2 Taarika 22:12 - Mandinka Bible

¹² A tuta maaboriŋ a bulu Alla Batudulaa Buŋo kono le fo sanji wooro, wo tumoo Ataliya le tarata bankoo mara kaŋ.

2 Taarika 22:12 ပူးပေါင်းရင်းမြစ်များ

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Jabuuroolu 73:14

Luŋ-wo-luŋ koleyaa le ka n taki, aduŋ n ka jarabi le fanikee-wo-fanikee.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 12:8

Ì ka tara ŋaañaa la karoo bee le la, bayiri moolu ka kuu jawoo le kidimandi.

2 Taarika 22:11

Bari Ahasiya ye baarimmusoo soto le, Yehoseba, Mansa Yehoramu diŋo, a be futuuriŋ nuŋ Piriisi* Yehoyada le ye. Wo ye Yowasi kullootoo samba ka a bondi Ahasiya dinkewolu kono, ì ka naa mennu faa. A ye a niŋ a la bambaanoo ke laabuŋo kono Alla Batudulaa Buŋo* to ka a tanka Ataliya la faaroo ma.

2 Taarika 23:1

Sanji woorowulanjaŋo, Yehoyada loota bambandinke, a niŋ kelediŋ kuntiyolu mennu marata keme kafoolu ma, denta kaŋ na. Wo kuntiyolu le mu Asariya ti Yerohamu diŋo, Isimayila Yehohanani diŋo, Asariya Obedi diŋo, Maaseya Adaya diŋo, aniŋ Elisafati Sikiri diŋo.

Kuma Kotoomaalu 28:28

Niŋ moo jawoolu ye maraloo ke, moolu ka ì kuŋo kedulaa le ñini, bari niŋ moo jawoolu kasaarata, moo tilindiŋolu ka ñaatotaa soto le.