3 Musa 8:9 - Mandinka Bible

⁹ A ye naawoo miniŋ a kuŋo la, a ye sani ñaroo ke naawoo ñaato bala, meŋ mu ñara senuŋo ti, komeŋ Yaawe ye a yaamari a la ñaameŋ.

3 Musa 8:9 ပူးပေါင်းရင်းမြစ်များ

Jakariya 3:5

N naata a fo ko, “Ali naawu senuŋo miniŋ a kuŋo la.” Bituŋ ì ye piriisi duŋ feŋolu duŋ a la, ì ye naawoo miniŋ a kuŋo la, Yaawe la malaayikoo be looriŋ.

2 Musa 29:6

I si naawoo miniŋ a kuŋo bala. I si ñara senuŋo siti a bala.

2 Musa 28:4

Ì ñanta ñiŋ dendika siifaalu le kara la: efodoo* niŋ a jifa sisilaa, piriisoolu* la dendika baa, simisi sooriŋo, naawoo aniŋ teesitiraŋo. I ñanta ñiŋ duŋ feŋ senuŋolu dadaa la i kotoomaa Haaruna niŋ a dinkewolu ye le, fo ì si piriisiyaa dookuwo ke n ye.

2 Musa 40:16

Musa ye feŋ-wo-feŋ ke le, ko Yaawe ye a yaamari a la ñaameŋ.

3 Musa 8:36

Bituŋ Haaruna niŋ a dinkewolu ye kuwolu bee ke, Yaawe ye ì yaamari mennu la, ka bo niŋ Musa la.