2 Taarika 32:13 - Mandinka Bible

¹³ “Fo alitolu maŋ a loŋ, nte niŋ m mumuñolu ye meŋ laa banku koteŋolu moolu kaŋ baŋ? Fo wo bankoolu la alloolu ye ì tanka noo nte bulu le baŋ?

2 Taarika 32:13 ပူးပေါင်းရင်းမြစ်များ

1 Korintinkoolu 8:4

Domoroo la kuwo to, meŋ diita jalaŋolu la, ŋà a loŋ ne ko, jalaŋo maŋ ke feŋ ti duniyaa kono, aduŋ Alla koteŋ te keriŋ fo kiliŋ.

Kiilaalu 19:26

Ali ye a je le, aduŋ ali ye a moyi le fanaa, ñiŋ Pawulu ka meŋ ke. A ka moolu sondi, aduŋ a ye ì jamaa yelemandi niŋ kumoo le la ko, ‘Alla te keriŋ, meŋ dadaata niŋ buloo la.’ A la ñiŋ dookuwo maŋ daŋ Efesus dammaa to, bari a ye a ke ñiŋ Asiya tundoo bee le kaŋ.

Daniyeli 5:19

A ye semboo dii a la le, fo banku-wo-banku, sii-wo-sii, aniŋ moolu bee silata a la, aduŋ a la kuwo silaŋo ka ì jarajarandi le. Niŋ a lafita moo meŋ faa la, a si a faa. Niŋ a lafita moo meŋ tu la baluwo to, a si a tu jee. Niŋ a lafita moo meŋ sikandi la, a si a sikandi, aduŋ niŋ a lafita moo meŋ jindi la, a si a jindi.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Yesaya 10:14

M buloo siita bankoolu la naafuloolu ma, ko moo si futa noo kunu ñaŋo ma ñaameŋ. Ŋa bankoolu bee kafuŋ-kafuŋ ne, ko moo ka kiloolu kafuŋ-kafuŋ ñoo kaŋ ñaameŋ, kunoo ye mennu tu jee. Hani kiliŋ ne maŋ a dampaŋo jiijaa waraŋ ka a daakaloo yele ka kuma.”

2 Taarika 32:19

Ì ka Yerusalaamu la Alla la kuwo fo le, ko ì ka banku koteŋolu la alloolu la kuwo fo ñaameŋ, moolu ye mennu dadaa ì buloo la.

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Taarika 32:14

M mumuñolu ye bankoolu mennu kasaara, wo bankoolu la alloolu kono, jumaa le kiliŋ nene ye a la bankoo moolu tanka noo Asiriya bulu, ite la Alla wo si ite tanka noo nte bulu baŋ?