4 Musa 2:2 - Mandinka Bible

² “Banisirayilankoolu ñanta daakaa loo la Bendulaa Tiriliisi Senuŋo* dandaŋolu le la, ì niŋ a teemoo ye saba ñoo la. Moo-wo-moo, a ye tara a la lasiloo bandeeroo koto, a la dimbaayaa la bandeeroo ye tara a bulu.”

4 Musa 2:2 ပူးပေါင်းရင်းမြစ်များ

1 Korintinkoolu 14:40

Bari kuwolu bee si ke a ñaama daajika betoo kono.

1 Korintinkoolu 14:33

Alla maŋ ke Alla ti, meŋ ka jakasoo saabu, bari a mu kayiroo Alla le ti. Ko a be ñaameŋ Alla la moo senuŋolu bee la kafoolu kono,

Yosuwa 3:4

Wo waatoo le mu, ali be siloo loŋ na, baawo ali nene maŋ ñiŋ siloo taa. Bari ali kenoo duŋ ali niŋ ñiŋ Kambeŋ Kunewo teema, meŋ si taa fo simfaañaa wuli saba ñoŋ na. Ali kana sutiyaa a la.”

4 Musa 10:25

Dani daakaa kafoolu, mennu keta kafu koteŋolu bee kantalaa ti, wolu le labanta wutu la. Ì tarata ì la bandeeroo le koto. Ahiyesa, Ammisadayi dinkewo, wo le ye ì ñaatonkayaa.

4 Musa 10:22

Kafoolu mennu be Efurayimu* daakaa to, bulata wo nooma, ì be ì la bandeeroo koto. Elisama, Ammihudi dinkewo, wo le ye ì ñaatonkayaa.

4 Musa 1:50

Lewi lasiloo moolu tomboŋ, itolu ye mara Tiriliisi Senuŋo ma, seedeyaa walaa fuloo be maaboriŋ daameŋ, a konoto feŋolu aniŋ a feŋo bee. Itolu le ñanta Tiriliisoo* ñiŋ samba la, a niŋ a feŋo bee. Itolu le ñanta a topatoo la, ì ye ì la daakaa loo a karoo bee la.

Kolosankoolu 2:19

Ì maŋ tara dendiŋ Kiristu la kotenke, meŋ mu kuŋo ti balajaatoo ye. Ate le ka balajaatoo domorindi, aduŋ a ye cokoolu niŋ fasoolu dii a la le ka a suufoolu muta ñoo bala. Ka bo wo siloo le la, balajaatoo ka meŋ, a ye yiriwaa ko Alla ye a yiriwandi ñaameŋ.

Filipinkoolu 1:27

N na kuwo be labaŋ na ñaa-wo-ñaa, ali maañaa si jari Kiristu la kibaari betoo la. Wo to, fo m be naa ali je la ñaa niŋ ñaa le la baŋ, waraŋ fo m be tu la ali la kuwo le moyi la, m be a moyi la le ko, ali loota bambandinke ŋaniya kiliŋ ne la, noora kiliŋo kono, ka loo ñoo ye lannoo dookuwo kono, kibaari betoo ye.

Jakariya 9:16

Wo luŋo la, Yaawe, ì la Alla be ì tanka la le, kaatu a la dimbaayaa moolu le mu ì ti. Ì si ñeliñeli a la bankoo kaŋ ko bere ñiimaalu, ì ka mansanaafoo ñarandi mennu la.

Esekiyeli 43:7

A ko n ye le ko: “Hadamadiŋo, ñiŋ dulaa le mu n na mansasiiraŋo aniŋ n siŋ looraŋo ti. M be tara la sabatiriŋ Banisirayila moolu kono jaŋ ne to, ka ì mara fo abadaa. Banisirayilankoolu niŋ ì la mansoolu te n too senuŋo kosondi la kotenke ka bo niŋ ì la jalaŋ batu tuluŋolu la, aniŋ ì ye beroolu mennu loo ì la mansa furewolu ye.

Yesaya 18:3

Alitolu duniyaa moolu mennu be baluuriŋ ñiŋ saŋ kuloo koto, niŋ bandeeroo wulindita konkoo turoo kaŋ, ali a juubee, niŋ saakotoŋ binoo* feeta, ali dandalaaroo moyi.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

Jabuuroolu 76:11

Ali laahidoolu taa Yaawe* ali la Alla ye, ali ye ì timmandi. Alitolu bantala bankoolu* bee, ali soorifeŋolu samba a ye naŋ, ate meŋ ñaasilaŋo warata.

4 Musa 10:18

Kafoolu mennu be Rubeni daakaa to bulata wolu nooma. Ì tarata ì la bandeeroo le koto. Elisuri, Sedeyuri dinkewo, wo le ye ì ñaatonkayaa.

4 Musa 10:14

Kafoolu mennu be Yahuuda daakaa to, wolu le foloo taata. Ì tarata ì la bandeeroo le koto. Naasoni, Amminadabu dinkewo, wo le ye ì ñaatonkayaa.

4 Musa 2:10

Bulubaa kara maafaŋo la, Rubeni kelediŋ kafoolu la daakaa ñanta tara la wo le to, ì la bandeeroo koto. Rubeni lasiloo moolu la ñaatonkoo mu Elisuri le ti, Sedeyuri dinkewo.

4 Musa 2:3

Tilibo kara maafaŋo la, Tiriliisoo ñaatiliŋo la, Yahuuda kelediŋ kafoolu ñanta daakaa loo la wo le to, ì la bandeeroo koto. Yahuuda koomalankoolu la ñaatonkoo mu Naasoni le ti, Amminadabu dinkewo.

4 Musa 2:1

Yaawe* ko Musa niŋ Haaruna ye ko,

4 Musa 24:2

Biriŋ Balaamu ye a kuŋo wuli, a ye Banisirayilankoolu je daakaariŋ ko ì la lasiloolu be ñaameŋ, Alla la Nooroo naata a kaŋ.

Jabuuroolu 74:4

I jawoolu ye wuuroo kumandi i Batudulaa Senuŋo kono le. Ì ye ì la bandeeroolu londi jee le,