4 Musa 32:3 - Mandinka Bible

^3-4 “Ñiŋ tundoo, Banisirayilankoolu ye meŋ taa Yaawe* la deemaaroo kaŋ, Ataroti saatewo be daameŋ, Diboni saatewo, Yaseri saatewo, Nimura saatewo, Hesiboni saatewo, Eleyale saatewo, Sebamu saatewo, Nebo saatewo aniŋ Beyoni saatewo, baluudulaa kende baalu le mu beeyaŋolu ye, aduŋ beeyaŋo be siyaariŋ ntolu bulu le.

4 Musa 32:3 ပူးပေါင်းရင်းမြစ်များ

Yeremiya 48:34

“Ì la wuuroo be kuma kaŋ santo le, ka bo Hesiboni ka taa fo Heleyale, hani fo Yahasi, ka bo Sowari ka taa fo Horonayimu, hani fo Ekilati Selisiya, kaatu hani Nimurimu woyoolu jaata le kos.

Yosuwa 13:17

Hesiboni naata ke ì taa ti, aniŋ saatewolu mennu bee be wo tundoo kaŋ. Wolu le mu Diboni ti, Bamoti-Baali, Beti-Baali-Mewoni,

Yeremiya 48:45

“Wo keleborilaalu koririŋo, ì taata loo Hesiboni dubeŋo le to, kaatu dimbaa le malata Hesiboni, a hilihilita naŋ Sihoni la buŋo le kono, jee mansa kotoo. A ye Mowabi fondaa jani le, wo fitina moolu kuŋ miraŋo.

Yeremiya 48:32

Ite Sibuma meŋ be ko wayini* yiroo, n kumboota ite le ye ka tambi Yaseri la. I ye i yiribuloolu fayi le ka taa baakoo, ì futata fo Yaseri baa to. Bari i la wayini yiridiŋolu aniŋ i la katiroo bee, tiñaarilaa le naata boyi wolu kaŋ.

Yeremiya 48:2

Daraja te Mowabi ye kotenke, ì ye kuu jawoo le feere a kamma Hesiboni ko: ‘Ali ŋà a la bankuyaa daŋ.’ Alitolu Madumeni saatee moolu fanaa be taa deyoo kono le yem. Hawusaroo* be naa ali kamma le.

Yesaya 15:6

Nimurimu baajiyo jaata le, a ñaamoolu norota, fiifeŋolu bee faata, hani dulaa jambakereriŋ maŋ soto.

Nehemiya 9:22

“I ye mansamarali bankoo dii ì la, aniŋ banku koteŋolu moolu, aduŋ i ye tonkoŋ-wo-tonkoŋ talaŋ-talaŋ ì teema le. Ì ye Sihoni la bankoo taa le, Hesiboni saatewo mansakewo, aniŋ Oki la bankoo, Basani tundoo mansakewo.

Kiitindirilaalu 11:26

Biriŋ sanji keme saba koomanto, Banisirayilankoolu be sabatiriŋ Hesiboni saatewo le to, a niŋ a dandanna saateeriŋolu. Ì be sabatiriŋ Aroweri le fanaa, a niŋ a dandanna saateeriŋolu, aniŋ saatewolu mennu bee be Arinoni Wulumbaŋo maafaŋo la. Muŋ ne ye a tinna ali maŋ ñiŋ saatewolu buusi m̀ bulu kabiriŋ waati jaŋ?

Yosuwa 13:19

Kiriyatayimu, Sibuma, Sereti-Sahari, meŋ be konkoo kaŋ wulumbaŋo kono,

4 Musa 32:1

Rubeni lasiloo moolu niŋ Kadu lasiloo moolu mu beeyantii baalu le ti. Biriŋ ì ye a je ko Yaseri tundoo niŋ Kileyadi tundoo be beteyaa la ì la beeyaŋolu ye le,

4 Musa 21:28

Dimbaa fintita naŋ Hesiboni kono, dimbaa neŋo bota naŋ Sihoni la saatewo to, a ye Ari saatewo kasaara Mowabi, aniŋ maralilaalu mennu be siiriŋ konkoolu kaŋ Arinoni Boloŋ daala.

4 Musa 21:30

Ŋà Amorinkoolu noo le, Hesiboni ka taa fo Diboni, ka taa hani fo Nofa meŋ be Medeba daala, ŋà ì bee le turutumbuŋ.”

4 Musa 21:32

Musa ye kewolu kii ka taa Yaseri kullootoo juubee. Wo koolaa le mu, Banisirayilankoolu naata a dandanna saateeriŋolu muta, ì ye Amorinkoolu bayi mennu be jee.

4 Musa 32:2

ì naata Musa niŋ Piriisi* Eleyasa kaŋ, aniŋ jamaa ñaatonkoolu, ì ko ì ye ko,

Yeremiya 48:1

Ñiŋ kiilaariyaa kumoo le fota Mowabi ma: Yaawe* Alihawaa Maariyo*, Banisirayila la Alla ye ñiŋ ne fo ko: “Kooroo be Nebo saatewo ye, kaatu a be tumbuŋ na le. Kiriyatayimu be bula la maloo kono le, ì ye jee saatewo muta, maloo ye laa a tatoo kaŋ ka a boyi.

Esekiyeli 25:9

wo le ye a tinna nte Yaawe be Mowabi bankoo naanewolu yele la ñapinkannaalu ye, ì la bankoo la tankoo be daameŋ. Wolu le mu saatee tatariŋolu ti, Beti-Yesimoti, Baali-Mewoni, aniŋ Kiriyatayimu, bankoo la ŋaañaaraŋolu.