5 Musa 2:7 - Mandinka Bible

⁷ Yaawe ali la Alla ye baraka ke ali la dookuwolu bee le to. A ye ali la taamoo koleyaa loŋ ali fee le wo keñewula baa kono. Ñiŋ sanji taŋ naanoo muumewo Yaawe ali la Alla tarata ali fee le. Hani feŋ maŋ ali dasa.

5 Musa 2:7 ပူးပေါင်းရင်းမြစ်များ

Luka 22:35

Bituŋ Yeesu ye a la saayiboolu ñininkaa ko, “Biriŋ ŋa ali kii, ali niŋ kufoo, kalipewo waraŋ samatoolu maŋ taa, fo ali dasata feŋ ne la baŋ?” Ì ye a jaabi ko, “Hani feŋ!”

Nehemiya 9:21

I ye ì balundi keñewuloo kono le fo sanji taŋ naani, feŋ maŋ ì dasa, ì la duŋ feŋolu maŋ fara, sako ì siŋolu si fuunuu.

5 Musa 29:5

Yaawe ko ali ye le ko, “Ŋa ali ñaatonkayaa naŋ keñewuloo* kono le sanji taŋ naani. Aduŋ wo kono, ali la duŋ feŋolu nene maŋ fara, ali la samatoolu fanaa maŋ tiñaa ali siŋolu to.

Jabuuroolu 31:7

M be jusulaa la le, ŋa seewoo i la kanu bambaloo kamma la, kaatu i ye n na niitooroo je le, i ye n na bataa kuwolu loŋ,

Yuuba 23:10

Bari ate ka nte taaraŋ siloo loŋ ne. Niŋ a ye n kotobo, a be n tara la koyiriŋ ne ko saniforoo.

Jabuuroolu 90:17

M̀ Maarii Alla, Allamaa i la hiinoo ye tara m̀ fee, aduŋ i si ǹ na bulu la dookuwo bee ke ǹ ye ñaatotaa ti. Dukaree, ǹ na kata kuwolu bee ke ǹ ye ñaatotaa ti.

1 Musa 26:12

Isiyaaka ye fiiroo ke bankoo ñiŋ kaŋ, aduŋ a naata a siidulaa keme nankamoo kati wo saŋ kiliŋo la. Yaawe le neemata a ma.

1 Musa 24:35

Yaawe neemata m maarii ma baake le, aduŋ a ye fankoo soto le. Yaawe ye saajiyolu dii a la, baalu, ninsoolu, sanoo niŋ kodiforoo, jommusoolu niŋ jonkewolu, ñonkomoolu aniŋ faloolu.

1 Musa 12:2

M be i koomalankoolu siyandi la le, fo ì si ke banku sembemaa baa ti. M be neema la i ma, m be i ke la moo too boriŋ baa ti duniyaa kono, i be ke la neemoo moo ti.

1 Musa 39:5

Ka bo waatoo meŋ na, a ye a marandi a la buŋo kuwo ma, aniŋ ka a marandi a sotofeŋo bee ma, Yaawe ye neema ke a la buŋo ma le Yusufa la kuwo kaŋ. Yaawe la neemoo tarata a sotofeŋo bee le kaŋ, buŋo kono aniŋ kunkoo to.

Yohana 10:27

N na saajiyolu ka n kaŋo suutee le. Aduŋ nte ka ì loŋ ne, aniŋ ì ka n nooma le.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

1 Musa 30:27

Bari Labani ko a ye le ko, “M be i la yamfoo daani la ka ñiŋ kumoo fo i ye ko, ŋa a loŋ bitaaroo kono le ko, Yaawe* neemata m ma i la kuwo le kamma.

4 Musa 14:33

Ali diŋolu be ke la beeyaŋ kantalaalu le ti jaŋ fo sanji taŋ naani, ì ye tara bataa kaŋ ali la fulaŋ kafuyaa kamma la, fo ali bee ye baŋ faa la ñiŋ keñewuloo kono.

4 Musa 14:34

Ali be tara la ali la junube kuwo bataa le kono fo sanji taŋ naani. Ali ye tili taŋ naanoo meŋ ke bankoo kulloo kisikisoo la, a tili kiliŋ-wo-kiliŋ be ke la sanji kiliŋ ne ti. N na tarabaliyaa ali fee, ali be a dimiŋo loŋ na ñiŋ siloo le la.’

4 Musa 32:13

Yaawe la kamfaa baa naata Banisirayilankoolu kaŋ, a ye ì yaayindi keñewuloo* kono fo sanji taŋ naani, fo wo jamaanoo moo bee banta faa la mennu ye kuu kuruŋo ke a ñaatiliŋo la.

5 Musa 1:19

Bituŋ ǹ wulita ka bo naŋ Sinayi Konkoo to, ko Yaawe ǹ na Alla ye ǹ yaamari ñaameŋ. Ŋà ǹ kuŋo tiliŋ Amorinkoolu la konkotundoo to la. Wo siloo kaŋ, ali faŋolu ye a je le, ŋà keñewula* baa meŋ kuntu, a silaŋo be warariŋ ñaameŋ. Kabiriŋ m̀ futata Kadesi-Barineya,

5 Musa 1:46

Bituŋ ǹ naata sabati Kadesi fo waati jaŋ.

5 Musa 2:6

Ali si domoroo saŋ noo ì bulu le ka a domo. Ali si jiyo fanaa saŋ noo ì bulu ka a miŋ.’ ”

5 Musa 2:14

Ka bo waatoo meŋ na ŋà Kadesi-Barineya bula, ka taa fo waatoo meŋ na ŋà Seredi Wulumbaŋo kuntu, a kaañanta sanji taŋ saba niŋ seyi le fee. Wo jamaanoo kelediŋolu bee banta faa la, ko Yaawe ye a fo nuŋ ñaameŋ.

Yosuwa 5:6

Banisirayilankoolu tarata yaayi kaŋ keñewuloo kono le fo sanji taŋ naani. Labaŋo la kelediŋolu bee mennu be ì kono ka bo naŋ Misira, wolu bee banta. Kaatu ì maŋ Yaawe la kumoo muta nuŋ. Yaawe ye i kali ñiŋ na le ko, ñiŋ moolu kono a te hani moo kiliŋ ñaa jerindi la bankoo ñiŋ na, a ye ì mumuñolu laahidi meŋ na ka a dii ì koomalankoolu la, bankoo keekewo niŋ liyo ka woyi daameŋ.

Jabuuroolu 107:4

Doolu yaayita keñewula* kenseŋo kono, ì maŋ sabatidulaa soto jee.

Yeremiya 2:2

n si taa Yerusalaamu, ŋa kankulaaroo ke, ì tuloolu ye a moyi ko: “Yaawe hakiloo muruta le, Banisirayila foroyaata ñaameŋ biriŋ a be dindiŋ, a maañoo kutamaa ye Yaawe kanu ñaameŋ. A bulata a nooma keñewuloo* kono le, wo banku senebaloo.

Hoseya 13:5

Nte le ye ali topatoo keñewuloo* kono, wo banku jaaroo to.

Amosi 2:10

Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.

1 Musa 39:3

Potifa ye a je le ko, Yaawe be Yusufa fee le, a ye kuu-wo-kuu ke, Yaawe ka a so mantaabeŋo le la jee.

2 Musa 16:35

Banisirayilankoolu ye manna domo le fo sanji taŋ naani, fo ì futata bankoo kaŋ, ì si ì fansuŋ domoroo dookuu noo daameŋ. Ì ye manna domo le, fo ì futata Kanaani bankoo naanewo to.

4 Musa 1:1

Yaawe* diyaamuta Musa ye Bendulaa Tiriliisi Senuŋo* le kono, Sinayi Keñewuloo* kono. A benta Banisirayilankoolu la fintoo ka bo Misira saŋ fulanjaŋo le fee, a kari fulanjaŋo tili foloo. A ko a ye ko,

4 Musa 22:12

Bari Alla ye ñiŋ ne fo Balaamu ye ko, “I niŋ ì kana taa. Kana wo moolu danka, ì neemata le fokabaŋ.”

5 Musa 29:4

Bari hani saayiŋ Yaawe maŋ ñiŋ hakiloo dii ali la ka fahaamuroo ke, waraŋ ka ñaa dii ali la ka jeroo ke, waraŋ tuloo ka moyiroo ke.