5 Musa 1:4 - Mandinka Bible

⁴ Ñiŋ keta biriŋ a ye Amorinkoolu la mansa Sihoni noo keloo to, meŋ tarata maraloo la Hesiboni saatewo to. Wo waati kiliŋo la le a ye Basani tundoo Mansa Oki fanaa kele, a ye a noo, meŋ tarata maraloo la nuŋ Asitaroti niŋ Edireyi saatewolu to.

5 Musa 1:4 ပူးပေါင်းရင်းမြစ်များ

Nehemiya 9:22

“I ye mansamarali bankoo dii ì la, aniŋ banku koteŋolu moolu, aduŋ i ye tonkoŋ-wo-tonkoŋ talaŋ-talaŋ ì teema le. Ì ye Sihoni la bankoo taa le, Hesiboni saatewo mansakewo, aniŋ Oki la bankoo, Basani tundoo mansakewo.

5 Musa 2:26

Musa tententa ka a fo ì ye ko: Bituŋ ŋa kiilaalu kii ka bo Kedemoti keñewuloo kono ka taa Hesiboni mansa Sihoni kaŋ. Ì niŋ ñiŋ kayira kumoolu le taata ka a fo ì ye ko,

Jabuuroolu 135:11

komeŋ Sihoni, Amorinkoolu la mansa, aniŋ Oki, Basani tundoo mansa, aniŋ Kanaani mansamarali bankoolu bee.

1 Musa 14:5

Wo le ye a tinna Kedori-Lawoma aniŋ mansoolu mennu kafuta a fee, naata ka keloo ke, sanji taŋ niŋ naaninjaŋo. Keloo foloo-foloo, ì ye Rafa koomalankoolu le noo Asiteroti-Karinayimu, ì ye Susinkoolu noo Hamu, ì ye Emi koomalankoolu noo Sawe-Kiriyatayimu tundoo kaŋ,

5 Musa 1:5

Yoridani Boloŋo tilibo karoo la Mowabi bankoo kaŋ, Musa ye a dati ka Alla la luwaalu bo ì ye ñoo to. A ko:

5 Musa 3:6

Ǹ naata wo saatewolu niŋ ì moolu bee turutumbuŋ, musu kafuriŋ kee, dindiŋ, keebaa, ko ŋà meŋ ñoŋo ke saatewolu la, Hesiboni mansa Sihoni la marali bankoo.

5 Musa 4:47

Bituŋ Banisirayilankoolu naata ì la bankoo taa aniŋ Basani tundoo, Mansa Oki marata nuŋ daameŋ na. Itolu le keta Amorinkoolu la mansakee fuloo ti mennu tarata nuŋ Yoridani Boloŋo tiliboo la.

5 Musa 3:1

Musa ko ì ye ko: Wo le to ǹ tententa ŋà Basani tundoo siloo taa. Bituŋ Basani mansa Oki niŋ a la kelediŋolu fintita naŋ ka naa ǹ kele, Edireyi saatewo daala.