3 Musa 7:6 - Mandinka Bible

⁶ Meŋ-wo-meŋ mu kewo ti piriisoolu la dimbaayaalu kono si a domo noo le. Bari a ñanta domo la dulaa jankuriŋo le to. A mu feŋ senuŋ baa le ti.

3 Musa 7:6 ပူးပေါင်းရင်းမြစ်များ

3 Musa 6:29

Meŋ-wo-meŋ mu kewo ti piriisoolu la dimbaayaalu kono, wo si a domo noo le. A mu feŋ senuŋ baa le ti.

3 Musa 2:3

Too meŋ tuta siimaŋ sadaa ñiŋ to, wo mu Haaruna niŋ a dinkewolu le taa ti. Wo mu feŋ senuŋ baa le ti, ka bo sadaalu kono mennu bota dimbaa la nte Yaawe ye.

1 Korintinkoolu 9:13

Fo ali maŋ a loŋ ko, moolu mennu ka dookuwo ke Alla Batudulaa kono, wolu ka ì la domoroo soto Alla Batudulaa le to baŋ? Aduŋ moolu mennu ka dookuwo ke sadaajanidulaa* to, fo wolu buka ì niyo soto suboo to, meŋ bota sadaa ti jee?

1 Korintinkoolu 10:18

Ali ali hakiloolu bulandi Banisirayilankoolu la kuwo la! Fo moolu mennu ka sadaalu domo, ì maŋ niyo soto sadaajanidulaa* to baŋ?

3 Musa 7:5

Piriisoo* si ì jani sadaajanidulaa kaŋ, ka ke sadaa ti meŋ bota niŋ dimbaa la nte Yaawe ye. A mu jooseyiraŋ sadaa le ti.

Esekiyeli 42:13

Bituŋ kewo ñiŋ ko n ye ko, “Maraa karoo niŋ bulubaa karoo buŋolu mennu be kene kenseŋo ñaatiliŋo la, wolu mu buŋ senuŋolu le ti. Piriisoolu* mennu ka sutiyaa Yaawe la, be sadaa* senuŋ baalu domo la jee le to. Ì be sadaa senuŋ baalu ke la jee le to. Wo sadaa senuŋolu le mu siimaŋ sadaalu ti, junube kafarilaŋ sadaalu, aniŋ jooseyiraŋ sadaalu. Kaatu jee mu dulaa senuŋo le ti.

Hakayi 2:12

Niŋ moo ye sadaa* subu senuŋo fudi a la dendika baa tuloo to, aduŋ a la dendika tuloo maata mbuuroo la, duuraŋo, wayinoo*, tuloo, waraŋ domori siifaa-wo-siifaa, fo wo domori feŋo be seneyaa la le baŋ?” Piriisoolu ye jaabiroo ke ko, “Hanii.”

3 Musa 6:11

Bituŋ a si a la wo duŋ feŋolu wura, a ye duŋ feŋ doolu duŋ, a ye naa seebuutoo ñiŋ samba daakaa banta la, ka a ke dulaa jankuriŋo to.

3 Musa 21:22

Bari wo maarii si domori sadaalu domo noo le, ì ka mennu bondi n ye, sadaalu mennu seneyaata aniŋ mennu kuliyaata baake.