2 Taarika 22:5 - Mandinka Bible

⁵ A bulata ì la yaamaroo nooma le faŋ, fo a niŋ Ahabu diŋo Banisirayila mansa Yoramu taata keloo boyi Hasayeli kaŋ Aramu mansa meŋ be Ramoti-Kileyadi. Bituŋ Aramunkoolu ye Yoramu barama.

2 Taarika 22:5 ပူးပေါင်းရင်းမြစ်များ

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

Daniyeli 5:22

“Bari ite Belisasa meŋ mu a diŋo ti, i ye ñiŋ kuwolu bee loŋ ñaa-wo-ñaa, wo maŋ a tinna i ye i fammajii.

Jabuuroolu 1:1

Barakoo be moo le ye meŋ buka taama niŋ moo kuruŋolu la yaamaroo la, waraŋ ka bula junubelaalu la siloo nooma, waraŋ ka tara siiriŋ ñaawalilaalu kono.

2 Taarika 19:2

Bari annabiyomoo doo, Yehu, Hanani dinkewo taata a kaŋ, a ko a ye ko, “Fo i ñanta jawoo maakoyi la le baŋ, ka moolu kanu mennu ye Yaawe koŋ? Ñiŋ kuwo kamma la Yaawe la kamfaa jiita i kaŋ.

2 Taarika 18:31

Bituŋ kabiriŋ keleraŋ sareeti kuntiyolu ye Yehosafati je doroŋ, ì ko ì faŋ ye ko, “Banisirayila mansa niŋ moo-wo-moo te ñiŋ ti.” Wo to le ì tilinta a la ka a kele, bari Yehosafati woosiita Yaawe ye ka a maakoyi. Bituŋ Yaawe Alla ye ì jamfandi a la.

2 Taarika 18:3

Ahabu ko Yehosafati ye ko, “I niŋ m be taa le baŋ ka Ramoti-Kileyadi kele?” Yehosafati ye a jaabi ko, “Nte niŋ ite bee mu kiliŋ ne ti, n na moolu niŋ i la moolu bee mu kiliŋ ne ti. M̀ be tara la i fee keledulaa to le.

2 Mansoolu 8:9

Bituŋ Hasayeli ye Damasiku feŋ betoo siifaa bee taa, meŋ taata kaañaŋ ñonkome taŋ naani la dunoo fee, ka ì samba Alla la moo ye soorifeŋo ti. Kabiriŋ a futata, a taata Alla la moo kaŋ, a ko a ye ko, “I dimmaa Aramu mansa Beni-Hadadi le ye n kii naŋ. A ko ŋa i ñininkaa fo a be kendeyaa la a la kuuraŋo to le baŋ?”

1 Mansoolu 22:3

Wo ye a tara Ahabu ko a la mansakundaa alifaalu ye le ko, “Fo ali maŋ a loŋ ko Ramoti-Kileyadi mu ntolu le taa ti baŋ, bari m̀ maŋ feŋ-wo-feŋ ne ke ka jee taa Aramu mansa bulu?”

1 Mansoolu 4:13

Beni-Keberi, wo be Ramoti-Kileyadi, ate le marata Manase dinkewo Yayiri la saateeriŋolu ma mennu be Kileyadi, aduŋ Arikobu tundoo be ate le koto, daameŋ to be Basani. Saatee taŋ wooro, a bee kafuriŋo, ì niŋ ì tata sansaŋolu niŋ jaawali daa sorondaŋ nee bantambiloo.

2 Taarika 22:6

Wo le to a muruta ka taa a la baramoo jaara Yesireeli. Yehoramu dinkewo Ahasiya, Yahuuda mansa, naata taa Mansa Yoramu juubee jee, kaatu a baramata le.

2 Mansoolu 3:1

Yehosafati la mansayaa sanji taŋ niŋ seyinjaŋo Yahuuda bankoo kaŋ, wo saŋo le mu Mansa Ahabu dinkewo Yoramu keta Banisirayila mansa ti. A ye maraloo ke Samariya saatewo kono le fo sanji taŋ niŋ fula.

2 Mansoolu 9:1

Wo waatoo la Annabilayi Elisa ye fondinkee kiliŋ kumandi annabiyomu kafoo kono, a ko a ye ko, “I tewo siti, i ye ñiŋ olifu* tulu kaboo taa i niŋ a ye taa Ramoti-Kileyadi.