2 Taarika 31:5 - Mandinka Bible

⁵ Jee niŋ jee, ko yaamaroo janjanta ñaameŋ, Banisirayila moolu bee ye a dati ka diiroo ke famfaŋ, ka bo naŋ ì la siimaŋ kuŋ foloo la, wayini* kutoo, olifu* tuloo, liyo, aniŋ siimaŋ toomaalu, ì ye mennu kati kunkoolu to, aduŋ ì ye feŋolu bee siidulaa tanjaŋo fanaalu samba naŋ ne.

2 Taarika 31:5 ပူးပေါင်းရင်းမြစ်များ

Nehemiya 13:12

Wo le to Yahuudoolu bee ye ì la siimaŋ jakoolu samba naŋ maabori buŋolu kono, ka taa wayini kutoo, aniŋ olifu tuloo.

Kuma Kotoomaalu 3:9

I si Yaawe buuñaa i la sotofeŋolu to, ka taa i la fiifeŋ kuŋ foloolu bee to,

Nehemiya 13:31

Ŋa a kata le fanaa ka a je ko, loo si kari naa sadaajanidulaa* to a waatoo la, aniŋ fanaa katiri kuŋ foloolu si naati. N na Alla, i hakiloo si bula n na, i ye neema m ma.

Nehemiya 12:44

Wo waatoo le mu kewolu tombonta ka mara maabori buŋolu ma, diiri feŋolu kedulaa, katiri kuŋ foloolu, aniŋ jakoolu. Ka bo kunkoolu to mennu be saatewolu dandaŋolu la, itolu le ñanta ka piriisoolu niŋ Lewi lasiloo niyo samba naŋ maabori buŋolu kono, ko Luwaa ye a yaamari ñaameŋ. Kaatu Yahuuda bee le seewoota piriisoolu niŋ Lewi lasiloo la dookuwo la.

2 Musa 35:5

ali si sadaa* bo a ye ali la sotofeŋolu to. Moo-wo-moo ye a ŋaniyoo soto, ñanta ñiŋ feŋolu le naati la: Sanoo, kodiforoo, aniŋ jaawaloo,

Lankenemoo 14:4

Wolu le mu moolu ti, mennu maŋ ì faŋolu kosondi niŋ musoolu la, bari ì tuta foroyaariŋ. Ì ka Saajiiriŋo nooma le, a taata daa-wo-daa. Ì kumakaata le ka bo hadamadiŋolu kono Alla niŋ Saajiiriŋo ye, ì keta ko siimaŋ kuŋ foloolu katiri waatoo la.

Yankuba 1:18

A faŋo la lafoo le kaŋ, a ye ǹ wuluu ñiŋ baluu kutoo to, ka bo niŋ tooñaa kumoo la. A ye ǹ tomboŋ ka ke foloo ti a la daaroo bee kono.

1 Korintinkoolu 15:20

Bari tooñaa, Kiristu wulindita le ka bo saayaa kono. Ate le keta foloo ti moolu kono, saayaa ye mennu muta, wo ye a yitandi le ko, wolu fanaa be wuli la saayaa kono le.

4 Musa 18:12

Ì ka olifu* tulu kendoolu niŋ wayini* kutoo, niŋ siimaŋ feŋ kendoolu mennu dii nte Yaawe la ka bo ì la siimaŋ kuŋ foloolu to, ŋa ì bee le dii i la.

2 Musa 34:26

“Ali si ali la fiifeŋ kuŋ foloolu mennu beteyaata, samba nte Yaawe ye ali la Alla batudulaa to. “Ali kana baariŋo tabi niŋ a baa nonoo la.”

2 Musa 34:22

“Ali si katiri waatoo juura, Lookuŋolu Juuraloo. Wo si ke, niŋ ali ye a dati ka ali la wiiti* siimaŋ foloolu kati. Ali si waatoo fanaa juura, niŋ ali ka fiifeŋolu kafu ñoo ma sanjaanoo kono, katiroo bandulaa.

2 Musa 23:19

Ali ali la fiifeŋ kuŋ foloolu samba Yaawe ali la Alla batudulaa to. Ali kana baariŋo tabi niŋ a baa nonoo la.

2 Musa 22:29

Ali si ali la sadaalu bo n ye, ka bo ali la katirifeŋolu to, niŋ ì la waatoo siita. Ali si ali dinkee foloolu dii n na.

Roomankoolu 8:23

Aduŋ a maŋ ke daaroo doroŋ ti, bari ntolu faŋolu fanaa, mennu naata Nooroo soto Alla la soorifeŋ foloo ti, ǹ ka ŋuntaŋ ǹ sondomoo kono le, kaatu m̀ be waatoo batu kaŋ ne, ka ke Alla diŋolu ti, aniŋ ka balajaata kutoo soto.

3 Musa 27:30

Bankoo siimaŋo niŋ a yiridiŋolu jakoo bee mu nte Yaawe le taa ti. A mu feŋ senuŋo le ti n na karoo la.

4 Musa 18:8

Yaawe tententa ka a fo Haaruna ye ko: Nte faŋo le ye i taa ka i marandi sadaalu* bee ma mennu kerekereta n ye, ka bo Banisirayilankoolu bulu. Ŋa ì dii i la le i niŋ i dinkewolu, ka ke ali niyo ti burayi.

4 Musa 18:13

Bankoo fiifeŋ kuŋ foloolu ì ka mennu bee samba naŋ nte Yaawe ye, be ke la i taa le ti. Moo-wo-moo be i la dimbaayaa kono, niŋ a seneyaata, a si ì domo noo le.