Amosi 4:13 - Mandinka Bible

¹³ Mansoo meŋ ye konkoolu daa aniŋ foñoo, ate Mansoo le ye a la miira kuwolu lankenemayandi hadamadiŋolu ye. Ate le ka falindiri ke suutoo niŋ tiloo la. Ate le marata konko jaŋ baalu bee ma duniyaa kono. Yaawe Alihawaa Maariyo*, wo le mu a too ti.

Amosi 4:13 ပူးပေါင်းရင်းမြစ်များ

Yuuba 9:7

Ate le si a noo, a ye yaamaroo dii tiloo la, a kana finti, a ye looloolu bali, ì kana mala.

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Jabuuroolu 139:2

I ye n siitoo niŋ n lootoo loŋ ne. I niŋ n teemoo jamfata ñaa-wo-ñaa, i ye n na miiroolu bee kalamuta le.

Jabuuroolu 147:18

A ka kumoo fo le, a bee ye yooyi, a ye foñoo boyindi, jiyo ye bori kotenke.

Jabuuroolu 65:6

Ite le ye konkoolu londi i semboo la, kaatu semboo be ite le bulu.

2 Musa 10:22

Wo to le Musa ye a buloo tiliŋ saŋo maafaŋo la, aduŋ dibi baa ye Misira bee beŋ fo tili saba.

2 Musa 14:20

Misirankoolu la kelediŋ kafoo niŋ Banisirayilankoolu la kelediŋ kafoo teema. Minaayoo ye a dibindi Misirankoolu ye, bari a ye maloo dii Banisirayilankoolu la, fo ì kana kata ñoo bala suutoo muumee.

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 47:4

Ǹ kumakaalaa mu Banisirayila la Senuŋ Baa le ti. A too mu Yaawe Alihawaa Maariyo* le ti.

Yesaya 48:2

Ali ko, ali mu saatee senuŋo diŋo le ti, ali jikoo be looriŋ Banisirayila la Alla le kaŋ, meŋ too mu Yaawe Alihawaa Maariyo* ti.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Yeremiya 13:16

Ali horomoo dii Yaawe ali la Alla la, janniŋ a be diboo dundi la ali ma, ali siŋolu kali taki konko dibiriŋolu kaŋ. Tuma meŋ na ali be tara la mala ñiniŋo la, a be dibi fiŋo le naati la ali ye, a ye a ke ali ye dibi baa ti.

Yeremiya 46:18

Mansoo ye ñiŋ ne fo ko: “A be koyiriŋ ñaameŋ ko nte be baluuriŋ ne, nte meŋ too mu Yaawe Alihawaa Maariyo ti, Tabori Konkoo ye buŋ konkoolu kono ñaameŋ, aniŋ Karimeli Konkoo be jimbandiŋ Baa Baa* kunto ñaameŋ, meŋ be naa ali kele la, a be ke la ali ye wo le ñaama.

Yeremiya 51:16

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee le to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.

Yeremiya 51:19

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila lasiloo ke a la keetaafeŋo ti. A too mu Yaawe Alihawaa Maariyo le ti.

Daniyeli 2:28

Bari Alla sotota le, meŋ ka kulloolu lankenemayandi, aduŋ a ye a yitandi ite Mansa la le, kuwolu mennu be ke la labandulaa to. Saayiŋ, m be siiboo ñiŋ fo la i ye le, i ye jeroo meŋ ke, kabiriŋ i be siinoo la.

Daniyeli 2:30

Alla ye ñiŋ kulloo lankenemayandi nte ye le, a maŋ ke ko nte le ñaamenta moo koteŋolu bee ti, bari a daliiloo mu ñiŋ ne ti fo ite Mansa si a fasaroo loŋ, aduŋ i si miiroolu fahaamu noo, mennu dunta i sondomoo kono.

Hoseya 12:6

Saayiŋ alitolu Yaakuba koomalankoolu, ali muru Alla kaŋ, ali kanoo muta, ali ye tiliŋ, ali si i tuuku ali la Alla la waatoo bee la.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Amosi 3:13

Maarii Yaawe, Alihawaa Maariyo* ye ñiŋ ne fo ko, “Ali i lamoyi, dandalaaroo fele Yaakuba koomalankoolu ye:

Amosi 5:27

niŋ ŋa ali bayi ka tara mutoo kono, ali be taa la fo ka tambi Damasiku la.” Yaawe le ye a fo, meŋ too mu Alla, Alihawaa Maariyo ti.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Amosi 6:8

Maarii Yaawe* kalita a faŋo la ko, “M maŋ lafi Yaakuba koomalankoolu la kufaŋ maañaa la, aduŋ ŋa ì la tatoolu koŋ ne. Wo kamma la m be Samariya bula la le a ye kasaara, aniŋ a konofeŋolu bee.” Alla, Alihawaa Maariyo* le ye a fo.

Amosi 8:9

Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Amosi 9:6

Ate Mansoo meŋ ye a la mansabaayaa suwo loo saŋo santo, a ye saŋo wanka duniyaa kunto santo, a ka jiyo kili santo ka bo fankaasoo kono, a ye naa a jindi naŋ duniyaa kono. Yaawe le mu a too ti.

Mika 1:3

A fele, Yaawe be naa kaŋ ne ka bo a taradulaa to. A be naa kaŋ duniyaa kono le, a ye taama konko jaŋolu kaŋ.

Habakuki 3:19

M Maarii Yaawe le mu nte semboo ti. A ye n siŋolu feeyandi m bulu ko minaŋo, ka n taamañaa sooneeyandi konkoolu kaŋ. Meŋ be suukuulaa ñaatonkayaa la: A si ke niŋ kontiŋolu la.

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Matiyu 9:4

Bayiri Yeesu ye ì la miiroolu loŋ ne, a ko ì ye ko, “Muŋ ne ye a tinna ali ka kuu jawoo miira ali sondomoolu kono?

Yohana 2:25

A maŋ suula moo-wo-moo la ka hadamadiŋo la kuwo seedeyaa a ye, kaatu ate ye a loŋ ne, meŋ be moo sondomoo kono.

Yohana 3:8

Foñoo ka fee le, a lafita ka taa daameŋ. I ka a kumakaŋo moyi le, bari i maŋ a loŋ, a ka bo naŋ daameŋ waraŋ a ka taa daameŋ. A be moo-wo-moo ye wo ñaa kiliŋo le ñaama, meŋ wuluuta ka bo niŋ Nooroo la.”

5 Musa 32:13

A ye ali sabatindi konkoolu kaŋ, ali ka bankoo munafaŋolu domo, ali ka liyo suusuu konko faroolu to, ali la olifu* yiroolu ñiiñaata hani beroolu teema.

5 Musa 33:29

Hee Banisirayilankoolu, mantaa benta ali ye ñaameŋ! Ali maŋ ñoŋ soto, Yaawe ye alitolu mennu kiisa. Yaawe mu ali la koteeroo* le ti, ka ali maakoyi, a mu ali la hawusaroo* le ti ka nooroo ke. Ali jawoolu be ì faŋ seyi la ali ma le, bari ali be i tuu la ì koolu kaŋ ne.”