4 Musa 2:3 - Mandinka Bible

³ Tilibo kara maafaŋo la, Tiriliisoo ñaatiliŋo la, Yahuuda kelediŋ kafoolu ñanta daakaa loo la wo le to, ì la bandeeroo koto. Yahuuda koomalankoolu la ñaatonkoo mu Naasoni le ti, Amminadabu dinkewo.

4 Musa 2:3 ပူးပေါင်းရင်းမြစ်များ

1 Taarika 2:10

Ramu le ye Amminadabu wuluu, Amminadabu ye Naasoni wuluu, moo kummaa baa le mu a ti Yahuuda lasiloo kono.

Ruti 4:20

Amminadabu le ye Naasoni wuluu, Naasoni ye Salimoni wuluu,

4 Musa 1:7

Naasoni, Amminadabu dinkewo, ka bo Yahuuda lasiloo kono.

Matiyu 1:4

Ramu le ye Amminadabu wuluu, Amminadabu ye Nasoni wuluu, Nasoni ye Salimoni wuluu.

1 Taarika 5:2

Yahuuda le la kuwo wulita ka tambi ì bee la, aduŋ maralilaa bota ate le bala, bari hani wo bee, alifaayaa makaamoo ì la wuluwo to, wo keta Yusufa le taa ti.

4 Musa 7:17

A ye ninsi fula le samba naŋ, saakotoŋ luulu, baakotoŋ luulu, aniŋ sanji kiliŋ saakotoŋ luulu, ka ke kayira sabatindiraŋ sadaa ti. Ñiŋ ne keta Naasoni la sadaa ti, Amminadabu dinkewo.

4 Musa 7:12

Moo meŋ ye a la sadaa samba naŋ luŋ foloo, wo le mu Naasoni ti, Amminadabu dinkewo, ka bo Yahuuda lasiloo kono.

2 Musa 6:23

Haaruna ye Eliseba, Amminadabu dimmusoo le futuu, a keta Naasoni baarimmusoo le ti, aduŋ a ye Nadabu niŋ Abihu, Eleyasa niŋ Itama le wuluu a ye.

4 Musa 2:4

A la kelediŋ kafoo moo taata kaañaŋ moo wuli taŋ woorowula niŋ naani aniŋ keme wooro le fee.

4 Musa 3:38

Musa niŋ Haaruna niŋ a dinkewolu ñanta daakaa loo la Bendulaa Tiriliisi Senuŋo ñaatiliŋo le la, tilibo kara maafaŋo la. Itolu le marata Tiriliisi Senuŋo topatooñaa la, Banisirayilankoolu tooyaa la. Niŋ moo koteŋ sutiyaata ñiŋ Tiriliisi Senuŋo la, a maarii ñanta faa la le.

1 Musa 35:22

Kabiriŋ Isirayila be sabatiriŋ wo bankoo kaŋ, Rubeni taata, a niŋ Biliha, a faamaa la kaŋ foroyandi musoo*, kafuta. Bituŋ Isirayila naata wo moyi. Saayiŋ Yaakuba dinkewolu mu dinkee taŋ niŋ fula le ti.

1 Musa 35:23

Leya dinkewolu, wolu le mu Rubeni ti, Yaakuba dinkee foloo, Simeyoni, Lewi, Yahuuda, Isakari, aniŋ Sebuluni.

4 Musa 1:5

“Ñinnu le mu kewolu toolu ti mennu ñanta ali maakoyi la: “Elisuri, Sedeyuri dinkewo, ka bo Rubeni lasiloo kono.

4 Musa 10:5

Niŋ footaŋo feesutunta, lasiloolu mennu be daakaariŋ tilibo karoo la, wolu le ñanta wutu la.