2 Taarika 24:19 - Mandinka Bible

¹⁹ Bari hani wo Yaawe ye annabiyomoolu kii ì kaŋ, ka ì murundi naŋ a kaŋ. Ì ye ì dandalaa, bari ì maŋ i lamoyi.

2 Taarika 24:19 ပူးပေါင်းရင်းမြစ်များ

Luka 16:31

Bituŋ Iburayima ko a ye ko, ‘Niŋ ì maŋ i lamoyi Musa niŋ annabiyomu doolu la, wo to ì te soŋ na, hani niŋ moo wulita saayaa kono.’ ”

Matiyu 13:9

Meŋ ye tuloo soto, a si a moyi.”

Yeremiya 26:5

Ali i lamoyi n na dookuulaalu, annabiyomoolu la kumoolu la. N ka tu ì kii la ali kaŋ ne, bari hani wo, ali maŋ i moyi.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Yesaya 51:4

Yaawe ko: “N na moolu, ali i lamoyi n na. N na bankoo moolu, ali ali tuloo loo n na. Karandiroo be bo la nte le bulu, aduŋ n na kiitiiteyoo be ke la bankoolu ye mala baa le ti.

Yesaya 42:23

Jumaa le be soŋ na ñiŋ na ali kono, waraŋ ka a hakilitu ñaato siniŋ?

Yesaya 28:23

Ali i lamoyi, n ka meŋ fo, ali ali hakiloo tu kumoo to, m be meŋ fo la ali ye.

Nehemiya 9:26

“Bari ì balanta, aduŋ ì ye i soosoo le, ì ye ì koo dii i la luwaa la. Ì ye i la annabiyomoolu faa le, mennu ye ì dandalaa, fo ì si muru i kaŋ, aduŋ ì ye sookiri baalu le ke.

Jakariya 1:4

Ali kana ke ko ali mumuñolu. Annabiyomu foloolu ye nte Yaawe Alihawaa Maariyo la kumoo bankee ì ye le, fo ì si ì koo dii kuu kuruŋ kewo la, aniŋ ì la sila kuruŋolu. Bari ì maŋ i lamoyi n na sako ka ì hakiloo tu n na kumoolu to.

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Nehemiya 9:30

I la kanu bambaloo kaŋ, i tarata muñariŋ ì ye le fo sanji jamaa, aduŋ i ye ì dandalaa niŋ i la Nooroo la le, ka bo niŋ i la annabiyomoolu la, bari ì maŋ i lamoyi fereŋ. Bituŋ i ye ì duŋ ì dandanna bankoo moolu bulu.

Yeremiya 25:3

Sanji muwaŋ niŋ saba kontoo la, kabiriŋ Yahuuda mansakewo Yosiya, Amoni dinkewo la mansayaa sanji taŋ niŋ sabanjaŋo la, ka naa fo bii, Yaawe* la kumoo tarata naa la n kaŋ ne. N tuta a fo la ali ye le, bari ali maŋ i lamoyi a la.

Yeremiya 25:7

Bari ali balanta le ka i lamoyi a la.” Yaawe ye ñiŋ fo ko: “Ali ye n kamfandi niŋ jalambatoo le la, aduŋ ali ye ali faŋolu le mantoora ka bo ali ye meŋ ke.”

Yeremiya 25:8

Wo kamma la Yaawe Alihawaa Maariyo* ye ñiŋ ne fo ko: “Bayiri ali maŋ soŋ n na kumoolu muta la,