3 Musa 2:1 - Mandinka Bible

¹ Yaawe* tententa ka a fo ko: Niŋ moo-wo-moo ye siimaŋ sadaa* samba naŋ ka a bondi nte Yaawe ye, a ñanta ke la fariña kendoo le ti. I maarii si tuloo boŋ a kaŋ, i ye cuuraayoo ke a kaŋ,

3 Musa 2:1 ပူးပေါင်းရင်းမြစ်များ

Lankenemoo 8:3

Bituŋ malaayika doo naata loo sadaajanidulaa* daala, sani cuuraayi siisindiraŋo be a bulu. Cuuraayi jamaa diita a la, ka a kafu Alla la moo senuŋolu bee la duwaa ma sani sadaabodulaa* kaŋ, mansasiiraŋo ñaatiliŋo la.

Yesaya 66:20

Aduŋ ì be ali baadiŋolu bondi la naŋ ne ka bo bankoolu bee kaŋ, ka naa n na konko senuŋo* to Yerusalaamu, ka ke soorifeŋo ti nte Yaawe ye. Ì be tara la seleriŋ suwoolu le kaŋ, sareetindiŋolu niŋ sareeti baalu, bahalewolu* aniŋ ñonkomoolu kaŋ.” A ko: “Ì be ì naati la le ko Banisirayilankoolu ka ì la siimaŋ sadaalu naati keraŋ seneyaariŋo kono ñaameŋ, nte Yaawe la Batudulaa to.

3 Musa 9:17

A ye siimaŋ sadaa fanaa naati, a ye bulufaa bii meŋ to, ka a jani sadaajanidulaa kaŋ, a niŋ soomandaa jani sadaa kafuriŋo.

Yuuda 1:20

Bari alitolu mennu mu n kanuntewolu ti, alitolu si tu yiriwaa la ali la lannoo fondamaŋ senuŋo kaŋ, ali ye tu duwaa la Noora Kuliŋo kono.

4 Musa 7:19

A ye sadaa meŋ samba naŋ, wo le mu kodiforo booli kiliŋ ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo be ñaamiriŋ, ka ke siimaŋ sadaa ti.

1 Yohana 2:27

Bari Nooroo, ali ye meŋ soto ka bo Alla bulu, a sabatita ali kono le. Wo kamma la, ali maŋ suula moo-wo-moo ye ali karandi, kaatu Alla la Nooroo ye ali karandi kuwolu bee le la. Ñiŋ karandiroo mu tooñaa le ti, a maŋ ke faniyaa ti. Baawo a ye ali karandi le, wo to ali sabati Kiristu kono.

1 Yohana 2:20

Kiristu meŋ mu Senuŋ Baa ti, ye Nooroo dii ali la, wo kamma la ali bee ye tooñaa loŋ ne.

Yohana 6:35

Wo to le Yeesu ko ì ye ko, “Nte le mu baluwo mbuuroo ti. Moo meŋ naata nte kaŋ, konkoo nene te wo muta la. Aduŋ moo meŋ laata nte la, mindoo nene te wo muta la.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

4 Musa 7:13

A la sadaa mu kodiforo booli kiliŋ ne ti, meŋ na kuliyaa mu kilo kiliŋ niŋ talantee ti, aniŋ kodiforo keraŋ kiliŋ meŋ na kuliyaa mu karaamu keme seyi ti. Ì peesata niŋ Batudulaa Senuŋo peesariñaa le la. Ì kiliŋ-wo-kiliŋ fariña kendoo le tarata ì kono meŋ niŋ tuloo* be ñaamiriŋ, ka ke siimaŋ sadaa ti.

2 Musa 29:2

I si mbuuru leweñintaŋ siifaa saba jani, foloo ka bo niŋ fariña betoo la, doo meŋ ñaamita niŋ tuloo la, aniŋ doo meŋ dampatanta, i ye tuloo ke meŋ kaŋ.

Yoweli 1:9

Siimaŋ sadaa* niŋ miŋ feŋ sadaa kuntuta Yaawe Batudulaa Buŋo* to. Piriisoolu* woosiita, Yaawe la dookuulaalu.

3 Musa 5:11

Niŋ fanaa a la sotoo maŋ futa puraa baa fula waraŋ puraariŋ fula ma, a si fariña kendoo kilo kiliŋ naati ka ke a la junuboo sadaa ti. A kana tuloo ke a kaŋ waraŋ cuuraayoo, bayiri junube kafarilaŋ sadaa le mu.

4 Musa 8:8

Ì ye tuuraariŋo bo a niŋ a siimaŋ sadaa* meŋ mu fariña kendoo ti, meŋ niŋ olifu* tuloo ñaamita. Bituŋ ite faŋo ye tuuraariŋ fulanjaŋo bo ka ke junube kafarilaŋ sadaa ti.

4 Musa 18:9

Sadaa senuŋolu Banisirayilankoolu ye mennu bo n ye, wolu le mu siimaŋ sadaalu ti, junube kafarilaŋ sadaalu, aniŋ jooseyiraŋ sadaalu. Ka bo ñiŋ sadaalu to, meŋ-wo-meŋ maŋ jani, wo be ke la i niŋ i dinkewolu taa le ti.

4 Musa 28:5

Saajii-wo-saajii, ali siimaŋ sadaa fariña kendoo kilo kiliŋ meŋ niŋ olifu* tulu kendoo liitari kiliŋ ñaamita, lafaa a kaŋ.

4 Musa 29:18

Ali ñiŋ ninsituuraariŋolu niŋ saakotoŋolu niŋ saakotondiŋolu la siimaŋ sadaalu niŋ ì la miŋ feŋ sadaalu parendi ko ì yaatewo be laariŋ ñaameŋ.

Yesaya 43:23

Ali maŋ saajiyo naati n ye ka a ke jani sadaa* ti, waraŋ ka m buuñaa ali la beeyaŋ sadaa koteŋolu la. M maŋ siimaŋ sadaa dunoo laa ali kaŋ, waraŋ ka ali batandi cuuraayi siisindi la.

3 Musa 6:7

Piriisoo si junube kafaroo sii noo a ma teŋ ne, aduŋ a si yamfoo soto kuu-wo-kuu to, a boyita meŋ to.

3 Musa 9:4

Aduŋ ì si ninsituuraa doo niŋ saakotoŋ doo ke kayira sabatindiraŋ sadaa ti, ka ì bondi Yaawe ye, ì niŋ siimaŋ sadaa meŋ niŋ tuloo ñaamita. Ì si wo ke, kaatu bii le mu Yaawe be a faŋo lankenemayandi la ì ye.”

3 Musa 14:10

Bituŋ tili seyinjaŋ luŋo la, a si saakotondiŋ fula naati, mennu maŋ sootaari soto, aniŋ sanji kiliŋ saajii yeeree kiliŋ, meŋ maŋ sootaari soto, ka taa fariña kendoo kilo saba meŋ niŋ tuloo ñaamita, ka a ke siimaŋ sadaa* ti, aniŋ tulu pootoo.

3 Musa 24:7

I si cuuraayi seera diimaa kafu talaadaa-wo-talaadaa ma, ka ke yitandirilaŋo ti ko, mbuuroo muumewo diita nte Yaawe le la. Cuuraayoo si bo sadaa* ti n ye ka bo niŋ dimbaa la.

Esekiyeli 46:20

Kewo ko n ye ko, “Ñiŋ ne mu dulaa ti, piriisoolu be suboo tabi la daameŋ, ka ke jooseyiraŋ sadaa aniŋ junube kafarilaŋ sadaa ti, aduŋ ì be mbuuroo jani la jee le to ka ke siimaŋ sadaa ti. Ñiŋ feŋolu maŋ ñaŋ na finti la naŋ banta luwo to, moolu be daameŋ to, moolu kana taa ì maa meŋ si naa mantooroo saabu ì kaŋ.”