2 Taarika 32:25 - Mandinka Bible

²⁵ Bari Mansa Hesekiya maŋ Alla tentu a la ñiŋ ñiiñaa kaŋ, faŋ waroo ye a taa. Alla la kamfaa naata jii a kaŋ, a niŋ Yerusalaamu niŋ Yahuuda muumewo.

2 Taarika 32:25 ပူးပေါင်းရင်းမြစ်များ

2 Taarika 24:18

Ì ye ì koo dii Yaawe Batudulaa Buŋo la, ì mumuñolu la Alla, aduŋ ì ka Asera* jalaŋ dokoolu niŋ jalaŋ koteŋolu batu. Bituŋ Yaawe la kamfaa baa jiita naŋ Yerusalaamu niŋ Yahuuda bee kaŋ ì la ñiŋ junube kewo kaŋ.

2 Taarika 26:16

Biriŋ Mansa Usiya la mansayaa loota fo a bambanta, a ye i ñuŋ faŋ waroo la, fo a ye a faŋ kasaara. Luŋ kiliŋ faŋ a ye Yaawe sooki, a la Alla, a dunta a Batudulaa Buŋo* to ka cuuraayoo siisindi a ye, cuuraayi siisindidulaa to.

2 Taarika 32:31

Babiloni ñaatonkoolu ye kiilaalu kii Hesekiya kaŋ ka taa taamanseeroo la kuwo ñininkaa, Alla ye meŋ dii a la a la bankoo kaŋ. Alla ye Hesekiya bula a faŋo hakiloo ma ka a kotobo ka a loŋ, meŋ bee be a sondomoo kono.

2 Samuweli 24:1

Yaawe* kamfaata Banisirayilankoolu kamma kotenke, aduŋ a ye a ke Dawuda ye mantooroo samba ì kaŋ. Yaawe ko a ye ko, “Taa i ye taa Banisirayilankoolu niŋ Yahuuda moolu konti.”

2 Mansoolu 14:10

Tooñaa le mu, i ye Edomu bankoo noo keloo la le, aduŋ i kufanta. I si daŋ i yaa, i ye i la nooroo ŋaañaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

5 Musa 8:17

Wo to, ali ali hakiloo tu, ali kana ñiŋ miira ka a fo ko, “Ǹ na katoo niŋ m̀ birisoo le ye ñiŋ sotofeŋolu sii m̀ ma.”

1 Timoti 3:6

Kantarilaa maŋ ñaŋ na ke la Yeesu noomalanka kutoo ti, niŋ wo nte a si a faŋ wara noo le, a ye boyi halakoo kono ko Ibiliisa.

2 Korintinkoolu 12:7

waraŋ ka n na kuwo warandi n na ñiŋ lankenema baalu kamma la. Ka m bali faŋ waroo la, ŋaniŋo be m balajaatoo kono le, meŋ mu Seetaanoo* la kiilaa ti ka nte toora.

Habakuki 2:4

Kibaaroo fele: Faŋ wara moo maŋ tiliŋ, a be kasaara la le. Bari moo tilindiŋo be baluu la ka bo niŋ a la lannoo le la.

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Daniyeli 5:20

Bari kabiriŋ a ye a faŋ wara, a jusoo jaata, a kufanta, Alla ye a bondi a la mansasiiraŋo kaŋ ne, a ye a la horomoo buusi a la.

Esekiyeli 28:17

I naata i faŋ wara baake i la ñiiñaa kaŋ. I la ñaameŋo bee keta i ye kenseŋ ne ti i la sembe waroo kaŋ. Wo to le ŋa i fayi naŋ duuma. Ŋa i tu wo mansoolu ñaatiliŋo la, fo i si ke ì ye felefeŋo ti.

Esekiyeli 28:5

Ka bo niŋ i la ñaameŋ baa la, julayaa to, i ye i la fankoo lafaa le ka wara. I naata ke kibiri moo niŋ faŋ wara moo ti, i la fankoo kaŋ.”

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

2 Taarika 25:19

I ka ñiŋ ne fo ko, ‘A fele, ŋa Edomu bankoo noo keloo to le.’ Bituŋ i sondomoo kufanta. I si daŋ i yaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

2 Taarika 19:2

Bari annabiyomoo doo, Yehu, Hanani dinkewo taata a kaŋ, a ko a ye ko, “Fo i ñanta jawoo maakoyi la le baŋ, ka moolu kanu mennu ye Yaawe koŋ? Ñiŋ kuwo kamma la Yaawe la kamfaa jiita i kaŋ.

1 Taarika 21:1

Seetaanoo* wulita Banisirayila kamma, a ye Dawuda marisa ka Banisirayilankoolu yaatee.

2 Mansoolu 20:13

Hesekiya ye ì jiyaa. Bituŋ a ye a la naafulu maabodulaa muumewo yitandi kiilaalu ñinnu la: kodiforoo, sanoo, seerandi feŋolu, tulu foroo, a la kelejooraŋolu, aniŋ feŋo meŋ bee be a la maabori buŋolu kono. Feŋ te Hesekiya la mansasuwo kono, waraŋ a la bankoo bee kaŋ, a maŋ meŋ yitandi ì la.

5 Musa 32:6

Alitolu toolee hakilintaŋolu, fo ali ñanta Yaawe joo la teŋ ne baŋ? Fo ate le maŋ ke ali faamaa ti, ali Daamansoo? Fo ate le maŋ ali daa ka ali ke banku baa ti?

Yesaya 39:2

Hesekiya ye ì jiyaa. Bituŋ a ye a la naafulu maabodulaa muumewo yitandi kiilaalu ñinnu la: kodiforoo, sanoo, seerandi feŋolu, tulu foroo, a la kelejooraŋolu bee, aniŋ feŋo meŋ bee be a la maabori buŋolu kono. Feŋ te Hesekiya la mansasuwo kono, waraŋ a la bankoo bee kaŋ, a maŋ meŋ yitandi ì la.

Esekiyeli 31:10

Maarii Yaawe ye ñiŋ ne fo ko: “A buloolu jaŋayaata le fo a be naa futa la minaayoolu ma. Wo le ye a tinna a ka kibiri, aniŋ a ka a faŋ wara.

2 Mansoolu 20:12

Wo waatoo la Babiloni mansa Merodaki-Baladani, Baladani dinkewo, ye kiilaalu kii ka leetaroolu niŋ soorifeŋo samba naŋ Hesekiya ye. A ye a moyi le ko Hesekiya kuuranta le nuŋ.

Yesaya 39:1

Wo waatoo la, Babiloni mansa Merodaki-Baladani, Baladani dinkewo, ye kiilaalu kii, ka leetaroolu niŋ soorifeŋo samba naŋ Hesekiya ye. A ye a moyi le ko, Hesekiya kuuranta le nuŋ, a naata kendeyaa.

Daniyeli 11:12

Niŋ a ye ñiŋ kelediŋ kafu jamaa baa noo fokabaŋ, a be a faŋ wara la le, ñiŋ kamma la a ye kelediŋ wuliwuloolu mennu faa, bari a la nooroo te labaŋ na.