Daniyeli 11:36 - Mandinka Bible

³⁶ “Meŋ diyaata Aramu mansa ye, a be wo le ke la. A be a faŋ sikandi la le, ka a faŋ wara alloolu bee ti. A be sookiri kuma baalu le fo la Alla Tallaa ma. A be wajabi la a kekuwolu kaŋ ne, fo Alla ye a la kamfaa jindi naŋ a kaŋ. Alla be meŋ ke la, wo te baayi la.

Daniyeli 11:36 ပူးပေါင်းရင်းမြစ်များ

2 Tesalonikankoolu 2:4

meŋ ka balaŋ feŋ-wo-feŋ na, moolu ka mennu batu. A ka a faŋ sikandi le ka tambi feŋolu bee la, a be hani sii la Alla Batudulaa kono le ka a fo ko, ate le faŋo mu Alla ti.

Daniyeli 8:19

A ko n ye ko, “A juubee, m be a yitandi la i la le meŋ be ke la Alla la kamfaa labandulaa to. Jeroo ñiŋ ye labandulaa la kuwo le yitandi, Alla ye meŋ londi fokabaŋ.

5 Musa 10:17

Yaawe ali la Alla le mu mansoolu la Mansa ti, maariyolu Maarii. Ate le mu Alla Tallaa ti, a warata, aduŋ a ñaasilaŋo warata. A buka laa moo kaŋ, sako ka dukoo taa.

Daniyeli 11:16

Aramu mansa meŋ be naa ì boyinkaŋ na, meŋ diyaata a ye, a be wo le ke la ì la, aduŋ moo te balaŋ noo la a ma. A be naa sii la banku neemariŋo kaŋ ne, a ye a muumewo mara.

Daniyeli 2:47

Mansa ko Daniyeli ye ko, “Tooñaa, i la Alla le warata alla koteŋolu bee ti, aduŋ ate le mu mansoolu Maarii ti, meŋ ka kulloolu lankenemayandi. Wo le ye a tinna i ye ñiŋ kulloo kotoo fo noo.”

Yesaya 14:13

I ye ñiŋ ne fo i hakiloo kono ko, “M be sele la saŋo santo, m be n na mansasiiraŋo selendi la Alla la looloolu kaŋ santo le, m be tara la siiriŋ konko senuŋo* dulaa jaŋ baalu santo,

Lankenemoo 10:7

Bari wo luŋolu la, malaayika woorowulanjaŋo be a la footaŋo fee la waatoo meŋ na, Alla la feeroo be timmandi la le, meŋ be kulloo kono. Wo be ke la le ko a ye a bankee a la annabiyomoolu ye ñaameŋ, mennu mu a la dookuulaalu ti.

Yesaya 10:25

A te mee la, n na kamfaa ali kamma be daŋ na, n na kamfaa ye naa tiliŋ itolu la ka ì kasaara.”

Jabuuroolu 136:2

Ali Alla tentu, mansoolu la Mansoo, a la kanu bambaloo be tu la le fo abadaa.

Lankenemoo 17:17

Alla le ye wo feeroo duŋ wo mansoolu sondomoo kono, ka a ke. Ì kambenta ka ì la mansayaa dii wo daafeŋ saŋarariŋo la fo waatoo meŋ na, Alla la kumoo be timmandi la.

Lankenemoo 17:3

Bituŋ Alla la Nooroo ye m muta, malaayikoo ñiŋ ye n samba keñewuloo* kono. Ŋa musoo je siiriŋ daafeŋ saŋarariŋo kaŋ, meŋ be wuleeriŋ, aduŋ a baloo be faariŋ niŋ tooñeeri toolu le la. Kuŋ woorowula le be a la, aniŋ bina taŋ.

Lankenemoo 12:14

Bari dampaŋ fula le diita musoo ñiŋ na, mennu be ko seeliŋ baa dampaŋolu, fo a si tii noo ka bori wo saa la, ka taa keñewuloo kono. A la tankandiridulaa be jee le to, a be a la daañinoo soto la daameŋ fo sanji saba niŋ talaa.

Kiilaalu 4:28

Ì ye kuwolu bee ke, i ye mennu feere i semboo niŋ i la lafoo kaŋ.

Yohana 6:38

Kaatu nte maŋ bo naŋ Arijana kono ka m fansuŋ lafoo ke, bari ka ate la lafoo ke, meŋ ye n kii.

Yohana 5:30

Nte te feŋ ke noo la m fansuŋ semboo la. N ka kiitiyo ke le, ko n ka a moyi ñaameŋ. Aduŋ n na kiitiyo tilinta le, kaatu m buka m fansuŋ lafoo ñini, bari m Faamaa la lafoo, meŋ ye n kii.”

Daniyeli 12:7

Malaayikoo ñiŋ ye a bulu fuloo wulindi, a ye ì tiliŋ saŋo la. Ŋa a moyi le a ye laahidi bambandiŋo dii badaa-badaa Alla too la ko, “A be taa le fo sanji saba niŋ too. Alla la moolu la mantooroo be baŋ na tuma-wo-tuma, wo be a tara la le ñiŋ kuwolu bee keta.”

Daniyeli 11:3

Bituŋ mansa doo meŋ mu kelejawaroo ti, le be soto la. A la maraloo be ke la niŋ semboo le la, aduŋ meŋ diyaata a ye a be kali wo le ke la.

Daniyeli 8:4

Ŋa a je saajiikotoŋo junkurutoo ye a kuŋo loo tilijii maafaŋo la, aniŋ bulubaa karoo niŋ maraa karoo la. Daafeŋ buka i loo noo a fee, aduŋ moo buka feŋ tankandi noo a ma. Meŋ diyaata a ye, a ka wo le ke, aduŋ a naata jambandi-jambandi laalaa.

Daniyeli 7:8

N tarata binoolu koroosi kaŋ ne, wo le to ŋa a je binandiŋo be finti kaŋ doolu teema. A ye bina saba le wutundi ì noo to, mennu foloo tarata jee. Ñiŋ binoo ye hadamadiŋ ñaalu le soto, aniŋ daa meŋ ka kuma baalu fo.

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Yesaya 46:10

“Kuwolu koolaa be ke la meŋ ti, ŋa a fo ali ye le kabiriŋ. Koomanto ŋa a fo ali ye le, meŋ be naa ke la. N ko, n na feeroolu te tiñaa la, n lafita feŋ-wo-feŋ na, m be wo le ke la.

Yesaya 26:20

N na moolu, ali taa ali ye duŋ ali la buŋolu kono, ali ye bundaalu soroŋ ali faŋ ma. Ali ali faŋo maabo domandiŋ, fo Yaawe la kamfaa ye tambi.

Kuma Kotoomaalu 19:21

Moo ka kuu jamaa feere a sondomoo kono le, bari Yaawe taa le ka ke kuu looriŋo ti.

Jabuuroolu 33:10

Yaawe le ka duniyaa bankoolu la natoolu ke ì ye kenseŋo ti. A ka ì la feeroolu janjaŋ ne.

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.

2 Tesalonikankoolu 2:3

Ali kana soŋ, moo ye ali neenee sila-wo-sila la, kaatu wo luŋo te naa la, fo niŋ muriti baa keta foloo, aniŋ Luwaantaŋo fintita naŋ. Ate mu kasaaroo diŋo le ti,

2 Tesalonikankoolu 2:8

Wo koolaa le, wo Luwaantaŋo be finti la moolu kaŋ, aduŋ m̀ Maarii Yeesu be a faa la niŋ a daa foñoo le la, a be a kasaara la a la naa semboo niŋ waroo le la.

Lankenemoo 13:1

Bituŋ ŋa daafeŋ saŋarariŋo je finti kaŋ naŋ fankaasoo kono. A ye bina taŋ ne soto, aniŋ kuŋ woorowula. Mansanaafa taŋ ne be a kuŋolu to, aduŋ toolu be safeeriŋ a kuŋ-wo-kuŋ bala le mennu mu tooñeeri kumoolu ti.

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”

Daniyeli 5:19

A ye semboo dii a la le, fo banku-wo-banku, sii-wo-sii, aniŋ moolu bee silata a la, aduŋ a la kuwo silaŋo ka ì jarajarandi le. Niŋ a lafita moo meŋ faa la, a si a faa. Niŋ a lafita moo meŋ tu la baluwo to, a si a tu jee. Niŋ a lafita moo meŋ sikandi la, a si a sikandi, aduŋ niŋ a lafita moo meŋ jindi la, a si a jindi.

Daniyeli 5:20

Bari kabiriŋ a ye a faŋ wara, a jusoo jaata, a kufanta, Alla ye a bondi a la mansasiiraŋo kaŋ ne, a ye a la horomoo buusi a la.

Daniyeli 11:37

A be a ñaa kaasi la alloolu la le, a mumuñolu ye mennu batu, aniŋ batufeŋ doo, musoolu ye meŋ kanu. A te hani batufeŋ kiliŋ hati la, kaatu a ye a faŋ wara le ka tambi ì bee la.

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yesaya 10:23

Yaawe Alihawaa Maariyo le be ñiŋ kasaara kuwo bee taamandi la bankoo bee kaŋ.

Yesaya 14:14

m be sele la minaayoolu kunto le, m be m faŋo ke la le ko Alla Mansa Tallaa.”

Yesaya 30:33

Tooñaa, ì meeta Tofeti parendi kaŋ ne, ì ye a parendi mansa le kamma. A dinkoo bee mu dimbaa le ti, ì ye a fanundi ka a dinkandi. Loo niŋ dimbaa be fuumariŋ a kono. Yaawe la niijii foñoo meŋ malariŋo ka woyi naŋ, a be a hilihilindi la le.

Yesaya 57:9

I ye tuloo maa aniŋ ka karabaanijiyo junjuŋ i bala ka taa Moleki jalaŋo batu. I ka kiilaalu kii le fo dulaa jaŋ. I ka ì kii le hani fo fureeduu.

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Jakariya 11:16

Kaatu saayiŋ, m be kantarilaa le wulindi la bankoo kaŋ, meŋ na haaji te tara la saajii la kasaara to, waraŋ ka saajii filiriŋ ñini. A te saajii baramariŋ jaara la, waraŋ ka kendemaalu daañini. Ate be kali la i daañini la saajii nunkuriŋolu suboo le la, hani ì worosoolu faŋo, a si ì teyi.