3 Musa 11:7 - Mandinka Bible

⁷ Seewoo mu worosomaa le ti, aduŋ a worosoo farata fula ti le, bari a buka ñaañimoo ke, wo kamma la a konta ali ye le.

3 Musa 11:7 ပူးပေါင်းရင်းမြစ်များ

Yesaya 66:17

Yaawe ko: “Moolu mennu ye ì faŋolu kerekere ka ì faŋ seneyandi jalambatoo ye, ka taa naakoolu kono ka bula ñoo nooma, ka seewu suboo domo, ñinoolu, aniŋ feŋ ñewundiŋ doolu, ì bee be kasaara la ñoo la le.

Yesaya 66:3

Bari doolu be jee le mennu ka bula ì fansuŋ siloo nooma, aniŋ ka kontaanoo soto kuu haraamuriŋolu to. Niŋ ì ye tuuraa bondi sadaa* ti, a konta nte fee le ko, niŋ ì ye hadamadiŋo le bondi sadaa ti. Niŋ ì ye saajiyo bondi sadaa ti, a ka munta le ko, niŋ ì ye wuloo le kaŋo kati. Niŋ ì ye siimaŋ sadaa le bondi, wo ka munta m fee le ko, niŋ ì ye seewu yeloo le bondi. Niŋ ì ye cuuraayoo siisindi sadaa ti, wo ka munta le ko, niŋ ì ye jalaŋo le batu.

Yesaya 65:4

Ì ka tara siiriŋ kaburoolu le to, ì ye suutoo laa dulaa denderiŋolu to. Ì ka seewu suboo domo le, aduŋ daa jiyo meŋ be ì la kaleeroo kono, bota daafeŋ kondiŋolu suboo le bala.

5 Musa 14:8

Seewoo fanaa kosota ali ye le. Kaatu ì ye woroso fara fula le soto, bari ì buka ñaañimoo ke. Ali kana ñiŋ daafeŋolu domo waraŋ hani ka ì furewolu maa ali buloo la.

Luka 15:15

Wo kamma la a naata tara dookuwo la bankudiŋ kiliŋ ye jee, meŋ ye a kii kunkoo to seewukantoo la.

Luka 8:33

Wo to le seetaani jawoolu bota kewo kono ka duŋ seewoolu kono. Aduŋ seewu kooree bee borita ka jii konko jindaa la, ì naata joloŋ baa kono. Ì bee faata jiyo kono jee.

Matiyu 7:6

“Ali kana feŋ senuŋolu dii wuloolu la, kaatu ì be ali boyinkaŋ na le, aduŋ ali kana ali la pemoolu fayi seewoolu ye, kaatu ì be ì dori la ì siŋolu la le.

3 Musa 11:3

Daafeŋ-wo-daafeŋ mu worosomaa ti, a worosoo farata fula ti, aduŋ a ka ñaañimoo ke, ali si a domo noo le.

3 Musa 11:6

Saŋo ka ñaañimoo ke le, bari a maŋ worosoo soto meŋ farata fula ti, wo kamma la a konta ali ye le.

3 Musa 11:8

Ali kana wolu suboo domo, waraŋ ka ì furewo maa. Ì konta ali ye le.