2 Taarika 6:40 - Mandinka Bible

⁴⁰ “N na Alla, i ñaa niŋ i tuloo tu duwaalu to, mennu be ke la ñiŋ dulaa to jaŋ.

2 Taarika 6:40 ပူးပေါင်းရင်းမြစ်များ

Jabuuroolu 116:2

Bayiri a ye a tuloo loo n na le, wo to luŋ-wo-luŋ m be kali a kumandi la le, niŋ m be n niyo la.

2 Taarika 7:15

Saayiŋ, m be n ñaa niŋ n tuloo tu la duwaalu to le, mennu be ke la ñiŋ dulaa to.

Jabuuroolu 17:1

Hee Yaawe*, i lamoyi n na kumboo la, i ye kiitiyo teyi n ye. I tuloo loo n na duwaa la, neeneeri kuma te n daa.

Nehemiya 1:6

Nte mu i la dookuulaa le ti. I lamoyi n na, i ye moyiroo ke n na duwaa la, m be meŋ ke kaŋ suutoo niŋ tiloo, ñiŋ Banisirayilankoolu ye, i la dookuulaalu. Ŋa junuboolu yitandi le ntolu Banisirayilankoolu ye mennu ke i la. Nte niŋ n na dimbaayaa fanaa ye junuboo ke le.

Nehemiya 1:11

Maariyo, i lamoyi n na duwaa la, aniŋ i la dookuulaalu la duwaa, i too kuliyandoo ka mennu kontaani. Ñaatotaa dii n na, aduŋ i si a tinna ñiŋ mansakewo ye balafaa n ye.” Wo waatoo nte le mu mansa la mindaŋ sambalaa ti.

Yesaya 37:17

Yaawe Alihawaa Maariyo, i lamoyi, kumakaŋolu moyi, Sennakeribu ye mennu kii naŋ ka ite Alla baluuriŋo sooki.

Jabuuroolu 88:1

Hee Yaawe* Alla, n na kiisandirilaa, n ka kumboo i ye le suutoo niŋ tiloo.

Jabuuroolu 34:15

Yaawe ñaa ka tara looriŋ moo tilindiŋolu kaŋ ne, aduŋ a tuloo ka tu looriŋ ne ka ì woosiikaŋo moyi.

Jabuuroolu 31:2

I tuloo tu n to, i ye m bondi katabake. Ke n ye semberaŋ beroo ti, aniŋ tata bambandiŋo, ka n tankandi.

Jabuuroolu 13:3

Hee Yaawe n na Alla, i miira n na, i ye n jaabi. N ñaalu fanundi, niŋ wo nte m miŋ jiyo si dooyaa.

Jabuuroolu 7:3

Hee Yaawe, n na Alla, niŋ a ye a tara ŋa kuu le ke, niŋ a ye a tara ŋa kuu tilimbaloo le taamandi,

2 Taarika 16:9

Yaawe ñaa ka tara looriŋ duniyaa bee kaŋ ne, ka moolu bambandi mennu ye ì faŋ dii a la ì sondomoo bee la. Ite ye meŋ ke, wo mu tooleeyaa le ti. Ka bo saayiŋ na, ite be tara la keloo le kono.”

1 Mansoolu 8:52

“I si i lamoyi i la dookuulaa la woosiyo la, aniŋ i la moolu Banisirayilankoolu fanaa la woosiyo, niŋ ì ye i too kumandi,

1 Mansoolu 9:3

Yaawe ko a ye ko: Ŋa duwaa niŋ balafaa daaniroo moyi le, i ye meŋ ke n ñaatiliŋo la. Ŋa ñiŋ buŋo seneyandi le i ye meŋ loo, kaatu ŋa n too ke a kunna le fo abadaa. N ñaa niŋ n hakiloo be tara la looriŋ jee le waati-wo-waati.

2 Mansoolu 19:16

Yaawe, i lamoyi, kumakaŋolu moyi, Sennakeribu ye mennu kii naŋ ka ite Alla baluuriŋo sooki.

2 Taarika 6:39

i si i lamoyi ka bo Arijana kono, i taradulaa. I si i la moolu la balafaa woosiyo moyi, i ye ì la makatoo bayi ì ye, i ye yamfa ì ye, ì ye junube kuwo meŋ ke i la.

Jabuuroolu 130:2

Maariyo, n na kumandiroo moyi, i lamoyi n na daaniroo la, i ye balafaa n ye.

2 Taarika 6:20

N na duwaa mu ñiŋ ne ti, fo i ñaa si tara looriŋ ñiŋ buŋo kaŋ suutoo niŋ tiloo, kaatu i ye ñiŋ ne laahidi ñiŋ dulaa la kuwo to ko, i too be tara la a kunna le. Wo kamma la i si i la dookuulaa la duwaa moyi, a be meŋ duwaa la ñiŋ dulaa ñaatiliŋo la.