Daniyeli 4:21 - Mandinka Bible

²¹ A jamboolu be ñiiñaariŋ, a diŋolu be siyaariŋ, aduŋ niilamaalu bee ka domoroo soto a bala le. Daafeŋolu ka daakaa a dubeŋo la le, kunoolu ka ñaŋolu ke a buloolu kaŋ.

Daniyeli 4:21 ပူးပေါင်းရင်းမြစ်များ

Esekiyeli 31:6

Kunoolu mennu bee ka tii santo ka ì la ñaŋolu laa ate le kaŋ. Wulakono daafeŋolu bee ka wuluu a suŋo le koto, duniyaa banku moolu bee ka tara a dubeŋo le koto.

Daniyeli 2:38

A ye i ke maralilaa le ti moolu bee kunna, daafeŋolu, aniŋ kunoolu, duniyaa daa-wo-daa. Ite le mu wo sani kuŋo ti.

Daniyeli 4:11

A la waroo niŋ a la jaŋayaa lafaakuuta, fo a turoo futata saŋo ma, aduŋ duniyaa bee le ye a je.

Daniyeli 4:20

I ye yiroo le je siiboo kono. A la waroo niŋ a la jaŋayaa lafaakuuta, fo a turoo futata saŋo ma, aduŋ duniyaa bee le ye a je.

Daniyeli 4:22

“M maarii Mansa, wo yiroo mu ite le ti. I warata le, i bambanta. I la mansayaa warata le, fo a futata saŋo ma, aduŋ i la semboo futata duniyaa karoo bee la le.

Jabuuroolu 104:17

Kunoolu ka ì la ñaŋolu ke ì santo le, jimoolu ka ì la ñaŋolu ke junipa yiroolu santo.

Esekiyeli 17:23

M be a tutu la Banisirayila konko jaŋ baa le kaŋ, yiribuloolu ye soroŋ a bala, a ye diŋ, a ye ke sedari yiri kekuuriŋo ti. Kunu siifaa jamaa le be ñaŋo laa la a kaŋ santo, ì ye dinkiraa soto a yiribulu dubeŋo koto.

Luka 13:19

A ka munta le ko mutaari* kesoo, kewo ye meŋ taa, a ye a fii a la naakoo kono. Kabiriŋ a falinta, a naata ke yiri baa ti, fo kunoolu ye ñaŋolu laa a buloolu kaŋ.”