2 Taarika 9:21 - Mandinka Bible

²¹ A ye safaari kuluŋolu le soto nuŋ baa to, Hiramu la moolu ka mennu dookundi. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

2 Taarika 9:21 ပူးပေါင်းရင်းမြစ်များ

1 Mansoolu 10:22

A ye safaari kuluŋolu le soto nuŋ baa to, aniŋ Hiramu la kuluŋolu kafuriŋo. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

1 Mansoolu 22:48

Yehosafati ye safaari kuluŋ sapoolu dadaa le mennu ñanta taa la Ofiri ka sanoo ñini, bari ì nene maŋ wuli ka teyi, ì tiñaata baa kono Esiyoni-Keberi saatewo daala.

2 Taarika 8:18

Mansa Hiramu ye kuluŋolu kii a ye, Hiramu faŋo la moolu tarata marariŋ ì kunna, moolu le mu mennu ye baa loŋ kendeke. Ì niŋ Sulemani la dookuulaalu kafuriŋo teyita ka taa Ofiri bankoo kaŋ, aduŋ ì ye sanoo samba naŋ Sulemani ye, meŋ siyaata kilo wuli taŋ niŋ luulu ti.

2 Taarika 9:20

Mansa Sulemani la mindaŋolu bee mu nuŋ sanoo le ti, aniŋ bunkono jooraŋolu mennu bee be Libanooni Sutoo Buŋo kono, wolu bee mu saniforoo le ti. Kaatu Sulemani jamaanoo la kodiforoo maŋ ke feŋ ti.

Yuuba 39:13

Suruntukunoo kufantoo ka a dampaŋolu kosi le, bari fo a ka tii noo ì la le baŋ ko jimoo?

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Yeremiya 10:9

Ì ka kodiforo tunkandiŋo le bondi naŋ Tarisi, ì ye sanoo bondi naŋ Ufasi. Bulukalaŋ dookuulaa le ye ì dookuu, sani tunkannaa la bululadookuwo. Ì ka duŋ feŋolu le duŋ ì la, bayi daa jawu kuloori ñiimaalu, wolu bee mu dookuunoolaalu la bululadookuwo le ti.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Esekiyeli 27:15

“I niŋ Dedaninkoolu ka julayaa ke le, aduŋ wo moolu mennu bota baadaa borindoo bee la mu i la kiliyaanoolu le ti. Ì ka i la marisandiisoolu faliŋ i yaa samañiŋolu aniŋ kuukuu babaroo le la.

Yunusa 1:3

Yunusa wulita, a maŋ taa, bari a borita Yaawe ma, a ye a kuŋo tiliŋ Tarisi saatewo to. A taata fo Yopa, daameŋ a ye kuluŋo tara jee, meŋ ka taa Tarisi. Kabiriŋ a ye paasoo joo, a bulata kuluŋo kono ka taa Tarisi, fo a si bori noo Yaawe ma.