2 Timoti 2:6 - Mandinka Bible

⁶ Senelaa meŋ ye dookuu baa ke, wo le ñanta katiroo la talaari foloo soto la.

2 Timoti 2:6 ပူးပေါင်းရင်းမြစ်များ

Hiburunkoolu 10:36

Ali suulata wakiiloo le la, fo ali si Alla la lafoo ke noo, aniŋ ka a la laahidoo soto,

1 Korintinkoolu 9:23

Nte ka feŋo bee le ke kibaari betoo la kuwo kamma la, fo n si niyo soto a barakoo to.

Luka 10:2

A ko ì ye ko, “Katiroo be siyaariŋ ne, bari dookuulaalu le maŋ siyaa. Wo kamma la, ali duwaa ka Katiritiyo daani fo a si dookuulaalu kii naŋ a la katiroo la.

Matiyu 20:1

“Arijana mansabaayaa ka munta le ko kankantiyo, meŋ sorita soomandaa juunoo ka taa lebereesoolu ñini ka dookuwo ke a la wayini* yiri kankaŋo to.

Kuma Kotoomaalu 27:18

Moo-wo-moo ka sooto yiroo topatoo, a be a diŋo domo la le, aduŋ dookuulaa meŋ ka a maarii la kuwo hati, a be buuñaa soto la le.

2 Timoti 2:7

I miira kuwolu la, ŋa meŋ fo! Maariyo le be fahaamuroo dii la i la, kuwolu bee to.

Hiburunkoolu 6:7

Kaatu samaa ka siyaa bankoo meŋ kaŋ baake, a ka jiyo suusuu le, aniŋ a ka fiifeŋolu falindi moolu ye, a seneta mennu la kuwo kamma la, Alla ka neema wo bankoo ma le.

Matiyu 25:16

“Kabiriŋ talenti luulutiyo ye a la kodoo muta doroŋ, a taata ka safaaroo ke wo la, a ye talenti kodi luulu doo soto kañewo ti.