2 Taarika 26:16 - Mandinka Bible

¹⁶ Biriŋ Mansa Usiya la mansayaa loota fo a bambanta, a ye i ñuŋ faŋ waroo la, fo a ye a faŋ kasaara. Luŋ kiliŋ faŋ a ye Yaawe sooki, a la Alla, a dunta a Batudulaa Buŋo* to ka cuuraayoo siisindi a ye, cuuraayi siisindidulaa to.

2 Taarika 26:16 ပူးပေါင်းရင်းမြစ်များ

1 Mansoolu 12:33

Kari seyinjaŋo tili taŋ niŋ luulunjaŋo luŋo la, a faŋo ye karoo meŋ tomboŋ, a ye sadaalu bondi sadaabodulaa kaŋ, a ye meŋ loo Beteli. Bituŋ a ye juuraloo londi Banisirayilankoolu ye, a taata sadaabodulaa to ka sadaalu bondi.

1 Mansoolu 13:1

Alla la annabiyomoo doo le niŋ Yaawe* la kumoo naata ka bo naŋ Yahuuda ka naa Beteli, wo tumoo Yerobowamu be looriŋ sadaabodulaa* daala ka naa sadaa bo.

2 Mansoolu 14:10

Tooñaa le mu, i ye Edomu bankoo noo keloo la le, aduŋ i kufanta. I si daŋ i yaa, i ye i la nooroo ŋaañaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

2 Mansoolu 15:5

Yaawe ye Usiya yankankati balajawu kuuraŋo la le, fo ka taa luŋo meŋ na a faata, aduŋ a tarata sabatiriŋ a faŋ ye buŋo le kono. A dinkewo Yotamu le tarata marariŋ mansasuwo ma, aniŋ bankoo moolu.

2 Taarika 12:1

Kabiriŋ Rehobowamu siita, a la mansayaa bambanta doroŋ, a ye a koo dii Yaawe la yaamaroolu la. Yahuuda bee bulata a nooma.

2 Taarika 25:19

I ka ñiŋ ne fo ko, ‘A fele, ŋa Edomu bankoo noo keloo to le.’ Bituŋ i sondomoo kufanta. I si daŋ i yaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

2 Taarika 26:15

A la bulukalaŋ dookuulaalu ye jooraŋ siifaa kutoolu dadaa, mennu si kalabeñoolu fayi noo aniŋ bere baalu. Ì ye ì ke Yerusalaamu tata jaŋolu santo, aniŋ tonkoŋolu to. A darajoo janjanta dulaa bee to, kaatu Alla ye a maakoyi le kendeke fo a bambanta.

2 Taarika 27:2

Yotamu baarata kuu betoo le la Yaawe ñaa koto. A bulata a faamaa Usiya sinnoo le nooma fo kuu kiliŋ, ate nene maŋ duŋ Yaawe Batudulaa Buŋo* kono ka cuuraayi sadaa* siisindi jee. Bari jamaa moolu, wolu tententa le ka bula kuu kuruŋ kewo nooma.

2 Taarika 32:25

Bari Mansa Hesekiya maŋ Alla tentu a la ñiŋ ñiiñaa kaŋ, faŋ waroo ye a taa. Alla la kamfaa naata jii a kaŋ, a niŋ Yerusalaamu niŋ Yahuuda muumewo.

Kuma Kotoomaalu 16:18

Faŋ waroo ka moo samba kasaaroo le kaŋ, aduŋ faŋ wara moo la kuwolu buka labaŋ kuu.

Daniyeli 11:12

Niŋ a ye ñiŋ kelediŋ kafu jamaa baa noo fokabaŋ, a be a faŋ wara la le, ñiŋ kamma la a ye kelediŋ wuliwuloolu mennu faa, bari a la nooroo te labaŋ na.

Daniyeli 8:8

Bituŋ baakotoŋo ñiŋ jambandita. Bari kabiriŋ a futata a la sembe waroo daŋo to, a bina baa ñiŋ katita. Wo le to bina faramansariŋ naani fintita naŋ, ì be tilindiŋ karoo bee la.

Habakuki 2:4

Kibaaroo fele: Faŋ wara moo maŋ tiliŋ, a be kasaara la le. Bari moo tilindiŋo be baluu la ka bo niŋ a la lannoo le la.

4 Musa 16:1

Kora mu Lewi lasiloo moo le ti, Isari dinkewo, Kohati koomalankoo, meŋ ye a faŋ wara ka balaŋ Musa ma. A niŋ Rubeni lasiloo moolu le kafuta ñoo ma, mennu mu Eliyabu dinkewolu Datani niŋ Abiramu ti, aniŋ Oni, Peleti dinkewo. Ì ye Banisirayilanka koteŋolu, moo keme fula moo taŋ luulu le kafundi ì ma, mennu mu jamaa la ñaatonkoolu ti, tomboŋ moolu, aniŋ moo too boriŋ baalu.

4 Musa 16:18

Bituŋ moo-wo-moo ye a la cuuraayi siisindiraŋo muta, a ye dimbaa ke a kono, aniŋ cuuraayoo, ì niŋ Musa niŋ Haaruna loota Bendulaa Tiriliisoo dundaŋ daa to.

4 Musa 16:35

Bituŋ Yaawe ye dimbaa jindi naŋ, a ye ñiŋ kee keme fula niŋ taŋ luuloo bee domo, mennu tarata cuuraayoolu siisindi kaŋ sadaa ti.

4 Musa 16:7

saama, ali ye dimbaa ke ì kono, ali ye cuuraayoolu ke ì kaŋ Yaawe ñaatiliŋo la. Yaawe be moo meŋ tomboŋ na, wo le mu moo senuŋo ti. Alitolu Lewi lasiloo moolu, ali ye landatamboo le ke!”

4 Musa 17:5

Ŋa meŋ tomboŋ, wo maarii la dokoo be jamboolu soroŋ na le, aduŋ m be Banisirayilankoolu la ñiŋ waati-wo-waati woosiyo ali ma bee daŋ na le.”

5 Musa 8:14

Niŋ ali ye ñinnu bee soto, ali kana ali faŋ wara ka ñina Yaawe la ali la Alla, meŋ ye ali bondi naŋ joŋyaa kono Misira bankoo kaŋ.

5 Musa 8:17

Wo to, ali ali hakiloo tu, ali kana ñiŋ miira ka a fo ko, “Ǹ na katoo niŋ m̀ birisoo le ye ñiŋ sotofeŋolu sii m̀ ma.”

Kolosankoolu 2:18

Ali kana soŋ, moo-wo-moo ye ali daa bondi kañeerifeŋo ñoosaboo to. Wo moo siifaalu ka fantoorandoo le kummaayandi, a niŋ malaayika batoo, aduŋ ì ka kibiri ì la jeroolu la le. Ì la faŋ waroo tambita le, bari a maŋ daliila soto, kaatu a bee be dendiŋ ì la hadamadiŋyaa miiroolu le la.