2 Taarika 6:17 - Mandinka Bible

¹⁷ Wo to saayiŋ Yaawe, ite meŋ mu Banisirayila la Alla ti, i la kumoo timmandi, i ye meŋ laahidi Dawuda ye, i la dookuulaa.

2 Taarika 6:17 ပူးပေါင်းရင်းမြစ်များ

Yeremiya 11:5

Niŋ wo keta, m be n na laahidoo timmandi la le, n kalita ì mumuñolu ye meŋ na ko, m be bankoo dii la ì la le keekewo niŋ liyo ka woyi daameŋ, ko a naata ke ali ye ñaameŋ bii.” Wo le to ŋa n danku, n ko, “Yaawe, amiin.”

Yesaya 45:3

Naafulu nukundiŋolu aniŋ mennu be maaboriŋ kulloo kono, m be ì dii la i la le, fo i si a loŋ ko, nte le mu Yaawe ti, Banisirayila la Alla, meŋ ye i kumandi i too la.

Yesaya 41:17

“Fuwaaroolu niŋ fentaŋolu ka jiyo ñini le, bari ì maŋ jii soto. Ì neŋolu karata ì naaliŋo bala mindoo kamma. Bari nte Yaawe be ì maakoyi la le, nte Banisirayila la Alla te ì tu la jee.

2 Taarika 6:14

A ko: “Hee Yaawe, Banisirayila la Alla, alla koteŋ maŋ soto ko ite, ñiŋ duniyaa kono waraŋ saŋo santo. Ite ka kambeŋo niŋ kanu bambaloo muta moolu ye le, mennu sonta i ma, ì ka taama i la siloo la ì sondomoo bee la.

2 Taarika 6:4

A tententa ko: “Tentoo be Yaawe ye Banisirayila la Alla, ate meŋ ye kuwo timmandi a semboo la, a ye meŋ laahidi m faamaa Dawuda ye. A ye ñiŋ ne fo ko,

2 Musa 24:10

aduŋ ì ye Banisirayilankoolu la Alla je le. A siŋo koto ka muluŋ ne ko dulaa, meŋ teruta niŋ safiiri beroo la, meŋ be seneyaariŋ ko saŋo baloo.

Kiitindirilaalu 13:11

Manowa wulita, a bulata a musu nooma. A naata kewo ñiŋ kaŋ, a ko a ye ko, “Ite le mu kewo ti baŋ, meŋ diyaamuta nuŋ ñiŋ musoo ye?” Kewo ñiŋ ko a ye ko, “Nte le mu.”

2 Taarika 6:16

“Yaawe, Banisirayila la Alla, i la laahidoo timmandi m faamaa Dawuda ye, i la dookuulaa, i ye meŋ dii a la nuŋ, kabiriŋ i ko a ye ko, ‘Niŋ a ye a tara i koomalankoolu ye ì hakiloo tu ì kekuwolu bee to ka taama n na siloo la, ko ite ye a ke ñaameŋ, wo to i te foo la moo la meŋ be sii la n ñaa koto Banisirayila mansasiiraŋo kaŋ.’

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.