2 Taarika 25:19 - Mandinka Bible

¹⁹ I ka ñiŋ ne fo ko, ‘A fele, ŋa Edomu bankoo noo keloo to le.’ Bituŋ i sondomoo kufanta. I si daŋ i yaa. Muŋ ne be i duŋ na kooroo ñiniŋo to ka i faŋ kasaara, i niŋ Yahuuda bankoo bee?”

2 Taarika 25:19 ပူးပေါင်းရင်းမြစ်များ

2 Taarika 26:16

Biriŋ Mansa Usiya la mansayaa loota fo a bambanta, a ye i ñuŋ faŋ waroo la, fo a ye a faŋ kasaara. Luŋ kiliŋ faŋ a ye Yaawe sooki, a la Alla, a dunta a Batudulaa Buŋo* to ka cuuraayoo siisindi a ye, cuuraayi siisindidulaa to.

2 Taarika 32:25

Bari Mansa Hesekiya maŋ Alla tentu a la ñiŋ ñiiñaa kaŋ, faŋ waroo ye a taa. Alla la kamfaa naata jii a kaŋ, a niŋ Yerusalaamu niŋ Yahuuda muumewo.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”

Yankuba 4:6

Bari Alla ye hiinoo meŋ dii, wo ka tu kafu la le doroŋ. Wo kamma la, a be safeeriŋ ne ko: “Alla ka balaŋ faŋ wara moolu ma le, bari a ka hiina moolu la le, mennu ye i fammajii.”

1 Korintinkoolu 1:29

Wo to moo-wo-moo le te kibiri noo la a ñaatiliŋo la.

Luka 14:31

“Waraŋ niŋ mansakewo niŋ kee wuli taŋ be taa ka mansakee doo kelendi, meŋ niŋ kee wuli muwaŋ mu, fo a te sii la foloo ka i miira, fo a bambanta le ka a waliŋ?

Habakuki 2:4

Kibaaroo fele: Faŋ wara moo maŋ tiliŋ, a be kasaara la le. Bari moo tilindiŋo be baluu la ka bo niŋ a la lannoo le la.

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Kuma Kotoomaalu 28:25

Moo meŋ hadumeta, ka sonkoo le jambandi, bari moo meŋ laata Yaawe la, be taa ñaato le.

Kuma Kotoomaalu 26:17

Ko moo meŋ ye wuloo muta a tuloo to ka a saba, tambilaa be wo le ñaama, meŋ ka a daa bula sonkoo to, meŋ maŋ ke a taa ti.

Kuma Kotoomaalu 20:3

I ka ke buuñaa moo ti le, niŋ i ye i ñaa kaasi fitina kuwo la, bari i ye toolee-wo-toolee je, a ka tariyaa sonka wulindoo la le.

Kuma Kotoomaalu 18:6

Toolewo daakumoo le ka sonkoo naati a ye, aduŋ a fokumoo le ka buuteeroo saabu a ma.

Kuma Kotoomaalu 16:18

Faŋ waroo ka moo samba kasaaroo le kaŋ, aduŋ faŋ wara moo la kuwolu buka labaŋ kuu.

Kuma Kotoomaalu 13:10

Faŋ waroo ka sonkoo doroŋ ne saabu, bari ñaameŋo ka tara moolu le kono, mennu ka soŋ yaamaroo la.

2 Taarika 35:21

Bari Neko ye kiilaalu kii a kaŋ ko, “Yahuuda mansa, ite la muŋ kuu le be ñiŋ to? Nte maŋ wuli ite kamma, n niŋ mennu be keloo la, n wulita wolu le kamma, aduŋ Alla ye n yaamari le ka m bambaŋ. Ì dahaa ka balaŋ Alla ma, meŋ be m fee, i si a je, a te i kasaara la.”

5 Musa 8:14

Niŋ ali ye ñinnu bee soto, ali kana ali faŋ wara ka ñina Yaawe la ali la Alla, meŋ ye ali bondi naŋ joŋyaa kono Misira bankoo kaŋ.

2 Taarika 25:20

Bari Amasiya balanta le ka i lamoyi. Alla le ye ñiŋ ke, fo a si ì duŋ noo ì jawoolu buloo kono, kaatu ì ka Edomu jalaŋolu le batu.

Daniyeli 11:12

Niŋ a ye ñiŋ kelediŋ kafu jamaa baa noo fokabaŋ, a be a faŋ wara la le, ñiŋ kamma la a ye kelediŋ wuliwuloolu mennu faa, bari a la nooroo te labaŋ na.