2 Taarika 36:1 - Mandinka Bible

¹ Bankoo moolu ye Yehohasi taa, Yosiya diŋo, ì ye a ke mansa ti a faamaa noo to Yerusalaamu.

2 Taarika 36:1 ပူးပေါင်းရင်းမြစ်များ

Yeremiya 22:11

Yaawe ye ñiŋ ne fo Yehohasi la kuwo to, Yahuuda mansakewo, meŋ siita a faamaa Yosiya noo to, ì naata a bondi jaŋ ka a samba mutoo kono: “A te muru la naŋ kotenke.

2 Taarika 33:25

Bari bankoo moolu ye wo moolu faa le, mennu ye Mansa Amoni jamfaa, bituŋ ì naata a dinkewo Yosiya ke a noo to mansa ti.

2 Taarika 26:1

Wo le to Yahuuda moolu bee keta kaŋ kiliŋ ti, ì ye Usiya ke mansa ti a faamaa noo to, wo tumoo a siyo be sanji taŋ niŋ wooro.

1 Taarika 3:15

Yosiya dinkewolu, wolu le mu Yohanani ti, meŋ mu a diŋ foloo ti, Yehoyakimu fulanjaŋo, Sedekiya sabanjaŋo, Sallumu naaninjaŋo.

5 Musa 28:36

Yaawe si naa ali niŋ ali la mansa taa, ali faŋo ye meŋ tomboŋ ka ali mara, a ye ali niŋ a samba mutoo kono wandi bankoo kaŋ, ali niŋ ali mumuñolu nene maŋ daameŋ loŋ. Ali si alla koteŋolu batu jee, ì ye mennu dadaa yiroo niŋ beroo la.

2 Taarika 35:27

aniŋ a la kuwo bee biriŋ foloodulaa fo labandulaa to, a bee be safeeriŋ Banisirayila niŋ Yahuuda Mansoolu la Kitaaboo le kono.

2 Taarika 36:2

Yehohasi siyo be nuŋ sanji muwaŋ niŋ saba le, biriŋ a be ke la mansa ti, aduŋ a ye kari saba le ke maraloo la Yerusalaamu.

2 Mansoolu 24:1

Mansa Yehoyakimu la mansayaa waatoo kono, Babiloni mansa Nebukanesa dunta Yahuuda bankoo kaŋ, a ye jee muta. Bituŋ Yehoyakimu naata tara a la maroo to fo sanji saba. Bari a naata a hakiloo faliŋ, a balanta a ma.

Esekiyeli 19:3

A ye a diŋ kiliŋ karandi a keta jata kamaliriŋo ti, a jarinteeyaata, A ka daafeŋolu muta, ka ì faa, aniŋ a ka hadamadiŋolu domo.