Daniyeli 4:35 - Mandinka Bible

³⁵ Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Daniyeli 4:35 ပူးပေါင်းရင်းမြစ်များ

Jabuuroolu 135:6

Meŋ diyaata Yaawe ye, a ka wo le ke, Arijana niŋ duniyaa kono, fankaasoolu niŋ diinoŋolu kono.

Yuuba 42:2

“Saayiŋ ŋa a loŋ ne ko, i te kori la feŋ na, aduŋ feŋ te i la feere landiriŋolu ke noo la baayibaloo ti.

Jabuuroolu 115:3

Ǹ na Alla be Arijana kono le, meŋ diyaata a ye, a ka wo le ke.

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

Yesaya 43:13

Tooñaa, nte le mu Alla ti saayiŋ fo abadaa. Moo te kana noo la m bulu. Niŋ ŋa kuu ke, jumaa le si a faliŋ noo?”

Kiilaalu 4:28

Ì ye kuwolu bee ke, i ye mennu feere i semboo niŋ i la lafoo kaŋ.

1 Korintinkoolu 10:22

Fo ǹ lafita Maariyo kiiliyandi la le baŋ? Fo ntolu le bambanta ate ti baŋ?

1 Korintinkoolu 2:16

A be safeeriŋ ì la kuwo to le ko: “Jumaa le ye Maariyo la miiroolu loŋ, waraŋ ka ke a yaamarilaa ti?” Bari ǹ niŋ Kiristu la miiraliñaa mu kiliŋ ne ti.

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 23:13

Bari ate dammaa le be looriŋ a faŋ ye, jumaa le si a la feeroolu yelemandi noo? Meŋ diyaata ate ye, a ka wo le ke.

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

1 Samuweli 3:18

Bituŋ Samuweli ye kuwo bee fo a ye. A maŋ feŋ ne maabo. Bituŋ Eli ko, “Ate le mu Yaawe ti, meŋ diyaata a ye, a si wo ke.”

Kiilaalu 5:39

Bari niŋ ñiŋ bota Alla le bala, ali te ì boyindi noo la. Ali be ali faŋolu je la Alla le kelendoo la.”

Kuma Kotoomaalu 21:30

Ñaameŋ te jee, fahaamuru te jee, aduŋ feere te jee meŋ si taamandi noo Yaawe kaŋ.

Kiilaalu 9:5

Bituŋ Sawulu ko, “Maariyo, jumaa le mu ite ti?” Kumakaŋo ye a jaabi ko, “Nte le mu Yeesu ti, i ka meŋ toora.

Yesaya 26:9

I la kuwo ka n sondomoo loo le suutoo, n niyo meŋ be n kono ka tara suulariŋ i la le seyila juunoo, kaatu niŋ i la luwaalu lonta ñiŋ duniyaa kono, duniyaa moolu be tiliŋo karaŋ na le.

Kiilaalu 11:17

Wo to Alla ye ñiŋ soorifeŋ kiliŋo le dii ì la, a ye meŋ dii ntolu la, biriŋ ǹ laata Maarii Yeesu Kiristu* la. Saayiŋ, jumaa le mu nte ti, meŋ si balaŋ noo Alla ma?”

Jabuuroolu 49:1

Moolu bee, ali i lamoyi ñiŋ na. Duniyaa moolu bee, ali ali tuloo loo ñiŋ na.

Jabuuroolu 33:14

Ka bo a be siiriŋ a la mansabaayaa kono daameŋ, a ka daafeŋolu bee le juubee naŋ, bankoo kaŋ.

Jabuuroolu 39:5

I ye n na baluu tiloolu ke le ko sibira kiliŋ, aduŋ n na baluwo loo la jamfoo maŋ ke i ñaa koto feŋ ti. A be koyiriŋ ne ko, moo-wo-moo la baluwo la sutiyaa be le ko, niiseloo niŋ niijiyo teema. S

Kawandilaa 8:4

Mansakewo la kaŋo diyo, a ka a ke niŋ semboo le la. Jumaa le ka a fo noo a ye ko, “I ka muŋ ne ke teŋ?”

Yesaya 19:17

Yahuuda bankoo be Misirankoolu kijoo teyi la le, moo-wo-moo ye a too moyi, wo be sila la le, feŋ te fo Yaawe Alihawaa Maariyo ye meŋ parendi ì kamma.

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Yunusa 1:14

Wo to le ì kumboota Yaawe ye ko, “Hee Yaawe, kana ntolu bee faa ñiŋ moo kiliŋo dammaa la saayaa kamma la. Kana m̀ muta kuu la ka moo faa, meŋ maŋ kuu jawu ke, kaatu ite, hee Yaawe, meŋ diyaata i ye, i ka wo le ke.”

Yosuwa 2:2

Doo le taata a fo Yeriko mansa ye ko, “Banisirayilankoolu la moo doolu le fele, ì naata jaŋ ñiŋ suutoo, ka kullooñini ke bankoo keñaa la.”