǹ taata ñoo la fo baa daala saatewo banta la. M̀ bee ñoyita jee ka duwaa. Ǹ sarariŋ koolaa ñoo la,

Efesusinkoolu 1:3

Tenturoo niŋ jayiroo be Alla ye, m̀ Maarii Yeesu Kiristu Faamaa. A neemata m̀ ma, Nooroo la neemoolu bee le la, mennu be Arijana dinkiraalu kono, neemoolu mennu bee sotota ka bo niŋ Kiristu la.

Daniyeli 6:10

Daniyeli ye a loŋ ne ko, luwaa kayitoo ñiŋ tamputa le, bari wo ñaa-wo-ñaa, a ka taa a la buŋo kono le, a ye sujudi ka duwaa, ka a la Alla daani, aniŋ ka a tentu siiñaa saba luŋ-wo-luŋ, ko a dalita a ke la ñaameŋ. A ka a ke a la buŋ santonkoo le kono, meŋ palanteeroolu be tilindiŋ Yerusalaamu la.

Esira 9:5

Kabiriŋ wulaara sadaaboo waatoo siita, n wulita ka bo n sunuriŋo be siiriŋ daameŋ. N na duŋ feŋolu farariŋo le tarata n na. Bituŋ ŋa m boyi n kumbaliŋolu kaŋ ka duwaa, ŋa m buloolu wulindi Yaawe* ye, n na Alla.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

Kiilaalu 20:36

Kabiriŋ a ye ñiŋ kumoolu fo, a ñoyita duuma, a niŋ ì bee duwaata ñoo la.

Luka 22:41

Wo to le Yeesu bota ì daala, bari a maŋ jamfa ì la baake. A ñoyita jee ka duwaa

1 Mansoolu 19:18

Bari wo ñaa-wo-ñaa m be moo wuli woorowula tu la Banisirayila kono baluuriŋ ne, moolu mennu maŋ sujudi Baali* jalaŋo ye waraŋ ka a sumbu.”

1 Mansoolu 8:54

Kabiriŋ Sulemani pareeta ñiŋ duwaalu niŋ daaniroolu la Yaawe bulu, a wulita ka bo Yaawe la sadaajanidulaa ñaatiliŋo la, a tarata sujudiriŋ nuŋ daameŋ to a ye a buloolu wulindi ka ì tiliŋ santo.

2 Taarika 6:13

Sulemani ye jaawali benteŋo dadaa le nuŋ koomanto, meŋ na kara jamfoo mu nonkonkatiñaa luulu ti, a fanoo fanaa mu nonkonkatiñaa luulu le ti, a loo mu nonkonkatiñaa saba ti, a ye a loo luwo teema. Sulemani loota wo le kaŋ, bituŋ a ñoyita Banisirayila jamaa bee ñaatiliŋo la, a ye a buloolu wulindi.

Kiilaalu 9:40

Bari Pita ye ì bee fintindi banta. Wo to le a ñoyita ka duwaa. Bituŋ a muruta furewo kaŋ, a ko, “Tabita, wuli!” Wo to le musoo ye a ñaalu yele. Biriŋ a ye Pita je, a siita.

Kiilaalu 7:60

Wo to le a ñoyita a kumbaliŋolu kaŋ. A sarita santo ko, “Maariyo, kana ñiŋ junuboo muta ì fee.” Kabiriŋ a ye ñiŋ fo, a niyo bota.

Efesusinkoolu 3:15

ka bo niŋ meŋ na, dimbaayaalu bee toolaata, biriŋ duniyaa kono jaŋ, fo Arijana kono.