2 Taarika 28:16 - Mandinka Bible

^16-17 Wo waatoo la, Edomunkoolu boyita Yahuuda kaŋ kotenke, ì ye jee taa, ì ye mutamoolu samba, bituŋ Mansa Ahasi ye kiilaalu kii Asiriya mansa yaa maakoyiroo kamma.

2 Taarika 28:16 ပူးပေါင်းရင်းမြစ်များ

Yesaya 7:17

Yaawe be mantoora kuu baa le naati la i niŋ i la moolu kaŋ, aniŋ i faamaa koomalankoolu. Ñiŋ mantooroo le be jawuyaa la ka tambi mantooroolu bee la, kabiriŋ Efurayimu bota Yahuuda la karoo la, aduŋ Asiriya mansa le be ñiŋ mantooroo saabu la.

Yeremiya 2:36

Muŋ ne ye a tinna, i ye i faŋ kuŋo feeyandi yaayoo la taariŋ? Misira bankoo be bo la i koto le, ko Asiriya bankoo bota i koto ñaameŋ.

Esekiyeli 16:28

“I niŋ Asiriyankoolu fanaa ka cakayaa ke le, kaatu a buka i sii, bari hani wo bee koolaa i maŋ wasa.

Yesaya 10:20

Wo luŋo la, moo toomaalu mennu be Banisirayila, Yaakuba koomalankoolu mennu tuta baluuriŋ, te jiki la Asiriya la kotenke, ate meŋ ye ì noo keloo kono, bari ì be ì jikoo sembe la Yaawe doroŋ ne la, Banisirayila la Senuŋ Baa.

Yeremiya 2:18

Silaŋ, i be muŋ nafaa le soto la ka taa Misira, ka i miŋ Nayili Boloŋo jiyo la? I be muŋ nafaa le soto la ka taa Asiriya, ka i miŋ Yufurati Boloŋo jiyo la?

Hoseya 5:13

“Kabiriŋ Efurayimu ye a je, a saasaata ñaameŋ, Yahuuda ye a je, maadiŋo meŋ be a la, Efurayimu taata Asiriya, a ye kiilaa kii mansakee baa kaŋ. Bari wo maŋ a la maadiŋo jaara noo, sako ka a kendeyandi.