2 Taarika 32:7 - Mandinka Bible

⁷ “Ali fatiyaa, ali ye bambaŋ. Asiriya mansa niŋ a la ñiŋ kafu baa kana ali sila, sako ka ali jikilateyindi, kaatu meŋ be ntolu fee, wo le semboo warata ka tambi meŋ be ate fee.

2 Taarika 32:7 ပူးပေါင်းရင်းမြစ်များ

2 Mansoolu 18:30

Ali kana soŋ Hesekiya ye ali dundi ñiŋ to ka jiki Yaawe la, ka a fo ali ye, a koyita a ma le ko, Yaawe be ali tankandi la le, aduŋ a te ñiŋ saatewo duŋ na Asiriya mansa bulu.

2 Mansoolu 18:5

Hesekiya laata Yaawe, Banisirayila la Alla la le. Ate ñoŋo maŋ soto Yahuuda mansoolu kono, ka bo a siŋ be mennu kaŋ, aniŋ mennu siŋ be ate kaŋ.

2 Mansoolu 6:16

Elisa ko a ye ko, “Kana sila. Mennu be m̀ fee wolu le siyaata ka tambi mennu be ì fee.”

1 Taarika 22:13

Niŋ i ye yaamaroolu niŋ luwaalu bee muta, Yaawe ye mennu dii Banisirayilankoolu la, ka bo niŋ Musa la, i be kututeyi noo la le. I si fatiyaa, i ye bambaŋ, kana sila, kana jikilateyi.

1 Taarika 28:10

A loŋ ko, Yaawe ye ite le tomboŋ ka a la Batudulaa Buŋo* loo. Saayiŋ i si i paree, i ye wakiili ka a loo.”

1 Taarika 28:20

Bituŋ Dawuda ko a diŋo Sulemani ye ko, “Loo i ye bambaŋ, i ye wakiili ka ñiŋ dookuwo ke. Kana sila sako i si jikilateyi, kaatu Yaawe Alla, n na Alla, be i fee le. A nene te i bula la, a be tara la i fee le, fo i ye ñiŋ dookuwo bee baŋ, a la Batudulaa Buŋo to.

2 Taarika 15:7

Bari alitolu, ali bambaŋ, ali kana lamfu, kaatu ali be ali la dookuwo joo soto la le.”

2 Taarika 16:7

Wo waatoo le mu, Annabilayi Hanani naata Asa kaŋ, Yahuuda mansa, a ko a ye ko, “Bayiri i sembeta Aramu le la, i maŋ sembe Yaawe la, i la Alla, wo to Aramu mansa la kelediŋolu kanata i ma le.

2 Taarika 20:15

Bituŋ a ko, “Mansa Yehosafati, Yerusalaamunkoolu niŋ Yahuuda moo toomaalu, ali i lamoyi! Yaawe ye ñiŋ ne fo ali ye ko: ‘Ali kana sila ñiŋ kelediŋ kafu baa la meŋ ka naa teŋ, a kana ali jikilateyi, kaatu ñiŋ keloo maŋ ke ali taa ti, nte Yaawe le taa mu.

2 Taarika 20:17

A maŋ jari ali ye keloo ke ñiŋ kele wuloo to, ali loo ali loodulaa to, ali ye tenkuŋ, ali ye a juubee Yaawe be nooroo dii la ali la ñaameŋ. Alitolu Yerusalaamunkoolu niŋ Yahuuda moo toomaalu, ali kana sila, aduŋ ali kana jikilateyi. Ali finti ali ye ì benduŋ saama, Yaawe be tara la ali fee le.’ ”

Nehemiya 4:8

Bituŋ ì kafuta, ì ye feeroo siti ka naa Yerusalaamu boyinkaŋ, ka duŋñootoo saabu moolu kono.

Jabuuroolu 118:8

Ka tankoo ñini Yaawe bulu, wo le fisiyaata ka i jikoo loo hadamadiŋo kaŋ.

Yesaya 35:4

Mennu jikilateyita, a fo ì ye ko, “Ali fatiyaa, ali kana silaŋ, kaatu ali la Alla be naa le ka ali la makatoo bayi. A be naa julujoo le la, a be naa le ka ali kiisa.”

Yeremiya 42:11

Ali kana sila Babiloni mansakewo la, meŋ na kuwo be ali silariŋ. Ali kana sila a la, kaatu nte Yaawe be ali fee le, ka ali tanka, aniŋ ka ali kiisa a bulu.

Daniyeli 10:19

A ko n ye ko, “Ite mu Alla kanuntee baa le ti, wo to kana sila, i be tara la kayiroo le kono. I si bambaŋ, i ye wakiili.” Kabiriŋ a ye ñiŋ fo n ye, m bambanta, aduŋ n ko a ye ko, “M maarii, kumoo fo n ye i lafita ka meŋ fo n ye, kaatu i ye m bambandi le.”

Jakariya 4:6

Bituŋ malaayikoo ko n ye ko, “Yaawe* la kumoo fele Serubabeli ye, a ko: ‘A maŋ ke semboo ti, a maŋ ke waroo ti, n na Nooroo doroŋ ne si a ke noo.’ Yaawe Alihawaa Maariyo* le ye a fo.

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

Jakariya 8:9

Yaawe Alihawaa Maariyo ye ñiŋ ne fo ko: Ali ali tewolu siti kendeke, alitolu mennu be kumoolu moyi kaŋ teŋ, annabiyomoolu ye mennu fo nuŋ, biriŋ fondamaŋo be laa kaŋ, ka Yaawe Alihawaa Maariyo Batudulaa Buŋo* lookuu.

Roomankoolu 8:31

Saayiŋ, ǹ si muŋ ne fo ñiŋ kuwo to? Niŋ Alla be ntolu fee, jumaa le be balaŋ noo la ntolu ma?

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

5 Musa 20:1

Musa tententa ka a fo Banisirayilankoolu ye ko: Niŋ ali fintita ka taa ali jawoolu kele, ali ye keleraŋ sareetoolu* je aniŋ suwoolu, aniŋ kelediŋ kafoo meŋ siyaata ali taa ti, ali kana sila ì la. Kaatu Yaawe* ali la Alla meŋ ye ali bondi naŋ Misira bankoo kaŋ, a be tara la ali fee le.

5 Musa 31:23

Wo to le Yaawe ye Yosuwa, Nuni dinkewo yaamari, a ko a ye ko, “I si bambaŋ, i ye fatiyaa. Kaatu ite le be Banisirayilankoolu ñaatonkayaa la ka ì samba bankoo kaŋ, ŋa ì laahidi daameŋ na, aduŋ m be tara la i fee le.”

2 Timoti 2:1

Wo to ite n dinkewo, loo bambandinke hiinoo kaŋ, meŋ be Kiristu* Yeesu kono.

1 Yohana 4:4

N na dindiŋolu, alitolu mu Alla le taa ti. Wo kamma la, ali ye ì noo le, kaatu meŋ be ali kono, wo le warata ka tambi meŋ be duniyaa kono.