2 Taarika 33:12 - Mandinka Bible

¹² Kabiriŋ a be ñiŋ niitooroo kono, a ye Yaawe daani, a la Alla, a ye a fammajii kendeke a mumuñolu la Alla ñaatiliŋo la.

2 Taarika 33:12 ပူးပေါင်းရင်းမြစ်များ

Jabuuroolu 50:15

Ali n kumandi, niŋ mantooroo naata ali kaŋ, m be ali tankandi la le, aduŋ ali be n horoma la le.”

2 Taarika 32:26

Bituŋ Hesekiya naata a fammajii a la faŋ waroo la, ate mu wo, aniŋ mennu be Yerusalaamu. Alla la kamfaa naata bo ì kaŋ Hesekiya tiloo la.

2 Musa 10:3

Wo to le Musa niŋ Haaruna taata Firawoona yaa, ì ko a ye ko, “Yaawe Hiburunkoolu* la Alla ye ñiŋ ne fo ko: I be i fammajii la n ye waati jumaa le? N na moolu bula ì ye taa, fo ì si m batu.

Yankuba 4:10

Ali ali fammajii Maariyo ñaatiliŋo la, aduŋ a be ali sikandi la le.

Kiilaalu 9:11

Wo to le Maariyo ko a ye ko, “Wuli, i ye taa mbeedoo kaŋ, ì ka a fo daameŋ ye ko Mbeedi Tilindiŋo. I si ñininkaaroo ke kewo la Yudas la buŋo kono, meŋ too mu Sawulu ti. A bota Tarisus le. A be duwaa kaŋ.

Mika 6:9

Ka sila Yaawe la, wo le mu ñaameŋo ti. Yaawe ye kiliroo ke Yerusalaamu saatewo to ko: “Ali i lamoyi, ali si sila busoo la, aniŋ busoo maarii.

Hoseya 5:15

M be muru la n noo to le, fo janniŋ ì be ì la boyidaalu je la, ì ye n ñini. Ì la niikuyaa kono, ì be maakoyiroo ñini la m bulu le.”

2 Taarika 33:23

Ko a faamaa Manase labanta a fammajii la Yaawe ñaatiliŋo la ñaameŋ, ate maŋ wo ke, a tententa le ka junuboo ke laalaa.

2 Taarika 28:22

Bataa lookuta Mansa Ahasi la tumoo meŋ na, wo waatoo le mu, a foroyaabaliyaata Yaawe ma ka tambi foloo la.

2 Taarika 28:5

Bituŋ Yaawe, a la Alla ye a duŋ Aramu mansa bulu. Wo ye a kele, a ye a la moo jamaa samba mutoo kono Damasiku saatewo to. Yaawe ye a duŋ Banisirayila mansa Peka fanaa bulu le, a ye a la moo jamaa baa faa.

Jabuuroolu 118:5

Biriŋ m be deteriŋ, ŋa Yaawe kumandi le, a ye n jaabi, aduŋ a ye m firiŋ.

Jabuuroolu 120:1

Kabiriŋ m be mantooroo kono, n kumboota Yaawe* ye, aduŋ a ye n jaabi le ka m maakoyi. Ŋa ñiŋ ne duwaa ko,

Jabuuroolu 130:1

Hee Yaawe*, ka bo n na jaakali baa kono, ŋa i kumandi le.

Jabuuroolu 130:2

Maariyo, n na kumandiroo moyi, i lamoyi n na daaniroo la, i ye balafaa n ye.

Yeremiya 13:18

Yaawe ko ŋa a fo mansa niŋ mansa baamaa ye ko, “Ali sii fammajii siiraŋo kaŋ, kaatu ali la mansanaafa ñiimaalu jolonta le ka bo ali kuŋolu to.”

Yeremiya 36:7

A si ke, ì ye woosii Yaawe ye ka a daani, moo-wo-moo ye yelema ka bo a la sila kuruŋo kaŋ, ka daaniri ke Yaawe la balafaa la. Kaatu ko, Yaawe ye jusukandoo niŋ kamfaa meŋ ke ñiŋ moolu kamma, a warabaata le.”

Daniyeli 4:36

Wo waatoo le mu n sondomoo seyita a ñaama. N na mansayaa horomoo niŋ semboo muruta n kaŋ. N na mansakundaa yaamarilaalu niŋ ñaatonkoolu naata n kaŋ, aduŋ ì ye m murundi mansayaa to kotenke. Bituŋ n na darajoo naata lafaa kuu.

2 Taarika 12:7

Biriŋ Yaawe ye a je ko, ì ye i fammajii le, a la kumoo naata Semaya kaŋ ko, “Ì ye i fammajii le, n te ì kasaara la, a te mee la m be ì kiisa la, n na kamfaa te jii la Yerusalaamu kaŋ, ka bo niŋ Sisaki la.

2 Taarika 15:2

A taata Asa kaŋ, a ko a ye ko, “Mansa, i lamoyi n na, i niŋ Yahuuda bee aniŋ Benjamini lasiloo moolu. Yaawe be ali fee le, niŋ a ye a tara, ali be tenteŋ na ka i tuuku a la. Niŋ ali ye a ñini, ali be a je la le, bari niŋ ali ye ali koo dii a la, a fanaa be a koo dii la ali la le.

2 Taarika 15:4

Bari ì la bataa waatoolu la, ì ka muru Yaawe kaŋ ne, Banisirayila la Alla, ì ka a ñini, aduŋ ì ka a je.

2 Taarika 34:27

Bayiri biriŋ i ye kumakaŋolu moyi meŋ fota ñiŋ dulaa ma, aniŋ a moolu, a ye i sondomoo maa le, aduŋ i ye i fammajii nte Alla ñaa koto, i ye i la dendikoo faŋo fara niikuyaa kamma la, i kumboota. Wo kamma la ŋa n tuloo tu i la duwaa to le. Nte Yaawe le ye a fo.

Yunusa 2:2

A ko: “N na bataa kaŋ ŋa ite Yaawe kumandi le, aduŋ i ye n danku le. Ka bo kaburu dinkoolu to, ŋa i la maakoyiroo daani, aduŋ i ye n kalamuta le.