Amosi 7:7 - Mandinka Bible

⁷ M Maarii Yaawe ye n jerindi ñiŋ ne la: Ŋa bumbaloo le je meŋ lookuuta ka tiliŋ pet, ka bo niŋ buŋ looraŋ juloo la. Yaawe be looriŋ a bala, buŋ looraŋ juloo ñiŋ be a buloo kono.

Amosi 7:7 ပူးပေါင်းရင်းမြစ်များ

2 Mansoolu 21:13

A ye kuwo meŋ laa Samariya moolu kaŋ, ka taa Banisirayila mansa Ahabu niŋ a koomalankoolu kaŋ, a be wo ñoŋ kuwo le laa la Yerusalaamu moolu kaŋ. A be Yerusalaamu saatewo kasaara la le ka a moolu bondi a kono, aduŋ a kenseŋo le be loo la, komeŋ niŋ i ye booloo kuu fo a seneyaata, i ye a bitindi.

Lankenemoo 21:15

Malaayikoo meŋ diyaamuta n ye, a ye sani sumandirilaŋ dokoo le soto ka saatewo ñiŋ sumaŋ, a niŋ a bundaalu niŋ a tata sansaŋo.

Lankenemoo 11:1

Wo to le sumandirilaŋ dokoo diita n na, aduŋ ŋa yaamaroo soto ko, “Wuli, i ye taa Alla Batudulaa Buŋo* niŋ sadaajanidulaa* sumaŋ, i ye moolu konti, mennu ka baturoo ke jee.

Esekiyeli 40:3

A ye n samba ka n sutiyandi saatewo ñiŋ na. Bituŋ ŋa kewo je jee, meŋ muluŋo ka malamala ko jaawaloo. Fatari sumandirilaŋ juloo niŋ sumandirilaŋ dokoo le be a buloo kono. A be looriŋ dundaŋ daa to.

Niikuyaa Suukuwolu 2:8

Ite Yaawe le hameta ñiŋ na, ka Siyoni saatee tata sansaŋolu boyi. I ye a sumaŋ wo kamma le, i maŋ hani i buloo talaa ka a kasaara, i ye a boyinkaŋ. Hani a tatoolu niŋ a sansaŋolu bee le kumboota, ì bee koririŋo ye i laa ñoo ti.

Yesaya 34:11

Sonkosonkoolu niŋ kiikiyaŋolu le be sabati la jee, kiikiyaŋ caraatoolu niŋ kaanaalu le be ñaŋo ke la jee. Yaawe be jee la kuwo sumaŋ na le ka a dundi ñoo to, a ye a la kuwo peesa ka jee jakasi.

Yesaya 28:17

M be tiliŋo le ke la sumandaŋ juloo ti, tooñaa ye ke buŋ looraŋ juloo ti. Samberoo be ali la tuukuraŋo tiñaa la le, meŋ mu faniyaa ti, aduŋ ali be semberiŋ meŋ na, waamoo le be jee samba la.”

2 Samuweli 8:2

Dawuda ye Mowabinkoolu fanaa noo keloo la le. A ka a ke le, ì ye i laa bankoo to. Moo saba-wo-saba, a ka fula le bo jee, a ye wolu faa. Moo sabanjaŋo, a ye wo tu jee. Wo to le Mowabinkoolu ye ì faŋ seyi a ma, ì ka naamoo joo a yaa.

1 Musa 28:13

Bituŋ Yaawe* loota a karatantaŋo la, a ko a ye ko, “Nte le mu Yaawe ti, i faamaa Iburayima la Alla, aniŋ Isiyaaka. I be laariŋ ñiŋ bankoo meŋ kaŋ teŋ, m be a dii la i la le, aniŋ i koomalankoolu.

Amosi 7:6

Maarii Yaawe bala naata faa a ko, a ye ñiŋ fanaa baayi le.

Amosi 7:8

Bituŋ a naata n ñininkaa, ŋa muŋ ne je. N ko a ye ko, “Buŋ looraŋ juloo.” Yaawe ko, “M be juloo ñiŋ taa la le ka a yitandi n na moolu Banisirayilankoolu la kuwo be ñaameŋ. Ì mulunta le komeŋ bumbaloo meŋ maŋ tiliŋ. N te yamfa la ì ye kotenke.

Jakariya 4:10

Ì jikilateyita le, kaatu dookuwo meŋ foloo keta Alla Batudulaa Buŋo to, a dooyaabaata le. Bari niŋ ì ye Serubabeli je, a niŋ buŋ looraŋ juloo, a be dookuwo tentendi kaŋ ñaato, i be seewoo la le kendeke.” Malaayikoo ko n ye ko, “Wo lampu woorowuloo ye Yaawe ñaalu le yitandi, mennu ka duniyaa bee muruŋ-muruŋ.”