4 Musa 7:1 - Mandinka Bible

¹ Biriŋ Musa ye Tiriliisi Senuŋo* baŋ loo la luŋo meŋ na, a ye a toloo niŋ tulu senuŋo* le la ka a kuliyaa, a niŋ a feŋo bee. A ye sadaajanidulaa* fanaa kuliyaa wo le ñaama, a niŋ a jooraŋolu bee.

4 Musa 7:1 ပူးပေါင်းရင်းမြစ်များ

4 Musa 7:84

Ñinnu le mu Banisirayila ñaatonkoolu la sadaalu ti, kodiforo booli taŋ niŋ fula, kodiforo keraŋ taŋ niŋ fula aniŋ sani boolindiŋ taŋ niŋ fula, ka sadaajanidulaa kerekere ì la, biriŋ a toloota niŋ tulu senuŋo la.

Matiyu 23:19

Alitolu finkintewolu! Fo muŋ ne kummaayaata, sadaa waraŋ sadaajanidulaa, meŋ ye sadaa seneyandi?

1 Mansoolu 8:64

Wo luŋo faŋo la, mansa ye luwo teema kerekere meŋ be Yaawe Batudulaa Buŋo ñaatiliŋo la. Jee le to, a ye jani sadaalu bondi, siimaŋ sadaalu, aniŋ kayira sabatindiraŋ sadaalu keŋo. A ye ñiŋ ke le, kaatu jaawali sadaajanidulaa meŋ tarata Yaawe ye jee, wo dooyaata baake le ka ñiŋ sadaalu bo a kaŋ.

4 Musa 7:88

Beeyaŋo meŋ nankamoo keta kayira sabatindiraŋ sadaa ti, taata kaañaŋ ninsi muwaŋ niŋ naani le fee, saakotoŋ taŋ wooro, baakotoŋ taŋ wooro, aniŋ sanji kiliŋ saakotoŋ taŋ wooro. Ñinnu le keta sadaalu ti ka sadaajanidulaa kerekere ì la, biriŋ a toloota niŋ tulu senuŋo la.

2 Musa 13:2

“Daafeŋ-wo-daafeŋ, niŋ a ye a tara a wuluuta Banisirayila le, biriŋ a hadamadiŋ fo a beeyaŋ, a bee konoñaa foloo mu n taa le ti. Ali ñanta a dii la nte le la.”

1 Musa 2:3

Alla neemata tili woorowulanjaŋ luŋo ma, aduŋ a ye a kuliyaa. Kaatu ate mu luŋ ne ti, luŋo meŋ Alla ye i dahaa daaroo bee la, a tarata meŋ ke kaŋ.

4 Musa 7:10

Biriŋ sadaajanidulaa toloota niŋ tulu senuŋo la luŋ meŋ na, ñaatonkoolu ye ì la buuñaa feŋolu samba naŋ ne tolooroo to, ì ye ì landi a ñaatiliŋo la.

2 Musa 29:36

Luŋ-wo-luŋ i ñanta ninsituuraa le bondi la sadaa ti, fo junuboolu si kafari. Ñiŋ ne be sadaajanidulaa seneyandi la. Bituŋ i si naa tulu senuŋo boŋ a kaŋ ka ke dulaa senuŋo ti.

2 Musa 40:11

I si tulu senuŋo boŋ fenkeŋo fanaa kaŋ, fo a si ke feŋ senuŋo ti.

4 Musa 17:2

“A fo Banisirayilankoolu ye, ì la lasili ñaatonkoolu kiliŋ-kiliŋ naa ye dokoo dii i la. A bee kafoo ye ke doko taŋ niŋ fula ti, lasili-wo-lasili doko kiliŋ. I ye moo-wo-moo too safee a la dokoo bala.