Efesusinkoolu 1:12 - Mandinka Bible

¹² Ntolu mennu foloo ye ǹ jikoo loo Kiristu kaŋ, si a jayi a la semboo niŋ waroo kaŋ.

Efesusinkoolu 1:12 ပူးပေါင်းရင်းမြစ်များ

Efesusinkoolu 1:6

fo ǹ si a jayi a la hiinoo la meŋ kallankeeyaata*, a ye meŋ dii ǹ na ka bo niŋ a Kanu Dinkewo la.

2 Tesalonikankoolu 2:13

Bari baadiŋolu, Maariyo ye mennu kanu, a mu ñantoo le ti ntolu ye ka Alla tentu alitolu la kuwo to, kaatu a ye ali tomboŋ ne biriŋ foloodulaa to ka kiisoo soto. Ñiŋ kiisoo naata le, biriŋ Nooroo ye ali seneyandi, aniŋ ali laata tooñaa la.

Efesusinkoolu 3:21

Tenturoo niŋ jayiroo be ate le ye lannamoolu la kafoo kono ka bo niŋ Kiristu Yeesu la, ka bo jamaani ka taa jamaani fo abadaa. Amiin.

Yeremiya 23:6

A la waatoo la Yahuuda be tankandi la le, aduŋ Banisirayila be tara la sabatiriŋ tankoo le kono. Ì be kali a kumandi la ñiŋ too le la: Yaawe le mu ǹ ye Tiliŋo ti.

Yesaya 45:23

N kalita m faŋo too le la ko, ŋa feŋ-wo-feŋ fo, tooñaa le mu, aduŋ n na kumoo te faliŋ na. N ko, moolu bee be ñoyi la n ñaatiliŋo la le, ì ye i kali n too la.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Yankuba 1:18

A faŋo la lafoo le kaŋ, a ye ǹ wuluu ñiŋ baluu kutoo to, ka bo niŋ tooñaa kumoo la. A ye ǹ tomboŋ ka ke foloo ti a la daaroo bee kono.

Yesaya 11:10

Wo luŋo la, maralilaa meŋ be bo la Yese bala ko yirisuloo, be loo la moolu ye bandeeriyaa le daa to. Bankoolu bee be tara la ate le kooma, aduŋ a sabatidulaa be faa la niŋ neemoo le la.

Jabuuroolu 2:12

Ali sujudi Alla la mansariŋo ma, niŋ wo nte, ali si kasaara ali la siloo kaŋ, kaatu a la kamfaa ka wuli le kataba kiliŋ. Seewoo be moolu le ye mennu ka tankoo ñini a bulu.

Efesusinkoolu 2:7

A ye ñiŋ bee ke le, fo a la hiinoo la fanka baa aniŋ beteyaa, a ye meŋ soto ǹ ye Kiristu Yeesu kafuñooyaa kono, si yitandi jamaanoolu bee la, mennu be naa la.

Yohana 14:1

“Ali sondomoolu kana toora. Ali laa Alla la, aduŋ ali si laa nte fanaa la.

Yesaya 45:25

Nte Yaawe le be a saabu la, Banisirayilankoolu ye ke moo tilindiŋolu ti, aduŋ ì be n jayi la le.”

1 Pita 1:21

Ka bo niŋ ate le la, ali dankeneyaata Alla la, meŋ ye a wulindi ka bo saayaa kono, aduŋ a ye kallankeeyaa dii a la. Wo kamma la, ali la lannoo niŋ jikoo si tu Alla kaŋ.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.