Daniyeli 6:17 - Mandinka Bible

¹⁷ Bituŋ ì ye beroo taa, ì ye a laa koloo daa kaŋ, aduŋ mansa ye a faŋo la mansa notoo ke beroo kaŋ aniŋ a la ñaatonkoolu la notoo, ñiŋ kamma moo te Daniyeli kanandi noo la.

Daniyeli 6:17 ပူးပေါင်းရင်းမြစ်များ

Niikuyaa Suukuwolu 3:53

Ì ye n kende fayi dinkoo le kono, ì ye beroolu joloŋ n kaŋ.

Kiilaalu 12:4

Biriŋ a ye Pita muta, a ye a dundi bunjawoo kono. A ye a duŋ kelediŋ kafu naani le bulu ka a kanta. Kafu-wo-kafu ye kelediŋ naani le soto. Herodi lafita a fintindi la moolu ye ka a kiitindi Maariyo Tambi Tumoo Juuraloo* koolaa.

Lankenemoo 20:3

a ye a fayi dinka dambaloo kono, fo sanji wuli kiliŋ, a ye a bitindaŋo soroŋ, aduŋ a ye a noto, fo a kana siloo soto ka nasiyoŋolu neenee kotenke. A te bo la jee to, fo niŋ wo sanji wuli kiliŋo tambita. Wo koolaa, a ñanta bula la le fo waatindiŋ.

Yuuba 5:19

Ate le be i tanka la maasiiba kuwo ma waatoo bee la, kataa kuu te boyi la i kaŋ fereŋ.

Yeremiya 38:5

Mansa Sedekiya ye ì jaabi ko, “A fele, a be ali bulu. Nte te kuu noo la ali ma wo kuwo to.”