4 Musa 10:2 - Mandinka Bible

² Footaŋ fula dadaa kodiforo tunkandiŋo la ka ì ke moolu kiliraŋo ti ka beŋ ñoo kaŋ, aniŋ ka wutu ka bo daakaadulaa.

4 Musa 10:2 ပူးပေါင်းရင်းမြစ်များ

Yoweli 1:14

Ali suŋ sahayaariŋo londi, ali ye beŋo kili. Ali alifaalu bendi Yaawe Batudulaa Buŋo to, ali la Alla, aniŋ bankoo siilaalu bee, ali ye woosii Yaawe ye.

Yesaya 1:13

Ali i foño ka sadaa kuntaŋo naati. Ali la cuuraayi siisiyo mu n tanoo le ti. Ali la ñiŋ kuruŋyaa beŋolu, ali la Kari Kuta Juuraloo*, Loobula Luŋo, aniŋ diina beŋ koteŋolu, n te ì muña noo la.

Jabuuroolu 81:3

Ali binoo fee Kari Kutoo* la, aniŋ kari maloo tumoo la, ǹ na juuraloo luŋo la.

Efesusinkoolu 4:5

Maarii kiliŋ ne be keriŋ, lanna kiliŋ, batisee* kiliŋ,

Hoseya 8:1

Yaawe* ko, “Binoo ye fee! Jawoolu ka jii n na bankoo kaŋ ko seeliŋo, kaatu n na moolu ye n niŋ ì la kambeŋo tiñaa le, ì balanta n na yaamaroolu la.

Jabuuroolu 89:15

Seewoo be moolu le ye mennu ye i jayiñaa loŋ, mennu ka baluu ite Yaawe ñaatiliŋo maloo kono,

2 Mansoolu 12:13

Bari kodoo meŋ naata Yaawe Batudulaa Buŋo to, ì maŋ kodiforo booloolu dadaa a la, waraŋ lampu meesi kunturaŋolu, waraŋ junjundirilaŋ booloolu, footaŋolu ka taa fo sani jooraŋo waraŋ kodiforo jooraŋo, Yaawe Batudulaa Buŋo ye.

4 Musa 10:7

Ka jamaa bee bendi ñoo kaŋ, ali si footaŋolu fee fo waati jaŋ.

2 Musa 25:31

Ali lampu looraŋo dadaa niŋ saniforoo la. Ali si a teemoo niŋ a duumoo tunkaŋ niŋ sanoo la, a ñarandiraŋ firoolu niŋ a ñanta tara la ñoo bala le.

2 Musa 25:18

Ali si kerubu malaayika* fula tunkaŋ niŋ sanoo la,

4 Musa 10:1

Yaawe* ko Musa ye ko:

Yeremiya 4:5

Yaawe ko: “Kibaaroo fo Yahuuda kono, i ye kankulaaroo ke Yerusalaamu kono, ka a fo moolu ye ko: ‘Ali binoo fee bankoo bee kaŋ!’ Sari santo ka a fo ì ye ko, ‘Ali beŋ ñoo kaŋ, ali ye bori ka taa saatee tatariŋolu kono.’

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.