3 Musa 8:7 - Mandinka Bible

⁷ A ye simisi jaŋo duŋ Haaruna la, a ye teesitiraŋo siti a tewo to, a ye efodoo* kotondaŋo duŋ a la, a naata efodoo duŋ a ye wo kaŋ. A ye efodoo siti teesitiraŋ ñiimaa la, ka a miniŋ a tewo la.

3 Musa 8:7 ပူးပေါင်းရင်းမြစ်များ

2 Musa 28:4

Ì ñanta ñiŋ dendika siifaalu le kara la: efodoo* niŋ a jifa sisilaa, piriisoolu* la dendika baa, simisi sooriŋo, naawoo aniŋ teesitiraŋo. I ñanta ñiŋ duŋ feŋ senuŋolu dadaa la i kotoomaa Haaruna niŋ a dinkewolu ye le, fo ì si piriisiyaa dookuwo ke n ye.

Kalatiyankoolu 3:27

Alitolu mennu bee batiseeta* Kiristu kono, ali ye Kiristu le duŋ.

Roomankoolu 13:14

Wo noo to ali Maarii Yeesu Kiristu* duŋ ko sitifeŋo, aduŋ ali kana bula ali la hadamadiŋyaa hame kuwolu nooma ka ali faŋolu seewondi ì la.

Roomankoolu 3:22

Alla la tilindiroo ka naa ka bo niŋ lannoo le la moolu bee ye, mennu laata Yeesu Kiristu* la. Fataŋ-fansoo te jee,

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yesaya 61:3

ka moolu maakoyi mennu be kumboo la Siyoni*, ka ñaroolu dii ì la, seebuutoo noo to, ka ì jusoo landi tulu seera diimaa la, wo ye seyi woosiyo noo to, jayiroo warambamaa ye seyi nii fitiyo noo to. Ì la tiliŋo ye semboo soto ko yiri baalu, Yaawe ye mennu tutu ka a la kallankeeyaa* yitandi.

2 Musa 29:5

I si duŋ feŋolu taa, i ye ì duŋ Haaruna la, simisoo meŋ jaŋayaata, efodoo* kotondaŋ dendikoo, efodoo faŋo aniŋ a jifa sisilaa. I si efodoo siti niŋ a la teesitiraŋ sooriŋo la.

2 Musa 28:2

I si dendika senuŋolu kara i kotoomaa Haaruna ye, fo ì si horomoo niŋ buuñaa dii a la.

2 Musa 28:6

Ì ñanta efodoo daa la niŋ sani julubooroo le la, juluboora buluuriŋo, wuluyeloo, wuleeriŋo, aniŋ koyimaa, ì ye a ñiiñandi niŋ sooroo la.

1 Samuweli 2:28

Ŋa i bonsuŋo tomboŋ Banisirayila lasiloolu bee kono le ka ke n na piriisoo ti, ka taa n na sadaajanidulaa* to, ka cuuraayoo siisindi, aniŋ ka efodoo* duŋ n ñaatiliŋo la, ka n na lafoo ñini. Beeyaŋ sadaalu mennu, Banisirayilankoolu ka ì jani niŋ dimbaa la, ŋa niyo dii i la moolu la wolu fanaa to le.

Esekiyeli 42:14

Niŋ piriisoolu dunta Batudulaa Buŋo kono, aduŋ ì lafita ka taa banta luwo to, ì ñanta ì la duŋ feŋ senuŋolu tu la ñiŋ buŋolu le kono. Wo le mu duŋ feŋ senuŋolu ti, mennu tarata dundiŋ ì la, kabiriŋ ì be dookuwo la Yaawe ñaatiliŋo la. Ì ñanta ka duŋ feŋ koteŋ doolu le duŋ, wo koolaa ì si naa taa dulaa to, moo koteŋolu ka tara daameŋ to.”