3 Musa 7:16 - Mandinka Bible

¹⁶ Niŋ a ye a tara a maarii ye a bondi laahidi timmandiraŋ sadaa le ti, waraŋ a ye a bondi fankadaŋ sadaa le ti, a si domo noo wo luŋo faŋo la, aduŋ niŋ too tuta jee, wo si domo a saamoo.

3 Musa 7:16 ပူးပေါင်းရင်းမြစ်များ

5 Musa 12:6

Ali be kali la ali la sadaalu* samba la naŋ jee le to: jani sadaalu, beeyaŋ sadaa koteŋolu, jakoolu, soorifeŋ doolu, laahidi timmandiraŋ sadaalu, fankadaŋ sadaalu aniŋ ali la beeyaŋolu konoñaa foloolu.

Nahumu 1:15

Yahuuda moolu, ali a juubee! Kiilaa fele ali ye, a niŋ kibaari betoo ka bo konkoolu kaŋ, ka kayiroo bankee ali ye. Ali ali la diina juuraloolu juura, ali ye ali la laahidoolu timmandi. Jawu te ali la bankoo kele la kotenke. Ì bee le be kasaara la.

Esekiyeli 46:12

Niŋ mansa lafita ka fankadaŋ sadaa bo, fo jani sadaa to, waraŋ kayira sabatindiraŋ sadaa, ì be tiliboo la dundaŋ daa le yele la a ye ka a la jani sadaa samba naŋ, waraŋ a la kayira sabatindiraŋ sadaa, komeŋ a ka a ke ñaameŋ Loobula Luŋ-wo-Loobula Luŋ na. Niŋ a ye i bandi, a be finti la le, ì ye dundaŋ daa soroŋ.

Jabuuroolu 116:18

M be n na laahidoolu timmandi la Yaawe ye le, a la moolu bee ñaa la.

Jabuuroolu 116:14

M be n na laahidoolu timmandi la Yaawe ye le, a la moolu bee ñaa la.

Jabuuroolu 66:13

M be jani sadaalu* le samba la naŋ i Batudulaa to. M be n na laahidoolu timmandi la i ye le.

5 Musa 12:26

Sadaalu mennu kerekereta Yaawe ye, aniŋ laahidi timmandiraŋ sadaalu, ali ì bee samba batudulaa to, Yaawe be meŋ tomboŋ na.

5 Musa 12:17

Sadaalu mennu bota Yaawe ye, ali maŋ ñaŋ na wolu domo la ali la saatewolu kono. Wolu le mu ñiŋ jakoolu ti: siimaŋ kesoo, wayini* kutoo, aniŋ olifu* tuloo. Ali la beeyaŋolu fanaa konoñaa foloolu maŋ ñaŋ ka domo jee, laahidi timmandiraŋ sadaalu aniŋ soorifeŋ doolu.

5 Musa 12:11

Bituŋ Yaawe ali la Alla be dulaa kiliŋ ne tomboŋ na, a too be tara la daameŋ to. Ali si sadaalu samba a ye jee to, ŋa ali yaamari mennu la: jani sadaalu niŋ beeyaŋ sadaa koteŋolu, jakoolu, soorifeŋ doolu, aniŋ laahidi timmandiraŋ sadaalu.

4 Musa 15:3

ali si sadaalu* bo nte Yaawe ye niŋ dimbaa la. A si ke noo ninsoo ti le, saajiyo, waraŋ baa, a ye ke jani sadaa* ti, waraŋ beeyaŋ sadaa koteŋ. Ali si ì bo noo le ka ali la laahidoolu timmandi, waraŋ ka ke fankadaŋ sadaa ti, waraŋ ali la diina juurali luŋ looriŋolu sadaa meŋ seeroo ka n seewondi.

3 Musa 23:38

Wolu ñanta ke la le, nte Yaawe la Loobula Luŋ sadaalu koolaa, aniŋ sadaa doolu koolaa, alitolu faŋolu ye mennu laahidi, ka taa ali ka fankadaŋ sadaalu mennu bee bondi n ye.

3 Musa 22:29

Niŋ i be beeyaŋo bondi la tenturulaŋ sadaa ti nte Yaawe ye, i ñanta le ka a ke a ñaama, fo a si muta i ye.

3 Musa 22:23

I si ninsoo waraŋ saajiyo bondi noo fankadaŋ sadaa ti le, meŋ jaatoo daañaa ye helloo soto, waraŋ dasoo. Bari ka a ke sadaa ti, ka i la laahidoo timmandi, wo te muta la.

2 Musa 35:29

Banisirayilankoolu bee, musoolu niŋ kewolu, mennu ye a ŋaniya, ka ì la sadaalu samba naŋ Yaawe ye, ì ye a naati le, ì kontaaniriŋo, ka a dundi dookuwo la kuwo to, Yaawe ye Musa yaamari meŋ na.

Kuma Kotoomaalu 7:14

“Ŋa sadaa* bo le, subu jamaa le be suwo kono, kaatu bii ŋa n na kaloo timmandi le.