Amosi 9:3 - Mandinka Bible

³ Hani niŋ ì taata maabo Karimeli Konkoo le santo, n si ì ñini ka ì fintindi naŋ jee, aduŋ hani niŋ ì maabota m ma fankaasoo duuma le, n si jiikono saa yaamari, a ye ì kiŋ.

Amosi 9:3 ပူးပေါင်းရင်းမြစ်များ

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Yesaya 27:1

Wo luŋo la, Yaawe* be a la hawusari* sembemaa le taa la, wo hawusari diimaa baa, ka Lefiyatani jarabi, wo saa tariŋo, saa miliki-malakilaa, aduŋ a be ninkinankoo faa la le meŋ be baa baa kono.

Yuuba 34:22

Wo dibi te keriŋ, meŋ si junubelaa maabo noo Alla ma.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

1 Musa 3:8

Bituŋ ì naata Yaawe Alla maakaŋo moyi, kabiriŋ a be taama kaŋ naakoo kono wulaara sumaa. Musoo niŋ a keemaa ye ì faŋ maabo Yaawe Alla ma yiroolu teema naakoo kono.

2 Samuweli 22:46

Ì bee ka jikilateyi le, ì jarajaratoolu ka bo naŋ ì la tatoolu kono.

Yuuba 22:13

Fo wo le ye a tinna baŋ i kumata ko, “Alla ye muŋ ne loŋ? A si kiitindiroo noo ñaadii le minaayi dibiŋolu kono,

Jabuuroolu 68:23

Bituŋ ali si ali siŋolu kuu yeloo kono, hani ali la wuloolu faŋolu si ì niyo soto jee.”