2 Taarika 32:19 - Mandinka Bible

¹⁹ Ì ka Yerusalaamu la Alla la kuwo fo le, ko ì ka banku koteŋolu la alloolu la kuwo fo ñaameŋ, moolu ye mennu dadaa ì buloo la.

2 Taarika 32:19 ပူးပေါင်းရင်းမြစ်များ

Yesaya 2:8

Ì la bankoo be faariŋ jalaŋ fuuriŋolu le la, ì ka sujudi ì la dookuu feŋolu le ye, ì faŋo buloolu ye mennu dadaa.

2 Mansoolu 19:18

Ì ye ì la jalaŋolu jani dimbaa kono le ka ì kasaara. Kaatu wo jalaŋolu mu yiroolu niŋ beroolu doroŋ ne ti, ì maŋ ke Alla ti. Moolu le ye ì dadaa ì buloolu la.

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Yeremiya 32:30

Banisirayilankoolu, ì niŋ Yahuuda moolu maŋ feŋ-wo-feŋ ke n ñaa koto niŋ a maŋ ke kuu jawoo doroŋ ti, kabiriŋ ì dindiŋ. Ì maŋ feŋ-wo-feŋ ke niŋ a maŋ ke ka n kamfandi niŋ ì kekuwolu la. Nte Yaawe le ye a fo.

Yeremiya 10:9

Ì ka kodiforo tunkandiŋo le bondi naŋ Tarisi, ì ye sanoo bondi naŋ Ufasi. Bulukalaŋ dookuulaa le ye ì dookuu, sani tunkannaa la bululadookuwo. Ì ka duŋ feŋolu le duŋ ì la, bayi daa jawu kuloori ñiimaalu, wolu bee mu dookuunoolaalu la bululadookuwo le ti.

Yeremiya 10:3

Ì la aada kuwolu mu kuu fuuriŋolu le ti. Ì ka yiroo le kuntu naŋ sutoo kono, yiri leselaa ye jalaŋo dadaa a la.

Yeremiya 1:16

M be n na kiitiyo taamandi la n na moolu kaŋ ne, ì la kuu jawoo to ì ye meŋ ke ka ì koo dii n na. Ì ka cuuraayoo siisindi alla koteŋolu ye le. Ì faŋolu buloolu ye mennu dadaa, ì ka wolu le batu.

Yesaya 37:19

Ì ye ì la jalaŋolu jani dimbaa kono le ka ì kasaara. Kaatu wo jalaŋolu mu yiroolu niŋ beroolu doroŋ ne ti, ì maŋ ke Alla ti. Moolu le ye ì dadaa ì buloolu la.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Jabuuroolu 78:68

Bari a ye Yahuuda lasiloo le tomboŋ, Siyoni* Konkoo to, a ye meŋ kanu.

2 Taarika 6:6

Bari saayiŋ, ŋa Yerusalaamu tomboŋ ne, n too ye tara jee, aduŋ ŋa Dawuda le tomboŋ ka n na moolu Banisirayilankoolu mara.’ ”

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.

5 Musa 27:15

Dankoo be moo ye meŋ ye jalaŋo dadaa, waraŋ feŋ muluŋo, moo buloo ye meŋ dadaa, ka a batu kulloo kono. Kuu haraamuriŋo le mu Yaawe ñaatiliŋo la. Bituŋ moolu bee si a fo ko: Amiin.

5 Musa 4:28

Jee to, ali be jalaŋolu batu la le, hadamadiŋo buloo ye mennu dadaa yiroo niŋ beroo la. Ì buka moyiroo ke waraŋ ka jeroo ke, ì buka feŋ domo noo waraŋ ka feŋ seeroo taa.

2 Taarika 32:20

Ñiŋ ye a tinna le Mansa Hesekiya niŋ Annabilayi Yesaya, Amosi diŋo duwaata, ì kumboota Alla ye.

1 Mansoolu 20:28

Wo to le annabiyomoo naata, a ko Banisirayila mansa ye ko, “Yaawe ye ñiŋ ne fo ko, baawo Aramunkoolu ye a miira le ko ate mu konko kaŋ jalaŋo le ti, aduŋ a maŋ ke kene fanuŋ jalaŋo ti, wo to a be ì la kelediŋ kafu baa duŋ na ali bulu le, aduŋ ali be a loŋ na le ko ate le mu Yaawe ti.”

Jabuuroolu 74:18

Hee Yaawe*, i miira i jawoolu ka ñaawaliroo meŋ ke i la, wo toolewolu ka nendiroo meŋ ke i la.

Esekiyeli 25:8

Yaawe, m̀ Maariyo ye ñiŋ ne fo ko: “Bayiri Mowabinkoolu ka ñiŋ ne fo ko, ‘Yahuuda moolu keta le ko banku koteŋo moolu be ñaameŋ,’

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”