2 Taarika 32:21 - Mandinka Bible

²¹ Bituŋ Yaawe ye a la malaayikoo kii naŋ, a ye kelejawara baalu, kelediŋ kuntiyolu aniŋ kelediŋolu bee faa Asiriya mansa la daakaa to. Bituŋ a niŋ maloo muruta a la bankoo kaŋ. Biriŋ a taata a la jalambuŋo to, a faŋo diŋ doolu ye a faa hawusaroo* la.

2 Taarika 32:21 ပူးပေါင်းရင်းမြစ်များ

Jabuuroolu 76:5

Ì ye i jawu kelediŋ fatiŋolu bulu kenseŋo londi le. Saayiŋ ì be laariŋ siinoo kunimbaloo le kono. Wo kelejawaroolu kiliŋ te a buloo wulindi noo la.

Kiilaalu 12:23

Wo loo niŋ baroo teema Maariyo la malaayikoo ye a busa, kaatu a maŋ horomoo dii Alla la. Tumboolu naata a domo, fo a faata.

Daniyeli 6:22

N na Alla ye a la malaayikoo le kii naŋ, a ye jatoolu daa muta, aduŋ ì maŋ kuu ke n na, kaatu a ye a loŋ ne ko, m maŋ sootaari soto a la karoo la. Aduŋ m maŋ kuu kuruŋ ke ite Mansa fanaa la.”

Yesaya 42:8

“Nte le mu Yaawe ti, wo le mu n too ti. N niŋ doo koteŋ te deŋ na n na kallankeeyaa* la, waraŋ ka n na buuñaa dii jalaŋolu la.

Yesaya 37:21

Bituŋ Amosi dinkewo Yesaya ye kumoo kii Hesekiya kaŋ ko, “Yaawe Banisirayila la Alla ye ñiŋ ne fo ko, bayiri i duwaata Asiriya mansa Sennakeribu la kuwo la le,

Yesaya 36:9

Wo to ate si balaŋ noo hani kelediŋ kiliŋ ma baŋ, meŋ na kuwo dooyaata m maarii la kelediŋ kuntiyolu bee ti, niŋ a ye a tara a be jikiriŋ Misira bankoo le la, ka keleraŋ sareetoolu* niŋ suuborindilaalu soto?

Yesaya 10:8

A ko, fo a la ñaatonkoolu bee maŋ ke mansoolu le ti baŋ?

Kuma Kotoomaalu 16:18

Faŋ waroo ka moo samba kasaaroo le kaŋ, aduŋ faŋ wara moo la kuwolu buka labaŋ kuu.

Kuma Kotoomaalu 11:2

Niŋ i ye i faŋ wara, maloo ka naa le, bari fammajiyo, ñaameŋo ka soto wo le kono.

Jabuuroolu 132:18

A jawoolu wo, m be maloo dendikamaa le tu la dundiŋ ì la. Bari ate la mansanaafoo be tu la malamala la a kuŋo to le.”

Jabuuroolu 76:12

Ate le ka maralilaalu la faŋ waroo daŋ, a ka duniyaa mansoolu kijabo.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Jabuuroolu 18:50

I ye kañee baa le dii i la mansa la. I ye kanu bambaloo le yitandi i la tomboŋ moo la. I ye a ke Dawuda niŋ a koomalankoolu le ye fo abadaa.

Yuuba 9:4

Alla le mu sembetiyo ti, aniŋ ñaameŋo. Jumaa le nene ka balaŋ a ma, a ye a maarii wati?

2 Mansoolu 19:20

Bituŋ Amosi dinkewo Yesaya ye kumoo kii Hesekiya kaŋ ko, “Yaawe, Banisirayila la Alla ye ñiŋ ne fo ko, a ye i la duwaa moyi Asiriya mansa Sennakeribu la kuwo to le.

2 Samuweli 24:16

Kabiriŋ malaayikoo ye a buloo saba, ka Yerusalaamu kasaara, Yaawe balafaata jankari jawoo kuwo kamma la, aduŋ a ko malaayikoo ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

Daniyeli 3:28

Bituŋ Mansa kumata ko, “Jayiroo be Sadiraki, Mesaki, aniŋ Abedineko la Alla ye, meŋ ye a la malaayikoo kii ka a la dookuulaalu tankandi, mennu laata a la, aduŋ ì ka a batu. Ì ye nte Mansa la kaŋo soosoo le, aduŋ ì ye ì niyolu laa le. Wo le fisiyaata ì ye ñiŋ ti, ka batufeŋ koteŋ batu, meŋ maŋ ke ì la Alla ti.

2 Taarika 32:20

Ñiŋ ye a tinna le Mansa Hesekiya niŋ Annabilayi Yesaya, Amosi diŋo duwaata, ì kumboota Alla ye.

2 Taarika 32:22

Yaawe ye Hesekiya niŋ mennu bee be Yerusalaamu tanka Asiriya mansa Sennakeribu ma teŋ ne, ì niŋ ì jawu koteŋolu bee. A ye dahaa dii ì la karoo bee le la.

Jabuuroolu 44:15

N ka tara dooyaa le kono. N na malu kuwo ka tara n ñaatiliŋo la luŋ-wo-luŋ,

Jabuuroolu 76:6

Kooni, biriŋ ite Yaakuba la Alla kumata ì ma, wo suuborindilaalu niŋ ì la suwoolu ye i laa le, ì sumaayaata dok.

Yesaya 14:25

M be Asiriya kelediŋ kafoo kasaara la n na bankoo kaŋ ne, ŋa ì doriŋ-doriŋ n na konkoolu kaŋ. Ì la yookoo* be bo la n na moolu toŋo to le, ì ye dunoo meŋ laa ì sañoolu kaŋ, fanaa ye bo.

Yeremiya 21:2

“Dukaree, Yaawe ñininkaa ǹ ye, kaatu Babiloni mansakewo Nebukanesa be pareeriŋ ne ka m̀ boyinkaŋ keloo la. Tumandoo Yaawe be kaawakuwo ke la ǹ ye le ko, a ye a ñoŋ jamaa ke ñaameŋ koomanto. Niŋ wo keta, a be muru la a koo la le ka fata m̀ ma.”