2 Tesalonikankoolu 3:16 - Mandinka Bible

¹⁶ Allamaa Kayiroo Maariyo faŋo ye kayiroo dii ali la waatoo bee la, aniŋ kuwolu bee to. Maariyo ye tara ali bee fee.

2 Tesalonikankoolu 3:16 ပူးပေါင်းရင်းမြစ်များ

Jabuuroolu 29:11

Allamaa Yaawe ye semboo dii a la moolu la. Allamaa Yaawe ye neema a la moolu ma kayiroo la.

Yohana 16:33

Ŋa ñiŋ kuwolu fo ali ye le fo ali si kayiroo soto nte kono. Ali ka niikuyaa soto duniyaa kono le, bari ali ali jusoo bambandi, kaatu nte ye duniyaa noo le.”

Yohana 14:27

“Ŋa kayiroo le tu ali fee, ŋa n na kayiroo dii ali la le. Nte maŋ a dii ali la ko duniyaa ka a dii ñaameŋ. Ali sondomoolu kana toora, sako ali si sila.

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Roomankoolu 15:33

Alla meŋ ka kayiroo dii, a ye tara ali bee fee. Amiin.

Roomankoolu 16:20

Alla meŋ ka kayiroo dii, a be Seetaanoo* dori la ali siŋo koto le, a te mee la faŋ. M̀ Maarii Yeesu Kiristu la hiinoo ye tara ali fee.

Kiitindirilaalu 6:24

Bituŋ Kideyoni naata sadaabodulaa* loo Yaawe ye jee, a ye a toolaa ko, “Yaawe le mu kayiroo ti.” Fo ka naa bula bii tiloo la, sadaabodulaa ñiŋ be looriŋ Ofura le, Abiyesa koomalankoolu la dulaa to.

Luka 2:14

“Semboo niŋ waroo be Alla ye, Arijana dulaa jamfariŋ baa to. Kayiroo be duniyaa moolu fee, Alla kontaanita mennu la kuwo la.”

1 Tesalonikankoolu 5:23

Allamaa Alla faŋo meŋ ka kayiroo dii, a ye ali muumewo seneyandi. Allamaa ali la nooroolu, ali niyolu aniŋ ali balajaatoolu bee ye tanka sootaari sotoo ma, fo janniŋ Maarii Yeesu Kiristu be naa la.

2 Timoti 4:22

Maariyo ye tara i la nooroo fee. A la hiinoo ye tara ali fee.

Roomankoolu 1:7

Ŋa ñiŋ safee alitolu Alla kanuntewolu bee le ye, a ye mennu kumandi ka ke a la moo senuŋolu ti Rooma saatewo kono. Hiinoo niŋ kayiroo be ali fee ka bo Alla bulu, m̀ Faamaa, aniŋ Maarii Yeesu Kiristu.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Jakariya 6:13

Ate le mu moo ti meŋ be Yaawe Batudulaa Buŋo loo la. A be mansayaa buuñaa soto la le, a ye sii a la mansasiiraŋo kaŋ, a ye maraloo ke. Piriisoo be tara la a la mansasiiraŋo karadandaŋo la le, aduŋ ì moo fuloo be dete la ñoo la le, ì ye dookuwo ke kayiroo kono.’

4 Musa 6:26

Allamaa Yaawe ye a ñaa tiliŋ ali la, a ye kayiroo dii ali la.”

Filemoni 1:25

Maarii Yeesu Kiristu la hiinoo ye tara ali fee.

Yesaya 8:10

Ali feeroo siti ñoo kaŋ, bari a be ke la kenseŋo le ti. Ali si diyaamu, bari a kumoo te loo la, kaatu Alla be ntolu fee le.

1 Samuweli 17:37

Yaawe* meŋ ye n tankandi jatoolu niŋ daafeŋ saŋarariŋolu ŋooriŋolu la, ate le be m bondi la ñiŋ Filisitinkoo buloo kono.” Wo to le Sawulu ko Dawuda ye ko, “Taa, Allamaa Yaawe ye tara i fee.”

Ruti 2:4

A maŋ mee, Bowasi faŋo futata ka bo Betilehemu. A ye a la katirilaalu kontoŋ ko, “Yaawe* ye tara ali fee!” Wolu fanaa ye a joo ko, “Allamaa Yaawe neema la i ma!”

Hiburunkoolu 13:20

Alla meŋ ka kayiroo dii, ŋa a daani ali ye le. Ate le ye m̀ Maarii Yeesu wulindi ka bo saayaa kono ka baluu kotenke. Ñiŋ Yeesu naata ke Kantarilaa Baa le ti ntolu ye, a la saajiyolu, ka bo niŋ a faŋo yeloo la, meŋ mu yeloo ti a la badaa-badaa kambeŋo ye.

Hiburunkoolu 7:2

Iburayima fanaa ye feŋolu bee jakoo dii a la le. Melikisedeki too kotoo mu Tiliŋo Mansa le ti, aduŋ ate mu Kayiroo Mansa fanaa le ti, kaatu Salaamu kotoo mu kayiroo le ti.

2 Korintinkoolu 13:11

Labaŋo la, baadiŋolu*, ali seewoo! Ali ali hakiloo tu, ali kuwolu murundi ì ñaama, ali n na kumoolu muta niŋ ali bulu fuloo la. Ali soŋ ñoo ma, ali ye tara ñoo kaŋ kayiroo kono. Alla meŋ ka kayiroo niŋ kanoo dii, a si tara ali fee.

1 Korintinkoolu 14:33

Alla maŋ ke Alla ti, meŋ ka jakasoo saabu, bari a mu kayiroo Alla le ti. Ko a be ñaameŋ Alla la moo senuŋolu bee la kafoolu kono,

Yesaya 66:12

Kaatu Yaawe ye ñiŋ ne fo ko: “M be kayiroo feenee la Yerusalaamu ye le ko baajiyo, ŋa bankoolu la naafuloo fuumandi a ye ko woyoo. A be ali suusundi la le ko deenaanoo, a ye ali sika ka ali bambu, aniŋ ka ali tulundi a wutoo kaŋ.

Yesaya 54:10

Yaawe meŋ ye balafaa soto i ye, wo le ye a fo ko: “Hani niŋ konko baalu bota ì noo to, konkoriŋolu ka boyi, ŋa kanu bambaloo meŋ soto i ye, wo te daŋ na, sako n na kayira kambeŋo si tiñaa.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 26:12

Hee Yaawe, kayiroo naati ǹ ye, kaatu ŋà feŋ-wo-feŋ ke noo, ite le ye a ke ǹ ye.

Jabuuroolu 72:7

Allamaa tiliŋo ye wajabi a tiloo la, kayiroo ye siyaa, fo janniŋ karoo la boo be daŋ na.

Jabuuroolu 72:3

Allamaa bankoo moolu ye kayiroo niŋ tiliŋo soto, a la marali tilindiŋo kono.

Jabuuroolu 46:11

Yaawe Alihawaa Maariyo be ntolu fee le. M̀ mumu Yaakuba la Alla le mu ǹ ye tankadulaa ti. S

2 Tesalonikankoolu 3:18

M̀ Maarii Yeesu Kiristu la hiinoo ye tara ali bee fee.

Hakayi 2:9

Yaawe Alihawaa Maariyo le ye ñiŋ fo ko, “Ñiŋ buŋo la kallankeeyaa labaŋo le be wara la ka tambi folooto taa la.” Yaawe Alihawaa Maariyo le ye ñiŋ fo ko, “M be kayiroo dii la ñiŋ dulaa le to.”

Jabuuroolu 46:7

Yaawe* Alihawaa Maariyo* be ntolu fee le. M̀ mumu Yaakuba la Alla le mu ǹ ye tankadulaa ti. S

1 Samuweli 20:13

Bari niŋ m faamaa lafita kuu jawoo ke la i la, Allamaa Yaawe ye kuu jawoo laa n kaŋ, niŋ m maŋ i kalamutandi, ka i kanandi i ye taa. Allamaa Yaawe ye tara i fee, ko a be m faamaa fee nuŋ ñaameŋ.

Efesusinkoolu 6:23

Kayiroo ye tara baadiŋolu* bee fee, kanoo niŋ lannoo, ka bo m̀ Faamaa Alla bulu, aniŋ Maarii Yeesu Kiristu.

1 Tesalonikankoolu 3:11

Ñiŋ ne mu ǹ na duwaa ti ko, m̀ Faamaa Alla faŋo aniŋ m̀ Maarii Yeesu si ǹ na siloo parendi ka naa ali yaa.