3 Musa 6:4 - Mandinka Bible

⁴ Niŋ a ye wo kuu siifaa meŋ-wo-meŋ ke, a ye junuboo le ke. Niŋ a ye a la boyidaa kalamuta, a ñanta le a ye feŋo ñiŋ murundi, a ye meŋ suuñaa, waraŋ a ye meŋ nakari, waraŋ ì ye a karafa meŋ na, waraŋ feŋo meŋ filita, a ye a tomboŋ,

3 Musa 6:4 ပူးပေါင်းရင်းမြစ်များ

Sefaniya 1:9

Wo luŋo la, moo-wo-moo ka a siŋo sawundi bundaa kuŋo la, jalaŋo silaŋñaa kamma la, aniŋ moo-wo-moo ka a maarii yaa fandi feŋolu la, a ye meŋ soto fitinoo niŋ nakaroo la, m be ì bee le jarabi la.”

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Amosi 3:10

Ì ye feŋolu le kafu ñoo ma suuñaaroo niŋ fitinoo kono, ka ì maabo ì la buŋolu kono. Ì maŋ a loŋ kuu tilindiŋo ka ke ñaameŋ.” Yaawe le ye a fo.

Esekiyeli 18:18

Bari a faamaa be faa la a faŋo la kuu jawu kewolu le kamma, kaatu a ka nakaroo le ke, a ka a baadiŋo suuñaa, aduŋ a ka kuu jawoo ke a la moolu la.

Esekiyeli 18:12

a ka fuwaaroolu niŋ mennu be suuloo kono mantoora, a ka suuñaaroo ke, a buka feŋo murundi a ye meŋ taa sankayaaraŋo ti, a ka jalambatoo ke, a ka kuu haraamuriŋolu ke,

Esekiyeli 18:7

aduŋ a buka moo toora, bari a ka feŋolu murundi le, a ye mennu taa sankayaaraŋo ti, a buka suuñaaroo ke, bari a ka a la domoroo dii konkotoolu la le, a ka fuwaaroolu feetoofata,

Yesaya 59:6

bari ì buka ì ke noo duŋ feŋo ti. Ì ye meŋ dadaa, ì buka sutura noo a la. Ì ka kuu kuruŋo dammaa le ke, aduŋ fitina maañaa le ka tara ì bulu.

Yuuba 24:2

Moo kuruŋolu ka wandi kunku naanewolu ñorindi le, ka ì bondi ì noolu to, ì ye wandi beeyaŋolu suuñaa ka ì kafu ì taalu ma.

Yuuba 20:19

kaatu itolu tarata fuwaaroolu le batandi kaŋ, aniŋ ka ì ñaa kaasi ì la. Ì ye buŋolu taa moolu bulu, ì maŋ mennu loo.

1 Musa 21:25

Kabiriŋ Iburayima diyaamuta Abimeleki ye koloŋo la kuwo la, Abimeleki la dookuulaalu ye meŋ taa,

3 Musa 24:18

Moo-wo-moo ye wandi beeyaŋo faa, a ñanta a jooseyi la le, kaatu niyo niŋ niyo le be kuntakiriŋ.

3 Musa 24:21

Moo-wo-moo ye wandi beeyaŋo faa, a maarii ñanta le ka a jooseyi. Moo-wo-moo ye moofaa ke, a maarii ñanta le ka faa.

4 Musa 5:7

A maarii ñanta soŋ na a la junube kuu kewo la le. A ñanta a la tiñaaroo juloo joo la a ñaama le, a ye naa muru a ye talaadaa luulunjaŋo laa a kaŋ, a ye a bee dii moo la, a ye kuu jawoo ke meŋ na.

Esekiyeli 33:15

Niŋ moo kuruŋo ye a la sankayaaraŋo jooseyi waraŋ a ye feŋolu seyindi a ye mennu suuñaa moolu bulu, aduŋ a taamata baluwo saratoolu la, a ye junube kewo bula fereŋ, tooñaa, a be baluu la le, a te faa la.

Malaki 1:13

Ali kumata ko, ‘Ñiŋ bataa juubee.’ Ali maŋ nte Yaawe Alihawaa Maariyo kuliyaa. Ali ye suuñaari beeyaŋolu samba naŋ ne, beeyaŋ lanjuurutoolu, beeyaŋ kuurantoolu, ali ye ñinnu le samba naŋ sadaa ti. Fo nte Yaawe ñanta ñinnu muta la ali ye le baŋ?

3 Musa 4:12

wolu muumewo si fintindi daakaa banta, ka a samba dulaa jankuriŋo to, seebuutu jurumidulaa. Jee to, a si a jani loo la.

Nehemiya 5:11

Bii faŋo ali ì la kunkoolu seyi ì ma, wayini yiri kankaŋolu, olifu* yiroolu aniŋ buŋolu saayiŋ teŋ. Ali lankaŋo fanaa seyindi, ali ka meŋ kaniŋ, meŋ keta siidulaa kemenjaŋo ti kodoo to, siimaŋ kesoo to, wayini kutoo to, aniŋ tuloo to.”

Esekiyeli 44:19

Niŋ ì ye i bandi ì la dookuwo la ka taa moo doolu be daameŋ banta luwo to, ì ñanta ì la piriisi dendikoo wura la le, ka a tu wo buŋ senuŋo kono jee. Bituŋ ì si dendika doolu duŋ, i si a je, moo doolu kana taa wo dendika senuŋolu maa meŋ si naa mantooroo saabu ì ma.