3 Musa 11:5 - Mandinka Bible

⁵ Konkokono saŋo ka ñaañimoo ke le, bari a maŋ worosoo soto meŋ farata fula ti, wo kamma la a konta ali ye le ka a domo.

3 Musa 11:5 ပူးပေါင်းရင်းမြစ်များ

Kuma Kotoomaalu 30:26

Konkokono saŋo mu niilamaa feŋ ne ti, meŋ semboo maŋ wara, hani wo a ka a la suwo loo berehuwo kono.

Jabuuroolu 104:18

Konkotoŋolu yaa be konko jaŋolu le santo, konkokono saŋolu maabodulaa be konko huwolu kono.

Titus 1:16

Ì ka a fo le ko, ì ye Alla loŋ ne, bari ì ka balaŋ a ma niŋ ì la kebaaroolu le la. Ì mu jutunnamoolu le ti, aniŋ yaamari mutabaloolu mennu nene buka kuu betoo ke noo.

2 Timoti 3:5

Ì ka munta le ko Alla ñaasilannaalu, bari ì maŋ soŋ a la semboo ma. Fata wo moo siifaalu ma!

Matiyu 7:26

Bari moo-wo-moo meŋ ye n na ñiŋ kumoolu moyi, aduŋ a maŋ ì muta, wo ka munta le ko toolewo, meŋ ye a la buŋo loo keñoo kaŋ.

Yuuba 36:14

Ì ka faa ì la fondinkeeyaa waatoo le la, aduŋ ì siyo ka baŋ malu kuwo le kono.

3 Musa 11:3

Daafeŋ-wo-daafeŋ mu worosomaa ti, a worosoo farata fula ti, aduŋ a ka ñaañimoo ke, ali si a domo noo le.

3 Musa 11:4

Bari doolu mennu worosoo farata fula ti, ì buka ñaañimoo ke, waraŋ ì ka ñaañimoo ke, bari ì worosoo maŋ fara fula ti, ali kana wolu domo. Ñonkomoo ka ñaañimoo ke le, bari a maŋ worosoo soto meŋ farata fula ti. Wo kamma la a konta ali ye le ka a domo.

3 Musa 11:6

Saŋo ka ñaañimoo ke le, bari a maŋ worosoo soto meŋ farata fula ti, wo kamma la a konta ali ye le.

5 Musa 14:7

Bari daafeŋ doolu be jee le mennu ka ñaañimoo ke bari ì worosoolu maŋ fara fula ti, mennu be ko ñonkomoo, saŋo, aniŋ konkokono saŋo. Ñiŋ daafeŋolu kosota ali ye le.