2 Taarika 26:23 - Mandinka Bible

²³ Bituŋ a beleta ka kafu a mumuñolu ma, ì ye a baadee a mumuñolu daala, mansoolu la kaburu kenoo to. A niŋ mansoolu maŋ deŋ kaburoo la, kaatu ì ko balajawutoo le mu, a maŋ seneyaa. A dinkewo Yotamu keta a noo to mansa ti.

2 Taarika 26:23 ပူးပေါင်းရင်းမြစ်များ

2 Taarika 28:27

Ahasi naata bele ka kafu a mumuñolu ma, ì ye a baadee Yerusalaamu, bari ì maŋ a samba Banisirayila mansoolu la kaburoo to. Bituŋ a dinkewo Hesekiya keta a noo to mansa ti.

2 Taarika 21:20

A ye maraloo dati biriŋ a be sanji taŋ saba niŋ fula le, a ye sanji seyi ke maraloo la Yerusalaamu. A beleta, moo maŋ a la saayaa woosii. Ì ye a baadee Dawuda la Saatewo le to, bari a maŋ ke mansoolu la kaburoo to ti.

Yesaya 6:1

Saŋo meŋ na Mansa Usiya banta, ŋa Maariyo je siiriŋ mansasiiraŋo kaŋ ne, a be sikandiriŋ santo-santo, a be kallankeeyaariŋ*. A la waramboo tuloo ye a Batudulaa kono faa le.

2 Taarika 33:20

Manase naata bele ka kafu a mumuñolu ma, ì ye a baadee a la mansasuwo to. A diŋo Amoni keta mansa ti a noo to.

2 Taarika 26:18

Ì ko a ye ko, “Ñiŋ maŋ ke siloo ti. Ite maŋ ñaŋ ka cuuraayoo siisindi Yaawe ye. Piriisoolu dammaa le taa mu wo ti, Haaruna koomalankoolu, ì ye mennu tomboŋ ka a ke. Bo ñiŋ dulaa senuŋo to! I ye junuboo le ke, a te ke la i ye horoma ti Yaawe Alla ñaa koto.”

2 Taarika 27:1

Yotamu siyo be nuŋ sanji muwaŋ niŋ luulu le, biriŋ a be ke la mansa ti. A ye sanji taŋ niŋ wooro le ke maraloo la Yerusalaamu. A baamaa too mu Yerusa le ti, Sadoki dimmusoo.