2 Taarika 33:7 - Mandinka Bible

⁷ A ye jalaŋo lese, a ye a ke Alla Batudulaa Buŋo kono, Alla ko Dawuda niŋ a diŋo Sulemani ye dulaa meŋ na kuwo to ko, “Yerusalaamu jaŋ aniŋ ñiŋ Batudulaa Buŋo le mu dulaa ti, ŋa meŋ tomboŋ Banisirayila lasili taŋ niŋ fuloo la tundoo bee to ka ke dulaa ti n ñanta ka batu daameŋ.

2 Taarika 33:7 ပူးပေါင်းရင်းမြစ်များ

2 Taarika 33:4

A ye jalaŋ sadaabodulaalu loo Yaawe Batudulaa Buŋo* kono, buŋo meŋ na kuwo ye a tinna nuŋ Yaawe ye ñiŋ fo ko, a too be tara la Yerusalaamu le fo abadaa.

2 Taarika 7:16

Ŋa ñiŋ buŋo tomboŋ ne, aduŋ ŋa a seneyandi le, fo n too si tu jee fo abadaa, n ñaa niŋ n hakiloo be tara la looriŋ jee le waati-wo-waati.

Jabuuroolu 78:68

Bari a ye Yahuuda lasiloo le tomboŋ, Siyoni* Konkoo to, a ye meŋ kanu.

2 Taarika 33:15

A ye banku koteŋ moolu la jalaŋolu bondi, aniŋ a faŋo ye jalaŋo meŋ ke Alla Batudulaa Buŋo kono. A ye sadaabodulaalu bee bondi, a ye mennu loo nuŋ konkoo kaŋ Yaawe Batudulaa Buŋo be looriŋ daameŋ, aniŋ dulaa doolu to Yerusalaamu saatewo kono, a ye ì fayi saatewo banta.

2 Taarika 6:6

Bari saayiŋ, ŋa Yerusalaamu tomboŋ ne, n too ye tara jee, aduŋ ŋa Dawuda le tomboŋ ka n na moolu Banisirayilankoolu mara.’ ”

2 Mansoolu 23:6

A ye Asera jalaŋ dokoo bondi Yaawe Batudulaa Buŋo kono, a ye a samba Kidironi Wulumbaŋo kono, Yerusalaamu saatewo banta la. A ye a jani le ka a tuu jee, bituŋ a ye a seebuutoo taa, a ye a yuruyuru saatee kaburoo to.

1 Mansoolu 11:32

Bari n na dookuulaa Dawuda la kuwo kamma la aniŋ Yerusalaamu saatewo, ŋa meŋ tomboŋ m faŋo ye Banisirayila lasiloolu bee kono, lasili kiliŋ ne be tu la Sulemani bulu.

1 Mansoolu 11:13

Bari hani wo, n te mansayaa muumewo bee taa la a bulu, bari m be lasili kiliŋ dii la a la le n na dookuulaa Dawuda la kuwo kamma la, aniŋ Yerusalaamu la kuwo kamma la, ŋa saatewo meŋ tomboŋ m faŋo ye.”

1 Mansoolu 8:48

Ì si muru noo i kaŋ ì sondomoo niŋ ì niyo bee la, ì ye ì samba mutoo kono daameŋ. Niŋ ì duwaata, ì ye ì ñaa tiliŋ ì la bankoo la, i ye meŋ dii ì mumuñolu la, aniŋ saatewo la, i ye meŋ tomboŋ aniŋ ŋa buŋo meŋ loo i tooyaa la,

1 Mansoolu 8:44

“I la moolu si finti noo le ka taa ì jawoolu kele daa-wo-daa i la yaamaroo kaŋ. Niŋ ì duwaata ka ite Yaawe daani, ì ye ì ñaa tiliŋ saatewo la, i ye meŋ tomboŋ, aniŋ ñiŋ buŋo ŋa meŋ loo i tooyaa la,

1 Mansoolu 8:29

Ŋa ñiŋ ne duwaa fo i ñaa si tara looriŋ ñiŋ buŋo kaŋ suutoo niŋ tiloo, kaatu i ye ñiŋ ne fo ñiŋ dulaa la kuwo to ko, ‘N too be tara la jee le.’ Wo kamma la i si i la dookuulaa la duwaa moyi a be meŋ duwaa la ñiŋ dulaa ñaatiliŋo la.

1 Mansoolu 9:3

Yaawe ko a ye ko: Ŋa duwaa niŋ balafaa daaniroo moyi le, i ye meŋ ke n ñaatiliŋo la. Ŋa ñiŋ buŋo seneyandi le i ye meŋ loo, kaatu ŋa n too ke a kunna le fo abadaa. N ñaa niŋ n hakiloo be tara la looriŋ jee le waati-wo-waati.

Yeremiya 7:30

Yaawe ye ñiŋ ne fo ko: “Yahuuda moolu ye kuu jawoo le ke n ñaa koto. Ì ye ì la jalaŋ ñewundiŋolu le londi Batudulaa Buŋo kono, n too be meŋ kunna, ì ye a kosondi.

2 Musa 20:4

Ali kana jalaŋo dadaa ali faŋolu ye, meŋ mulunta feŋ-wo-feŋ na ñiŋ duniyaa kono, saŋo santo, ka taa fo baa kono.

Kiitindirilaalu 17:3

Kabiriŋ a ye ñiŋ kodiforo kuntu wuli kiliŋ keme kiliŋo seyindi a baamaa ma, a baamaa ko a ye ko, “N diŋo, m be ñiŋ kodiforoo dii la Yaawe la, fo neemoo si ke i ye. Moo doo si jalaŋo lese, a ye a baloo muu niŋ ñiŋ kodiforoo la. Saayiŋ ŋa kodiforoo murundi i kaŋ.”

1 Mansoolu 12:28

Mansa Yerobowamu naata ñininkaaroo ke ka yaamaroo ñini ñiŋ kuwo to. Bituŋ a ye sani ninsiriŋ fula dadaa. A ko moolu ye ko, “Ka taa fo Yerusalaamu ka taa baturoo ke jee, wo koleyaata le. Alitolu Banisirayilankoolu, ali la alloolu fele mennu ye ali bondi naŋ Misira kono.”

2 Taarika 6:5

‘Ka bo luŋo meŋ na, ŋa n na moolu Banisirayilankoolu fintindi naŋ Misira, m maŋ saatee tomboŋ Banisirayila lasili kiliŋ na tundoo kaŋ ka m Batudulaa Buŋo* loo, n too ye tara jee, m maŋ moo tomboŋ ka ke ñaatonka ti, n na moolu kunna, Banisirayilankoolu.