2 Taarika 6:42 - Mandinka Bible

⁴² Yaawe Alla, kana i bo i la mansa tombondiŋo to. I miira i la kanu bambaloo la, i ye meŋ soto Dawuda ye, i la dookuulaa.”

2 Taarika 6:42 ပူးပေါင်းရင်းမြစ်များ

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Jabuuroolu 132:1

Yaawe*, i hakiloo ye bula Dawuda la, aniŋ a ye bataa kuwolu mennu bee muña.

Kiilaalu 13:34

“Baawo Alla ye Yeesu wulindi saayaa kono le, a te toli la. Alla ye ñiŋ fo le ko: ‘Ŋa meŋ laahidi Dawuda ye, m be wo neema senuŋo dii la ite le la.’

Yesaya 61:1

M Maarii Yaawe* la Nooroo be n kaŋ ne, kaatu Yaawe le ye n tomboŋ, ka kibaari betoo kawandi fuwaaroolu ye. A ye n kii le ka moo jikilateyiriŋolu wakiilindi, ka a kankulaa mutamoolu ye ko ì firinta le, aniŋ ka bunjawutonkoolu bondi diboo kono.

Jabuuroolu 132:10

I la laahidoo juubee Dawuda la kuwo kamma, i la dookuulaa, kana i bo i la mansa tombondiŋo to.

Jabuuroolu 89:28

M be n na kanu bambaloo muta la a fee le fo abadaa, aduŋ ŋa kambeŋo meŋ siti n niŋ a teema, a be tu la bambandiŋ ne.

Jabuuroolu 89:24

N na tiliŋo niŋ kanu bambaloo be tara la a fee le, aduŋ a be nooroo ke la ka bo niŋ n tooyaa le la.

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

1 Mansoolu 2:16

Bari saayiŋ kuu kiliŋ n lafita wo le daani la. Dukaree kana balaŋ n ye wo la.” Batiseba ko a ye ko, “Muŋ ne mu wo ti?”

1 Mansoolu 1:34

Jee to Sadoki niŋ Natani si tuloo boŋ a kuŋo to ka a toloo Banisirayila mansa ti. Bituŋ ali si binoo fee, ali ye sari ka a fo ko, ‘Allamaa Mansa Sulemani mee la!’

Jabuuroolu 84:10

Ka tili kiliŋ ke i batudulaa luwolu to, wo le fisiyaata ka tili wuli kiliŋ ke dulaa koteŋ. Ŋa ke n na Alla la bundaa kantalaa ti, wo le fisiyaata ka tara sabatiriŋ moo kuruŋolu la suwolu kono.