2 Taarika 21:19 - Mandinka Bible

¹⁹ Sanji fula kumfaa dulaa, a nuwo fintita naŋ banta jankaroo ñiŋ kamma la, a labanta faa la dimiŋ jawu baa kono. A la moolu maŋ dimbaa mala a ye ka a buuñaa a la, ko ì ye a ke a mumuñolu ye ñaameŋ.

2 Taarika 21:19 ပူးပေါင်းရင်းမြစ်များ

2 Taarika 16:14

Ì ye a baadee kaburoo kono, a faŋo ye meŋ siŋ Dawuda la Saatewo* to. Ì ye a la kaburoo kono fandi karabaanijiyo niŋ seerandi feŋ diimaa koteŋolu la, ì ye mennu ñaami. Aduŋ ì ye dimbaa baa mala a buuñaa kamma.

Yeremiya 34:5

I be faa la kayira kono le. Ì be aada siisindiroolu ke la i ye le ka i horoma, ko ì ye a ke i la alifaa mansakee tambilaalu ye ñaameŋ. Ì saŋakumbootoo be a fo la le ko, ‘Ayiwaalii, m̀ maarii!’ Nte Yaawe le ye ñiŋ kumoo fo.”

2 Taarika 21:15

Aduŋ ite faŋo, kono jankari baa be laa la i kaŋ, meŋ be jawuyaa-jawuyaa laalaa la fo i nuwo ye finti banta.’ ”

2 Taarika 24:25

Ì ye a baramariŋ baa bula jee, ì taata. Bituŋ a la dookuulaa fula ye jamfaa siti a kamma, ì ye a faa a la laaraŋo kaŋ a la piriisi Yehoyada diŋo faa kaŋ. Bituŋ ì ye a baadee Dawuda la Saatewo to, bari ì maŋ a baadee mansoolu la kaburoo to.