5 Musa 8:3 - Mandinka Bible

³ A ye a ke le konkoo ye ali muta ka ali fammajii. A naata ali domorindi manna* la, ali niŋ ali mumuñolu nene maŋ meŋ loŋ nuŋ. A ye ñiŋ ke le ka a yitandi ali la ko, moo buka baluu noo mbuuroo dammaa la, a ka baluu kuma-wo-kuma le la, Yaawe ye meŋ fo.

5 Musa 8:3 ပူးပေါင်းရင်းမြစ်များ

Matiyu 4:4

Bari Yeesu ye a jaabi ko, “A be safeeriŋ ne ko: ‘Moo buka baluu noo mbuuroo dammaa la, a ka baluu kuma-wo-kuma le la, Alla ye meŋ fo!’ ”

Luka 4:4

Yeesu ye a jaabi ko, “A be safeeriŋ ne ko: ‘Moo buka baluu noo mbuuroo dammaa la.’ ”

1 Korintinkoolu 10:3

Ì bee ye Nooroo domori kiliŋo le domo,

Jabuuroolu 37:3

Dankeneyaa Yaawe* la, i ye baara kuu betoo la, fo i si baluu ñiŋ bankoo kaŋ tankoo kono.

Jabuuroolu 105:40

Ì ye kanindiroo ke, a ye woloolu dii ì la, a ye mbuuroo jindi ì ye naŋ Arijana kono, ka ì konoolu fandi.

5 Musa 9:9

Kabiriŋ n taata wo konkoo santo ka berewalaa fuloo taa naŋ, ali niŋ Yaawe la kambeŋo be safeeriŋ mennu bala, n tarata jee le fo tili taŋ naani, suuto taŋ naani feŋ maŋ bula n daa kono ka a domo waraŋ ka a miŋ.

5 Musa 29:6

Ŋa domoroo dii ali la, meŋ maŋ ke mbuuroo ti, wayinoo* waraŋ dolo koteŋ. Ŋa ñinnu bee ke ali ye le, fo ali si a loŋ ko, nte le mu Yaawe ti, ali la Alla.”

5 Musa 32:47

Ñiŋ luwaalu maŋ ke kuma kenseŋolu ti, ì mu ali ye baluwo le ti. Niŋ ali bulata ì nooma, ali be siimaayaa la bankoo kaŋ ne, ali be naa duŋ na daameŋ ka a ke ali taa ti, Yoridani Boloŋo kara doo la.”

5 Musa 29:5

Yaawe ko ali ye le ko, “Ŋa ali ñaatonkayaa naŋ keñewuloo* kono le sanji taŋ naani. Aduŋ wo kono, ali la duŋ feŋolu nene maŋ fara, ali la samatoolu fanaa maŋ tiñaa ali siŋolu to.